|
||||||||||||||||||
جدّ سارة
عبد الله بن محمد السياري شاعرنا له اولاد اكبرهم اسمه خالد كان اطيب عياله درس وتخرج من الجامعه وكان خالد هب ريح وكان محبوب ودمث الاخلاق ويتعب الانسان وهو يقول رجل بعد فتره من تزوج وبعد ماتزوج بنا له بيت بينتقل بزوجته لبيته الجديد خالد من يوم هو صغير كان عنده مشكله في الصمام بالقلب واعتقد له فتره ماتابعه او شي من كذا وفي ذاك اليوم وهو يشتغل في بيته الجديد راح للرجال في مجلس ابوه كان بيت ابوه عاامر بالرجال وفي ذاك اليوم بعد مارجع لغرفته قام يسولف مع زوجته شوي بعدها قال يامره نادي ابوي وامي قالت خير ؟؟قال ناديهم ابيه بسررعه يوم جو عنده قالوا له خير ياولدي سلامات ؟؟ قال والله يابوي مدري احس ماني نشيط بس ان شا الله اني بخير بس بوصيكم وصاه وقبل الوصاه بطلب منكم طلب انت يا ابوي وانتي يا امي وعمي الي حاظر وكلكم انا اطلب منكم تسامحوني وتحللوني ووصيتي لكم هذي زوجتي حامل ان جاني ولد سمووه على اسم جدي محمد . وان جاني بنت سمووها على اسم امي وطاح عليهم شوي الا يوم فاظت روحه رحمة الله عليه قامت بعض الجرايد تنشر قصائد رثاء فيه مرت الايام وجابت زوجته بنت وسموها ساره على اسم امه بعد حوالي 3 سنين كانت ساره تجي عند جدها الخميس والجمعه وكاانوا كلهم يقولون سبحاان الله نسخة من ابوها وكان جدها يحبها حب جنوني ...بنت ولده ولازم يحبها وكانت البنت ذكيه وكان الرجال يقولون تعالي يابنتي وهذا يقول تعالي يابنتي الي يعطيها حلاوه والي يلاعبها وهي ماتدري ابوها من في هذولي كل واحد يقول تعالي يابنتي عاد الجرح الي في كبد عبد الله السياري ماطاب وكان يصد عنها ويسفح بالدمع ومايبي احد يشوفه وفي ذاك اليوم طلع برا البيت على سيارته وطلع للبر وكتب القصيده هذي رثااء في ولده ويقوول
متى مالعباير ضيقت صدري المشحون =ونوت عيني الحرا تنثر عبايرها ركبت المصفح مبعد الهقوه المامون =وتنزحت بعيونن على الصبر عاسرها تنحرت رجم على الوادي المصيون =تعليت به والعين جابت ذخايرها على فقد خالد ونتي ونة المطعون =تكض العيون الدمع والحزن حاشرها انا اظني احيا مابقالي وانا محزون =من الصدمه الي رب الارباب خابرها اليا شفت ساره تدرج بينهم بالهون =تعثر وتنهض واقشر الحظ عاثرها اتنادي بابا مادرت ذخرها مدفون =تعلق بمن شافت وتنخى عشايرها تنحيت عنهم واسبلت عيني المخزون =اطمن وألد بناظري لا يناظرها ولاخف حزني صحت ياربعنا تكفون =على الكبد حطوها تطفي سعايرها هلا مرحبا ياكل عمري ونون النون =ضنا من خياله شايفه في نواضرها انا اشم ريحه فيتس لو قيل لي مجنون =عيون الخلي لو نامت الليل عاذرها رحم الله خالد واسكنه فسيح جناته وجميع موتى المسلمين
اتمنى ان تنال على اعجابكم دمتم بخير ,,,
التعديل الأخير تم بواسطة فاقدة أبوها ; 13 Feb 2009 الساعة 05:51 PM
|
13 Feb 2009, 05:58 PM | [ 2 ] | |||||||
جود القلم
|
قصه مؤثره
مشكور اخوي تقبل مروري |
|||||||
|
||||||||
13 Feb 2009, 09:00 PM | [ 3 ] | ||||||||
مؤسس شبكة الشدادين
|
يا هلا والله بأخوي الواعي ومشاركاته الجميلة الهادفة وقصصه الشيقة الرائعة لا هنت أخوي الواعي ولا هان غاليك نطالبك بالمزيد |
||||||||
|
|||||||||
14 Feb 2009, 03:52 PM | [ 4 ] | ||||||||
شاعر
|
فاقدة أبوها يافاقدة مرحبابك قدر وإجلال = رائع مرورك وأسلوبك نظيفي أشكر لـ ( فاقدة أبوها ) تفضلها بقراءة القصة وقيامها بتنسيق القصة والأبيات وجهودها الطيبة دمتي بخير ,,, السلطان لك جزيل الشكر والتقدير لتفضلك بقراءة الموضوع ومرورك الطيب . والله يقدرنا جميعاً على تقديم ما يليق بالمنتدى الرآآآآآآآآآآآآآآآئع دمت بخير ,,, |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سارة الوازعية | المستحيلة | أعلام النساء | 14 | 15 Mar 2012 07:20 AM |
سارة والمخدرات | بندر النايف | منتدى القصص والحكايات | 23 | 21 Dec 2007 05:12 AM |
سارة .. سارة .. لقد ماتت .. ماتت - قصة حقيقية | خالد بن سعود | منتدى القصص والحكايات | 15 | 14 Nov 2007 01:43 AM |
صارت مثلا ... | المستحيلة | منتدى القصص والحكايات | 23 | 23 Sep 2005 01:56 PM |
|