تعقيب على قصة عجير والمطيرية

اولاً مرحبا ومسهلا يالمطيري في محلك وعند قبيلة تعز قبيلة مطير(حمران النواظر)

وانتم يالمطران ماخذين حقكم فاول الوقت وتاليه لكن انا مااسمح لك في كلمة قلتها

حنا ماحنا العتبان ولا قحطان ولا سبيع ولا الدواسر حنا(بني الحارث) وقصصنا معروفه

معك ومع غيرك ومهيب اول حرمه نطلقها من رجالها طلقنا العتيبيه من العتيبي

اللي تقول:

تكفى يابن مهرس معشي الذيابه=تراه يجيك مع المقيطع لزومي

ماريته هرشٍ خبيثٍ زهابه=والملح في كم الخميل محزومي

اظن منكم فزعةٍ ياشبابه=ارموه كود الله يقدي السهومي

تكفى يابن مهرس معشي الذيابه=عاداتكم ياعجير فك اللزومي


واما القصه اللي انت تتلكم عنها وتقول مسكن الموازين ثرب

حنا خابرينها ثرب والجياسر والدير هذيك مار البدو من اول

يشدون وينزلون


بعدين القصه والقصيدة على عجير بن مهرس يالرهاطي

مهيب على ابن جبرين

اسمع كلام الرواة الموثوق منهم القصه على عجير بن مهرس امير الشدادين

يوم غنت المطاريه الميزانيه عايضه بنت مذيخ اخت شامان

حجر علاها ابن عمها ضاوي بن مدلج الميزاني وغنت تقول

يامن يوصلي سلامي لملفاه=لعجير بن مهرس مقدي الاهاوي

تكفى يابن مهرس زبون المخلاه=انخاك تفزع يازبون الجلاوي

افزع باهل هجن من الغرب تقداه=عليه من شغل النصارى بلاوي

واليا وصلتوا عند كشب المسماه=قلط سبورك لاتعدى الحراوي

تراه بين كان تجهل حلاياه=يضرب مضاريب الخطر مايرواي

واليا عطيت الوصف كنك تحلاه=وارمه ليا منك سمعت اسم ضاوي

وهي تمدحه وهو من اطيب الموازين مير قعده له ابن منوع الشدادي

وعجير بن مهرس وذبحوه

ولاهوب اول واحد يذبحه عجير بن مهرس

والله من حرة قيد ابعد راس راكبها انت يابن مهرس