زايد بن نايف ابن مهرس وقصيدة الطرقي

بسم الله الرحمن الرحيم

هذه القصيده قالها زايد بن نايف بن شرار ابن مهرس الشدادي
عندما قال له واحد: أنت يا زايد ما همك غير الطراقي تنشد من جاء ومن راح
فتمثل بهذه الأبيات:

ماني بدوّر كل طرقي والاخبار = حتى المقيم اليوم مالي وماله
في راسي أفكاري ومن راسي الشار = وقول ٍ بلا فعل ٍ حرام ٍ مجاله
ياما مشينا كل درب ٍ به اخطار = هذي دروب المرجله والشكاله
والمال عز الناس صانع وبيطار = واللي عرف للمال زوّد حلاله
والحظ دهور كل وافين الاشبار = والقل حد اهل الوفاء والجماله
احد ٍ نزل بالبر واحد ٍ فالامصار = واللي معه دبره زمانه صفاله
عبرت لك تعبير عن كل الاقطار = باشارة المعنى لمثلك دلاله
هذي تجاريبي بوقتي وما صار = مر ٍ تزين ومر هم وملاله

وتقبلوا تحيات أخوكم ابن مهرس

صح لسان الشااعر زايد ابن مهرس
مشكوور اخوي ابن مهرس على نقلك للقصيده الجميله والرئعه

يعطيك العافيه .

والله كفو بزايد راعي العلوم الغانمة

وكلٍ يعرفه ويعرف قدره بين الرجال

والله زينة الايام بجية الطراقي .. هم الي يلمون الناس ويكرم من خلالهم الضيف ..
وكل التواصل الجميل من خلالهم
والله والنعم بزايد ... ونشدته .. الف نعم

صح لسان الشااعر زايد ابن مهرس

قصايده جزله

بلغه سلامي وتحياتي

صح لسان الشاعر على القصيده الجزله

وحياك الله يابن مهرس واختيارك موفق

مشكورين يالربع على المرور

والله ونعم وألف ونعم بزايد ابن نايف

ونعم بربعه وجماعته ولا هنت يا ابن مهرس

صح لسان الشااعر زايد ابن مهرس



ومشكوور اخوي ابن مهرس على نقلك للقصيده الرااااااااااااااائعه