مملكة احمد الروقي

رسمتك يالطيف الروح في لوحه تبل القاع
وصرت اصبح وامسي شوفتك يا غاية مرادي


مدام الوقت فرقنا ولا له لي معك مرجاع
حفظتك بين قلب و عين خايف عين حسادي

الغايب اللي غيابه ما هو مطوّل
واثق وسجلتها بين العناوينا


انا الذي كاسبٍ قلبه انا الاوّل
في عالمه مثرن مثل الاثر فينا

قالو انه تغير قلت لا ما يصير !!
( كود وادي قيا ينقل لوادي بوى )


لين شفته بعيني .. ليت ماني بصير
كان ما شفت شوفٍ ماله اية دوى

وتخرجنا من الجامعه والحمد لله على كل حال ..

الحال من بعد المحبين مستور
والعين تكشف ما تكن الخفايا

ما هويت الا حبيبٍ فاالعمر
الدروب وساع لا كني عما


العيون وما تشوف الا القمر
المحبه واصله حد السما


عقب ما شفته على موتر همر
ليت راغت رميته يومه رما


العيون وتحتها موتٍ حمر
لو شربت البحر ما سد الضما


من يلوم النفس لا منه دمر
هو سرى فيه مثل سري الدما

الضامي اللي ضاميٍ شوف ولفه
يرجع لدفتر ذكرياته ويروى

الا يا عريب الخال من قبل ذوق المر
تنبه وخل اللي ضحك يوم زين لك


طيورٍ تقابلها ولا كل طيرٍ حر
كلامٍ موثق والليالي تبين لك

		المشاركة الأصلية بواسطة : احمد الروقي اقتباس
	وتخرجنا من الجامعه والحمد لله على كل حال ..

ألف مبارك التخرج وعقبا للماستر .
بالتوفيق

		المشاركة الأصلية بواسطة : مرقّص النملة اقتباس
	ألف مبارك التخرج وعقبا للماستر . بالتوفيق

مرحبا بك اخوي الغالي ومنور المملكه والله يبارك فيك ويرحم والديك واشكرك على المرور المميز بتميزك ياالامير