مملكة احمد الروقي

يقولون ريّح قلت بالي مهو مرتاح
يكود السجين اللي حكم با القصاص يْسر

ليالٍ مضت ما عشت من بعدها الافراح
ليال اخذت ( الحالي ) ولا باقي الا ( المر )

قلت لك هيا معي نسري جنوب
وترك الوسط لامنها والجيوش

يالله مساء الخير في جمعة الخير
ويالله برزقن ماحسبنا حسابه

حنا عبادك مالنا غيرك مجير
وآقبل دعانا ساعة الاستجابه

اذكاركم حصنكم
https://www.islamware.com/app/azkar/2

		المشاركة الأصلية بواسطة : نورة اقتباس
	يالله مساء الخير في جمعة الخير ويالله برزقن ماحسبنا حسابه حنا عبادك مالنا غيرك مجير وآقبل دعانا ساعة الاستجابه اذكاركم حصنكم https://www.islamware.com/app/azkar/2

الاخت نوره

شكرا على رابط الاذكار ..

اقبريني في عيونك وقصي لليال
عن مدى حبي وردي على ليل العتب

ما كتب ربي على جمعنا بعد الوصال
حبنا الخالد هو اللي نشوفه منكتب

لا من فزعت الك ترا ما نبي شي
غير اني اطمع لـ سماء ودي ارفعك

ان ما نفعتك يا رفيقي وانا حي
تحت النصايب ماني بـ قادر انفعك

حزن الاماكن بعد بعد المحبين
يظهر مثل ما الحزن يظهر علينا

لو للاماكن صوت ما غمضت عين
من كثر ما هي با اللقى تحترينا !

ياما عزفت لـ خاطرك عذب الالحان
لو كان قلبك كل ( فرحه ) قتلها

من عاش في قلبك عدوٍ للاحزان
والجنه اللي في عيونك دخلها

هلا والله بك يا شاعرنا العزيز
أبو سلطان
والله يبيض وجهك على هذا التواجد
والذي نتمنى وندعو الله أن يستمر ويتواصل ولا ينقطع

		المشاركة الأصلية بواسطة : السلطان اقتباس
	هلا والله بك يا شاعرنا العزيز أبو سلطان والله يبيض وجهك على هذا التواجد والذي نتمنى وندعو الله أن يستمر ويتواصل ولا ينقطع

ارحب والله يابو عبد الله ووجهك ابيض وان شاء الله مابه قطاعه ولا حنا من اهلها لكن فترة المنتديات اتوقع على وشك الانقراض لان اغلب الناس توجهو لـ تويتر وانت عارف الشي هذا فـ الكاتب الناقد الشاعر ..الخ يواكبون التطور مثل غيرهم اما انا اتواجد اليوم وكل ما حضر شي يستحق النشر جيتك اعدي لـ خاطرك يا ولد العم ولـ خاطر المتواجدين ..