آخر مواعيدي

العيب عيب الناس ماهو ب / عيبك
الناس ماهي مِثل طيبك وانا أخوك !

لو صرت طيّب ! ( يستغلّون ) طيبك
ولا أحتجتهم بالضيق راحوا وخلّوك !

الله الله
يا شاعرنا المبدع أبو فهيد
مبدع ومتميز كعادتك
وبصماتك هنا لا تنس أبداً

		المشاركة الأصلية بواسطة : السلطان اقتباس
	الله الله يا شاعرنا المبدع أبو فهيد مبدع ومتميز كعادتك وبصماتك هنا لا تنس أبداً

الله يطول بعمرك يابو عبدالله
والابداع كله مرورك يابعد تسبدي

.
.
مجمّع فيلاجيو - قطر

فيلاجيو .. يازين سوقه ومبناه
.................. ويازين عود الزين ومحلا صفاته
لو شافني بالعين .. وأعوذ بالله
.................. يا ( خوف قلبي ) .. مايعيّن نجاته
صوت الكعب والكحل وباقي مزاياه
.................. وباقي الوصوف اللي تميّز حلاته
لا مال عوده غنج في حين ممشاه
.................. اتقول .. ردفه يلتصق في عباته !
ولاشفت خصره زاد فيك المعاناه
.................. ولاشفت صدره قلت هذي غناته
متمرّده .. وتحوز باللي تمناه
.................. متغطرسه .. والزين جمّع شتاته
خطّت على قلب الشقاوي ياعزّاه
.................. لا مابقى شيء ابضلوعه وجاته
ياحيّ ذاك الشوف والقلب حيّاه
.................. وياحي صوته لانطق من شفاته
مدري ومدري ياسعد كيف بنساه
.................. قلبي وهو قلبي .. يتوه ابصلاته
واللللللله ياظني من ايام مرباه
.................. من كثر زينه .. يغار منه خواته
واللي يعيش العمر للحين ماجاه !
.................. قلّه بربّه .. وش يبي في حياته ؟؟

.
.

.
.

اهداء الى صاحب الخطط المدروسه :

يادارس الخطّـه على ويـش تدرس ؟
ماغيـر شـاطر بـ التصاريح صجّه !!

لا لاعبـن يلعـب ولا عبـد يحـرس ؟
يعنـي بدون هيـاط دجّـه في دجّـه !!

.

.

شفت المشايخ عقب مامات بن باز ؟
.............. كنها حياتي عقب لحظة .. مطاحي !

وشفت الكلام اللي على شات تلفاز
.............. أقرا هماجه ، لين أورّد ( قراحي ) !

وشفت الطحين اللي على يد خبّاز
.............. ياهو مزوّد في ضميري جراحي !

مرّه على الصامت ومرّات هزاز
.............. والليل عاتم دون / نور الصباحي !

البعض جنبك مير للغير منحاز
.............. فالح بطعن الظهر وفتق الجراحي !

عزي لحالك .. كان للناس معتاز
.............. ياخوك من هالناس ضاق انشراحي !

ياهتلر النازي على ويش تمتاز ؟
.............. تلقى الاجابه وسط صفحة كفاحي !

الوجه فيه ( قناع ) .. واليد قفاز
.............. وأكبر هموم القلب شنطة مناحي !

ولّع على الدنيا وزوّد على القاز
.............. مادام مافيها من الناس : صاحي !

.
.

مبدع أخوي ...........لا هنت

دوبي انتبهت لجمال و روعة ما تملك

سأظل متابعة لك

دمت بخير

.
.

يا هلا ومرحبا بهديل ..
منوّره بتواجدك اللي اشكرك عليه
ومتابعتك شرف لكل حرف اكتبه ..

أحزان قلبي جات صفن ورى صفّ
.............. وشييّن صارت خلّت الضحك ممنوع

اليا نخيت الحظ .. ثم قال لي : ضفّ !
.............. وصوتك اللي ما سمعته من اسبوع

واليا كتبت الشعر حبر القلم .. جفّ
.............. وأحسّ قلبي من حشا الروح منزوع

عذري معي لا قلت ياصاحبي : طفّ !
.............. ماعاد به كيكه .. ولا باقي شموع

تكفى طلبتك يازمن عنّنا .. ( خفّ )
.............. ميّت من الايام وميّت من الجوع

لاجيت له مشتاق يضحك .. ويلتفّ
.............. كنّه ( يراهنّي ) على / حبّة الكوع

مابي اكون اكتاب مرمي على الرفّ
.............. ابغى اكون ابوسط الاضلاع مطبوع

اخطف له الضحك من ايامنا خطفّ
.............. واضحك ليا شفته وانا كلّي دموع

ان كان تبغى تشوف ياصاحبي شفّ :
.............. هلّيت دمعي واصبح القلب موجوع

ابغاك تطفي النار ، وافعالك اتهف
.............. وياشين حبل الود لا صار مقطوع

إلى هُنا والآن ياعَاشِقي : ( قِفّ )
.............. ف إنّني لستً .. وَضِيعَاً ومَخضْوع !!

كل ماطلبتك شي جاوبتني أفففففف
.............. وانا أدحم الزلّه ولاشفت : قرطوع !!

.
.

.
.

بعض الاوادم ميّته قلب وإحساس
................ ان كان تبغى المدح نفّذ غرضها !!

ياصاحبي وان كنت ضايق بالانفاس
................ اليوم نفس الحقد صارع مرضها !!

كذاب من قال إلك هالناس للناس
................ في وقتنا هالحين .. تاكل بعضها !!

.
.