|
||||||||||||||||||
فخر الالمان
مساء الخير اعضاء وزوار منتديات الشدادين نأسف على طول الغياب ويعلم الله انه ظروف خاصة تمنعنا من التواصل في منتدانا الموقر ومع اعضاءه الكرام ونعدكم بالمزيد والجديد واليكم هذه القصيدة المتواضعه ( واطلب من المشرف تنسيق القصيدة ) ,,,, شيك على اللي صممه فخر الالمان= احدث طراز الحوت صنّع ببرلين اقطم خشم والداخلي شفط بيبان= واللون فيه من الوضيحي عناوين ولا كما وضحاً خذت كاس سلطان=من ذود بن عبود ولا الجمالين سره يابو سلمان ياطير حوران=يم الرياض العاصمه للمسمين تله من بريده حراوي مسيان=وعبّه وقود النار خمسه و تسيعين ودس له وخل سليتره يعزف ألحان=يعزف على موال جرح المحبين وليا دخلت العاصمه يابن جربان=ميل وخل المملكه عنّك ايمين امسك طريق خريص ياذرب الايمان=حتى تعدى صالة سعود بابطين واحسب لثالث مدخلٍ وانت عجلان=وامسك طريقٍ فيه ورد و بساتين هذا طريق اللي له سنين وازمان=حبه بقلبي ما يعرف القوانين سلم عليه وقله حمود زعلان=عشرين ليله ما حصل منك تطمين قله عسى ماشر يا خدر الاعيان=وشفيك ما ترحم قلوب المشقين اخايلك ما خايل البدو الامزان=واشتاق لك شوق الندى للرياحين الوصل قطعه ظلم ياصاف الاوجان=بل العروق الضاميه والشرايين والله لو تنسى بني يام راكان=ولا العرب تنسى قضية فلسطين منساك دام الروح تنبض بشريان=واللي خلقك انك لنا قرة العين
التعديل الأخير تم بواسطة رعد الجبوب ; 30 Jun 2011 الساعة 12:11 PM
|
26 Jun 2011, 11:47 PM | [ 2 ] | |||||||
|
رد: فخر الالمان
يسلم راسك شاعرنا ما شاء الله قووية قصيدة شوق قوية تسلم دمت بسلامة قلب و روح |
|||||||
|
||||||||
27 Jun 2011, 12:58 AM | [ 3 ] | ||||||||
شاعر
|
رد: فخر الالمان
ابو زياد حياك الله وانشالله انها اخر الغيبات ياشاعرنا وصح السانك وعتلا شانك قلبك خضر يابن جربان تمنيت انك طولت في القصيده حتى نستمتع اكثر واكثر وماشالله عليك وصف الديرة وصف حتى الورد بعد انا سمعت طال عمرك ان جت عجة وشالت هالورود يعني يبي لك وصف مره الثانيه السلمان حتى مايغدي في درب وبذات سلمان مرسول حب يعني لازم يكون يدل درب بثبوت صح السانك وعتلا شانك وبيض الله وجهك وفعلا هذا هو الشعر واتمنى ماتغيب عنا وتكون متواصل معنا بستمرار على اقل كل اسبوعين قصيده ياطارق الشعر تحياتي لك |
||||||||
|
|||||||||
29 Jun 2011, 08:09 PM | [ 4 ] | ||||||||
شاعر
|
رد: فخر الالمان
سلمت يابن جربان وافيه من راس وافي تحياتي لك |
||||||||
|
|||||||||
29 Jun 2011, 08:16 PM | [ 5 ] | ||||||||
عضو متميز
|
رد: فخر الالمان
صح لسانك يابن جربان قصيده جزله من راس جزل لاهنت |
||||||||
|
|||||||||
30 Jun 2011, 03:00 AM | [ 6 ] | ||||||||
شاعر
|
رد: فخر الالمان
أختي هديل الحب مروك العطر أسعدني |
||||||||
30 Jun 2011, 03:06 AM | [ 7 ] | ||||||||||||||||||||||||||||
شاعر
|
رد: فخر الالمان
بدر المشيطي لاهنت على المرور الكريم والله يسترمن العجاج |
||||||||||||||||||||||||||||
30 Jun 2011, 11:50 AM | [ 8 ] | ||||||||
مؤسس شبكة الشدادين
|
رد: فخر الالمان
لا هنت يا ابن جربان والله يحييك في منتداك متى ما ذكرته وجيتك |
||||||||
|
|||||||||
30 Jun 2011, 12:12 PM | [ 9 ] | ||||||||
شاعر
|
رد: فخر الالمان
صح لسانك والله يعطيك العافية على طرح القصيده |
||||||||
|
|||||||||
03 Jul 2011, 12:54 AM | [ 10 ] | ||||||||
شاعر
|
رد: فخر الالمان
اخوي الذيب لاهنت على المرور الكريم |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|