قصيده موجهه لأبن مهرس

أقدم بين أيديكم هذه القصيده , بل أبيات عندما تُقال في رجل يملك جميع الخصال العظيمه و المواقف الخالده و المشرفه في نفوس الرجال
و االذي لهُ صيت و ذكر عند القريب و البعيد , و مهما كتبت في هذا الرجل لن أوفيه حقه , لما له عليّ من الجمايل التي لا تعد و لا تحصى , و من لا يشكر الناس لا يشكره الله
كتبت له هذه المشاعر النابعه من القلب تعبيراً له عن الشكر و الأمتنان

,

طابت هجوس الشاعر اللي لا استوى جوه و طاب=أغلى الدرر لآمن نوى غاص البحور و جابها
نوادرن تزهى هل الطاله رفيعين الجناب=يوم الردي و أهل الردى تبطي و لا تحضابها

يبدا بها سلامٍ أحلى من هماليل السحاب=تسليمةٍ جاتك من أعماقي تسوق ركابها

تنصاك يا راعي الوفاء يا شوق زاهيت الخضاب=ياللي كسبت قلوب خلق الله و نلت أعجابها

يا راعي الوقفات و الفزعات حلال الصعاب=جمايلك فالناس و الله ما حصيت حسابها

من هيبتك لا جيت يا فيصل تخاضع لك رقاب=و لك سمعةٍ ما نالها ناسٍ ترف أشنابها

يا غيث يا مروي كبودٍ غرها ضوح السراب=يا جعل تفداك الرخوم اللي تصك أبوابها

نسل الرجال اللي على الشدات تقلط ما تهاب=قوم تفج نحورها و قومٍ تجز رقابها
أهل القنا و أهل السيوف المرهفات أهل الحراب=في ساعةٍ و الخيل ما تعرف سوى ركابها
و أبوك صايل يا أبن صايل شاب المدح فيه شاب=اللي تعلا قمة المجد و رقى مرقابها
راعي الوفاء و الطيب مهما غاب ذكره ما يغاب=صحيح من هو من يقول النار من شبابها
و المدح تزهاله و يزهى فيك ما لذ و طاب=مدايحي لك يا عقيد القوم و أنت أولى بها
نوادرن تزهى هل الطاله رفيعين الجناب=و إلا الردي و أهل الردى تبطي و لا تحضابها

الشاعر / سامي عايض فراج الشدادي

صح لسانك يابو عايض

أبيات جداً جميله وافيه وكلك نظر

يستاهل فيصل بن صايل المدح
والله يقويك يالذيب

صح لسانك يالذيب


و أهل الوفاء تستاهل الوفاء


و يستاهل الطيب من له بصمه مشرفه مثل/ فيصل بن صايل بن مهرس



و تسلم هجوس الشاعر , و تسلم جزالته الشعريه



رسآمـ

صح لسانك يالذيب


ابيات جميلة وابن مهرس يستاهل




لكن عندي سؤال عن بيتين



الأول

يبـدا سـلامٍ أحلـى مـن هماليـل السحـابتسليمةٍ جاتك مـن أعماقـي تسـوق ركابهـا

في الشطر الأول اعتقد الشطر ناقص

والبيت الثاني

و أبوك صايل يا أبن صايل شاب المدح فيه شاباللـي تعـلا قمـة المجـد و رقـى مرقابهـا

نفس المشكلة في الشطر الأول

وجهة نظر

وتقبل تحيتي

صح لسانك يالذيب

وكلماتك في غاية الروعة وأهل الوفاء تستاهل المدح ويسلم من قال وقت الضيق أنا لها

دمت بخير

كفو والله يابوعايض

وصح لسانك ملايين ابيات جزلة وننتظر الجزل والطيب

من ابن مهرس ايضآ صح لسانك

وتحياتي وتقديري لكم

تسلم وصح لسانك
وأهل الطيب يستاهلون المديح

يا غيث يا مروي كبودٍ غرها ضـوح السـراب ... يا جعل تفداك الرخـوم اللـي تصـك أبوابهـا

البيت هذا لو قيل في أمراء العصر الأموي أو العباسي
لأعطي صاحبه مئات الألوف من الدنانير ...



ولو أن القصيدة ليس بها الا هذا البيت لكفاها أن تكون قمة في الإبداع







شكرا لك ياذيب

و أبوك صايل يا أبن صايل شاب المدح فيه شاباللـي تعـلا قمـة المجـد و رقـى مرقابهـا

عز الله ان صايل رقى رقى رقى
ولا يوم طاح
صح
لسانك
يالذيب
يستاهل فيصل وقبله صايل يستاهل اكبر من كذا
ونعم بالمادح والممدوح
نص جميل
راق لي كثيرا
وعسى الطيب من ربعنا
وننتضر شاعرنا فيصل

تقبل مروري

ملاحظه -اتمنى ان تعيد النضر في البيت الاول الشطر الثاني
والبيت الثالث الشطر الاول
وهذي وجة نضري

صحة ابدانكم جميعا

وبالنسبه لوجهة النظر من الاخوان مقبوله بكل صدر رحب لانني نسيت كتابة بعض الكلمات

ولكن القصيده موزونه تماما ولو اسمعتكم ايها صوتيا سترون انها موزونه

والقصيده لا يتقن قراءتها الا قايلها

تقبلو تحياتي وتقديري

رائع

الذيب

كاعادتك

وبن مهرس شيخ ويستاهل