اخر كلامك قلت لي منت مجبور

آخر كلامك قلت لي منت مجبور=وش رجعك بالله بعدك تبيني ؟

وصلتها لـ فراق ومنت معذور=أبيع بايع وآشتري مشتريني

ومادام قلبك خالي أحساس وشعور=ماني بحاجة قلب ماحس فيني

ماني على خبرك تمثل لي الدور =ولأني على كيفك تروح وتجيني

وإذا الزمن له جور والحب له جور =جورك على جور الزمن مبتليني

ضايقتني حتى وأنا دمي يفور =وكذبت في شي حصل شوف عيني

كاذب , , أناني , , ميت احساس , , مغرور =قاسي , , عنيد / وياخسارة حنيني

وشلون أمد الكف والكف مبتور ؟=من قلبك اللي مايقدر يميني

وقتـ (ن) مضالك مالفى مني قصور =ماباقي الا أشيلك براحتيني

وكتبت فيك حروف وأبيات وسطور =ليتك تحس وليت قلبك يبيني

زرعت فيك الكبر وأصبحت محقور =وأعميت عيني من رفالة يديني

رفعت من قدرك وواجهت بغرور =وأول وفاك تروح ماتحتريني

واليوم ترجع لي عقب غيبة شهور =ودك تعيد الحب ؟! لا ياضنيني

ماعاد باقي غير أوادعك مجبور =راحت عليك وياخسارة سنيني

العام قلبي يوم ألاقيك مسرور =واليوم عقب الود لاترتجيني

وإذا ذكرت العشره بقلب مقهور =تذكر اللي صار بينك وبيني

وأبعد بعيد وعن فعايلك مشكور =الربح نفسي والخساره لـ عيني

آخر كلامك قلت لي منت مجبور =والحين أظنك منت مجبور فيني

صح لسان الشاعر

وسلمت وسلمت يدينك

تحياتي وتقديري

هلا برعد الجبوب

ومن قال يسلم

الله يعطيك العافيه على المرور

مشكوووور
خيو دروبي بحر
ما قصرت

صح لسان شأعرها


وتسلم يمينك ع الآنتقاء الجميييييييل




لآهنت

صح السان الشاعرها وبيض الله وجهك على نقلها ولاهنت
ياذيبان
مشكوووووووووووووووووووووووووووووووووور

صح لسان الشاعر

قصيدة رائعة

يسلم ذوقك

لآهنت

أبيات رائعه

صح لسان شاعرها ولاهنت على النقل

حياك الله أخوي العزيز
وألف شكر لك على طيب وروعة المشاركات
وفقك الله
استمر رعاك الله

صح لسان الشاعر
ولا هنت على الانتقاء
><ِ
تحياتي