قدر المكارم

الاخوه الكرام أداري واعضاء
((شبكة الشدادين الرسميه))
اسعد الله اوقاتكم بكل خير
طاب لي مشاركتكم بهذه القصيده المتواضعه وهذا الاهداء الخاص مع اسمى تحياتي للنسيب الغالي(الشيخ العقيد عبدالله بن خاتم الطهيفاني
الحارثي رجل المكارم والتقى والصلاح والعفو عند المقدره صاحب الايادي البيضاء والمواقف العضيمه
أطال الله في عمره وادامه وابقاه على مايحبه ويرضاه انه سميع مجيب،،

صلوا على المختار بازكي الصلوات=فـي لـيلـة الـجمعـه مـن أكـرم هــداهـا
واللي بعــــد مني سـلام وتحيـات=علـى هـــل الـحلــة ولافـــي لـفـاهـا
ليلـه مـكـارم حـافـلـه بـامتيـازات=والهـاجس الـممتـاز يكسب رضـاهـا
والشعـر والجـزله عيون العبارات=اكـحـل عيـونـك لـين تـذهـب عـمـاهـا
وتأتـي على قــدر المـقـام المقالات=ويـأتـي علـى قــدر المكـارم ثنــاهـا
الشعـر والـدافــع تـديـر السياقـات=وتـحكـم على المـضمون مبلغ رجـاهـا
والقـول بوصوف الرجال العظيمات=قـــرر مـفــاهيمـي عـلـى مستـواهـا
المـدح للـوافـي من الـذات للـذات=ومـن حـق رجـال الوفـاء مقتضاها
نـهـزع شـواردهـا بـقـدرالمهمـات=والهينـه تلبــد ماحـد فـي حراها
ومادام بالمقصد شموخ المقامات=الـصدق والنيــه كـفـت مــن نــواهــا
والقـول لا قلتـه على الحق باثبـات=واللـي ما هــو ثـابت مهـو فـي مـداهـا
وقـولـي لبن خـاتم ثنـى واعتذارت=وحقــه مـن اسمـى فـالسمـات وثنـاها
مـدحـي لابو مشعل بكل احـترامـات=عــزز شمـوخ الــوافيـه فـي سمـاهـا
ما للـعنـوة غيـر عـانـي صراحـات=والغـايـة القصـوى بـفضلـه حماها
وعلـى الـعنـوة للمعـاني فخـامات=وافـخــم مـقامـات الـعــوانـي حـواهـا
رفيـق عـانـي شيـخ كل الـعلاقـات=كـريـم سبـلـي والجمـايـل رعـاهـا
عـلاقتـــه بـالله وثيقـه بـالايــات=وعـلاقتـه بـالناس صـادق مـعـاهـا
وعلى سبيل المـعـرفـه والصداقـات=صـداقتــه تـكفيــك عــمـا ســواهــا
كـل الـعلـوم الـغــانـمـه والمـفـازات=سمـو ابــو مشعـل قبـــض واحتـواهــا
عـقيـد فـالـدولـة وصـانـع قـرارات=لا صـارت القـالـة تــواجـه عــداهـا
وعـقيـد فـي ربـعـه بـكل الـخيـارات=صـفـوة ذوي سلـمـان والله عــطـاهــا
ريف العـواني والرفـاقـة بـالاوقـات=فـزعـة وجـزعـة جـملت فـي عـزاهـا
ولاقـدم المعــروف مـافيـه منــات=عـطيـتـن لـله علـى الـله جــزاهــا
حـقـه عليـه مـن سنين طـويـلات=ومـن قــال حـقـى مـاغـلب لابـغـاهــا
لكـن على رسلـه عـزيـز المـرامـات=نـادر فـي خـلق الله مـخـالـف هــواهـا
عــذراً يـا أبـو مشعــل ورب السمـوات=مـاني مصعـر فـالـوجـوب وقـضـاهـا
لكــن هـذا الــدنيـا وللـعسر عـكـات=تـغلـب هـدى الـرجال بأقـصى غثاهـا
تفرض على الرجال غلب المساحات=وتــصـادر أحـلامــه علـى مبتـغــاهــا
ولـو غيـرك أعطـاها فقـدنا السلامات=وقــامت عــواصف ضـدنا فـي كداها
وصمتي وصمتك تتفق بـالحكايات=صمتك بـأجـر صمت دعـاء في خفاها
والله يـجـملني مـعـك بـاعتبـارات=شيـمـة وقـيـمـة مستـحـقــة رضـاهــا
دامت حيـاتـك بالرضى والمسرات=ومنـك الـصبر منـا الــوفاء في قـداها

يا مرحبا تراحيب المطر يا أبو محمد
والله يحييك اليوم ودوم

وبيض الله وجهك على هذه القصيدة، ويستاهل أبو مشعل كل خير
وصح لسانك اليوم ودوم وعسى عمرك طويل

حياك أخوي الشاعر جزل البيان
ونعم بالمادح والممدوح وصح لسانك ملايين

مرحبا تراحيب المطر يا أبو محمد
ويستاهل المدح والعلوم الطيبة أبو مشعل
وبيض الله وجهك على هذي القصيدة وصح لسانك
وإن شاء الله نقرأ ونستمتع بالجديد دائماً من قصائدك