منطق الاحترامي

الأخوه الاعزاء اداري واعضاء
شبكة الشدادين السميه الموقرين
اسعد الله اوقاتكم بكل خير
اطرح بين انضاركم هذه القصيده المتواضعه امل ان تحوز على رضاكم
والسلام عليكم ورحمة الله وبركاته

أعصام منت اعصام مهما تعصمت=من دونك العصمه تقف باعتصامي
ضيعت كثر أللي بنفسك تعلمت=وانته بعد ماسرت خطوه لامامي
مير ان بغيت الصدق مهما تولمت=مازلت بدري عن مقام التزامي
سنعت انا وش مقصدك ماتسنعت=وتبطي عظم لن ماحترمت النظامي
أنا من ألأيام قدني تشبعت=وانته بعد جيعان قبل اليدامي
حتى انصنعت وقلت ولاتصنعت=وين انت من ماقف عزيز المرامي
لاصرت تو السطر باصبعك تبعت=وراك ضلع وسهل واكبر اسامي
مادام مالك لابديت وتشفعت=وجها يقوم ولاملاما يقامي
ضيعتها ولابنفسك تبرعت=نفس اللغه في منطق الاحترامي
ياصاحبي بيني وبينك تورعت=كنك مفتح يوم وتضل عامي
حتى لوانك فرض ربي تربعت=ماهي عوض في ماقفك راس سامي
ماتقدر الفرقاء جبل لاتجمعت=تقدر على عود العشر والبشامي
كل ماتعاطيتك بمعناي بدعت=وقلت الكلام اللي فراس التهامي
واخذتها طارق ومطرق ووسعت=دواير الاحداث والاتهامي
وماينفع اللي وقعت لاترفعت=وهي خلاص أستجبرت بالعظامي
لاكن على الله يابن عمي لوأقرعت=الشن يقرع والثمامه توامي

روووووووووووووووووووووووووعة
سلمت أناملك
أعجبتني حيل
ربي يسعدك




تحياااااتي

صح لسانك ياجزل البيان
دايم تطربني قصائدك
واحيانا ً تستهويني مجاراتها
ويحول دون ذلك امور عده
من ابرزها استهلاك الاوزان
وقطفك ليانع ثمار المعاني
وهنا علقت على حوارك
مع عصام بكم بيت
آمل ان تنال اعجابك
واعجاب المتابعين
:
:

واود التنويه
على ان ابياتي لاتعني
شخص معين وليس لها دخل
في جزل البيان وعصام
لا اعلم حوارهم حقيقه
ام فقط نسج
خيـــال

ارفق بحال عصام يالايم عصام=لاتقشطه قشط الصقر للحباري
توه بعد مااستوعب دروس الايام=وانته بوضع عصام يارزيق داري
سبابة اليد ماتقارن بالابهام=للحبر والبصمه فروق ومواري
لعصام صفق ناس واغروه باوهام= قال افهقوا ماعاد بالكون غاري
لين ارتطم في حايط ٍ كله الغام = جاء حكم من جمهور ماهو خياري
اصواتهم زالت كراسي وحكام=بعروشهم هبت هبوب الذواري
من همش الجمهور لابد ينظام=يجيه درس يشوف منه العزاري
وترى النجوم لها دلاله فالاعوام=يفطن لها ذهن ٍ من الوقت قاري
بشرى الحياء حكم بها عقل والهام=صفق الهبوب ولعب طير القواري

		المشاركة الأصلية بواسطة : كيان إنسانة اقتباس
	روووووووووووووووووووووووووعة سلمت أناملك أعجبتني حيل ربي يسعدك تحياااااتي

اختي/كيان انسانه
صح بدنك وسلمتي
شكرا للاطراء والمرور الراقي
تقبلي تحياتي وخالص الود

		المشاركة الأصلية بواسطة : ابوعبدالله العواضي اقتباس

اخوي/ابو عبدالله العواضي
صح بدنك وسلمت
شكرا على الاطراء والمرور
تقبل تحياتي وخالص الود

		المشاركة الأصلية بواسطة : تركي الشدادي اقتباس
	صح لسانك ياجزل البيان دايم تطربني قصائدك واحيانا ً تستهويني مجاراتها ويحول دون ذلك امور عده من ابرزها استهلاك الاوزان وقطفك ليانع ثمار المعاني وهنا علقت على حوارك مع عصام بكم بيت آمل ان تنال اعجابك واعجاب المتابعين : : واود التنويه على ان ابياتي لاتعني شخص معين وليس لها دخل في جزل البيان وعصام لا اعلم حوارهم حقيقه ام فقط نسج خيـــال ارفق بحال عصام يالايم عصام=لاتقشطه قشط الصقر للحباري توه بعد مااستوعب دروس الايام=وانته بوضع عصام يارزيق داري سبابة اليد ماتقارن بالابهام=للحبر والبصمه فروق ومواري لعصام صفق ناس واغروه باوهام= قال افهقوا ماعاد بالكون غاري لين ارتطم في حايط ٍ كله الغام = جاء حكم من جمهور ماهو خياري اصواتهم زالت كراسي وحكام=بعروشهم هبت هبوب الذواري من همش الجمهور لابد ينظام=يجيه درس يشوف منه العزاري وترى النجوم لها دلاله فالاعوام=يفطن لها ذهن ٍ من الوقت قاري بشرى الحياء حكم بها عقل والهام=صفق الهبوب ولعب طير القواري

اخوي/تركي الشدادي
حضيض انا بشرف طرحك المميز الفذ
الله الله اخوي تركي كم اطربتني انت معي وكانك تنظر لعصام
وكيف نفس عصام سودت عصام
ياقمه يارئع ياشموخ الشعر للافق الاعلى
الله يبيض وجهك حتى ترضى ويرفع مقامك كما يحب ويرضى
حقيقه لامجامله من اروع ماقرئت في مجاراتي او الردود عليه
من اروع من اروع بكل ماتعنيه الكلمه والوفاء والتمام الشعري
لاخلى ولاعدم ياتركي وفقك الله وسدد خطاك وانت فخرللشعر ولكل حارثي
تفضل عزيزي بقبول فائق الاحترام
وقصيدتك تحفض عن ظهر غيب لدي
وشكرا لك يالغالي

حياك الله يا شاعرنا العزيز
أبو فهد
ويا هلا بك وصح لسانك ملايين
ونتشرف بكل مشاركاتك ونتمنى حضورك الدائم

		المشاركة الأصلية بواسطة : اقتباس
	وماينفع اللي وقعت لاترفعت=وهي خلاص أستجبرت بالعظامي لاكن على الله يابن عمي لوأقرعت=الشن يقرع والثمامه توامي

مكابرة المخطئ في خطائه أعظم من الخطأ

جزل البيان
دامت حروف صورت المعنى أدق تصوير

وثبت الله فكر ساق أرقى المعاني

صح لسانك وبيض الله وجهك

وربي يعطيك العافية

دمت في حفظ البارئ