أمس الضحى شاهدت مظهور فهاد

بسم الله الرحمن الرحيم

السلام عليكم ورحمة الله وبركاته ..

هذه القصيدة وجدتها في كتاب سوالف الطيبين الجزء الأول ص 54 للأديب عبدالله بن سعد السبيعي ..

عبارة عن قصيدة للشاعر مقبل بن شريد الثوري السبيعي في جاره الشيخ فهاد بن قاعد الشدادي رحمه الله الذي رحل من الغريف متجها ً إلى دياره ، فقال الشاعر مقبل بن شريد السبيعي هذه الأبيات متوجداً على جيرة ابن قاعد :

ماني بمن يشفق على بدع الانشاد = يريد خلق الله تسمع لحونه
والصبر اشوفه بعض الاحيان ما فاد = والصدر لا من ضاق دنت شنونه
الله من قلب ٍ به الهم يزداد = من يوم جاري شد واقفت ظعونه
أمس الضحى شاهدت مظهور فهّاد = كب الغريف ومنزل ٍ في ركونه
مالي جدا غير الصبر والتوجّاد = كني رضيع ٍ قربوا يفطمونه
والكبد عيت ما تبي لذة الزاد = والمدع وبل ٍ منتثر من مزونه
لو انها ياشيخ باطراد وجهاد = لصيح في ربعي لنا يقهرونه
حتاك تبقى عندنا يابن شداد = طول الدهر والبيت ما تقعشونه
بيت ٍ مقر الجود تنصاه الاجواد = دايم وهشال الخلا ينحرونه
لا جيت بيته قلت في ايام الاعياد = ودايم لخلق الله يقدم صحونه
طيبك ظهر ما بين صادر ووراد = والناس دايم بالوفاء يذكرونه
ترفع له البيضاء على روس الاشهاد = ومذكور بالاحسان ياللي تجونه

الله الله يابن زايد صح السانك والسان شاعرها وبيض الله وجهك على نقلها لنا
ويستاهل بن قاعد المدح رحمهم الله جميع

أبو مهرس بيض الله وجهك وصح لسان شاعرها

ويستاهل المدح كل رجل منكم ياعيال عمي الشدادين

والله يرحمهم جميعا ويرحم موتى المسلمين أجمعين

تستاهلون المدح يالاد شداد

يقولها نايف وكلا يقوله

فيصل
سلمت وغنمت شاعر ومهتم بكل مايخدم القبيلة وهذا
ليس مستغرب عليكم والشاعر السبيعي ماقال غير الصدق
فهاد بن قاعد يشيّد له بالشجاعة والكرم مع البعيد والقريب
دائم بيته تلقى الضول به الله يرحمه كان منصا للجميع
الله يرحمه رحمة واسعة.
شكراً بدر على نقل القصيدة واسم الشاعر

كفو والله يا أبو زايد
هذي هي العلوم الطيبة اللي ندورها
وهذي هي السوالف اللي تنومس
لا هنت ولا هان غاليك
والله يبيض وجهك

صح السسسانك يابن مهرس
ويسستاهل المدح ابن قاعد والله يرحمهم جميع

الأخوان الأعزاء

بدر المشيطي

نايف بن شداد

خيال الشدادين

السلطان

الحدب بني الحارث




شكراً على مروركم الذي تشرفت به

ولا هانت روسكم

يعطيك العافيه يابن مهرس وبيض الله وجهك

الله يرحم فهاد ابن قاعد ويسكنه الجنه

ونعم بالمادح ونعم بالممدوح

رجال تركوا لهم في صفحة الطيب عنوان

		المشاركة الأصلية بواسطة : أمير الحمادين اقتباس
	يعطيك العافيه يابن مهرس وبيض الله وجهك الله يرحم فهاد ابن قاعد ويسكنه الجنه ونعم بالمادح ونعم بالممدوح رجال تركوا لهم في صفحة الطيب عنوان

ارحب يابن العم

وتشرفت بمرورك يا سنايدي

		المشاركة الأصلية بواسطة : فيصل بن مهرس اقتباس
	بسم الله الرحمن الرحيم السلام عليكم ورحمة الله وبركاته .. هذه القصيدة وجدتها في كتاب سوالف الطيبين الجزء الأول ص 54 للأديب عبدالله بن سعد السبيعي .. عبارة عن قصيدة للشاعر مقبل بن شريد الثوري السبيعي في جاره الشيخ فهاد بن قاعد الشدادي رحمه الله الذي رحل من الغريف متجها ً إلى دياره ، فقال الشاعر مقبل بن شريد السبيعي هذه الأبيات متوجداً على جيرة ابن قاعد : ماني بمن يشفق على بدع الانشاد = يريد خلق الله تسمع لحونه والصبر اشوفه بعض الاحيان ما فاد = والصدر لا من ضاق دنت شنونه الله من قلب ٍ به الهم يزداد = من يوم جاري شد واقفت ظعونه أمس الضحى شاهدت مظهور فهّاد = كب الغريف ومنزل ٍ في ركونه مالي جدا غير الصبر والتوجّاد = كني رضيع ٍ قربوا يفطمونه والكبد عيت ما تبي لذة الزاد = والمدع وبل ٍ منتثر من مزونه لو انها ياشيخ باطراد وجهاد = لصيح في ربعي لنا يقهرونه حتاك تبقى عندنا يابن شداد = طول الدهر والبيت ما تقعشونه بيت ٍ مقر الجود تنصاه الاجواد = دايم وهشال الخلا ينحرونه لا جيت بيته قلت في ايام الاعياد = ودايم لخلق الله يقدم صحونه طيبك ظهر ما بين صادر ووراد = والناس دايم بالوفاء يذكرونه ترفع له البيضاء على روس الاشهاد = ومذكور بالاحسان ياللي تجونه

الله يرحمهم جميعا وجمع الله بينهم في جنانه مع رسول الله وصحبه الكرام

ومن يحبون اللهم امين

أخوي أبن مهرس جزاك الله ألف خير ووفقك الله لما تحب وترضى

الشيخ أبو حمد الكل يشهد له بالشجاعه والكرم وعلوم الرجال الطيبين

أبن مهرس لاتحرمنا من جديدك

تحياتي