سلام يا ربعي

السلام عليكم ورحمة الله وبركاته

من محمد بن فالح بن البيدان
أبيات متواضعة اهديها لمرتادي منتدى الشدادين واتمنى ان تنال استحسانكم

سلام يا ربعي هـــل المـــاقف الــــــزين=ياهل المعارك والســـيوف الصقـيــلة
ياهل الخــيول اللي تــدك المـــيــــــادين=ياكم راحــــت في يــــديــــكم قبـيـــلة
نبطش والاجاء قسمنا قسما(ن) ســمين=وعـــدونـــا يــرجع ونفــسه ذليــــــله
يا لابـتـي يا مرجــحـــين المـــــــوازين=ياهل الثــلاث البــيض ما فـيــك حـيله
الي الفــخر في ذــكركم يا السلاطـــــين=يالابة(ن) مــاتـــعـــرف الا الجميـلة
يا عزوتي دايم على العسر واللـــــــين =يا عزوة(ن) بين القبـــايل مهيـــــلة
لاقلت ابن حارث تشوش الشياطـــــيـن=لبوا وكل(ن) راكـب(ن) فوق خيـلـه
الجار يلقى عنـــدنا اهم ثـنــتــــــــــــين =حسن الخلق معها الصفات الجليــــلـة
والضيف يبشر لا لفــانا بحيــلــــــــــين =والعود الازرق واللبن في صميـــلـــة
وناخذ بثاره لعتــدوه المعــــــــــــــادين =ناخذ بثـــاره لين يبـــرى غليــــــــله
ويبقى خوي الجنب عالراس والعـــين =ما نبـــيح بســـده لو انهــد حيـــــــله
عاداتنا هذي من اول وذا الحـــــــــين =لشتــدت حمــول الزمن نرتــــــكي له
يا لابتي واللي خلقني من الطــــــــين =اني فدالك في الليــــــالي الثقيـــــــلة

عــــــــــــــــز الخــــــــــــوي



صح لسانك أخوي وبيض الله وجهك

قصيدة فخر , لاهنت يا الغالي

صح لسانك

قصيده رائعه ومعاني فيها جزاله


ابداع في ابداع

لك فائق الاحترام والتقدير

تحياتي

صح لسانك ملايين يابن لبيدان

وبيض الله وجهك

وسبعة انعام والله في الشدادين

وفي كل القبايل

تحياتي لك يالكبودي

وعليكم السلام ورحمة الله وبركاته
ويا هلا والله بشاعرنا عز الخوي
عسى الله يعز مكانتك ويرفع مقدارك
ونعم بك أخوي وونعم بالرجال اللي مدحتهم
وما نقول لك إلا :
الله يحييك والمنتدى منتداك
وصح لسانك يا الذيب

والسبعة أنعام في الكبودية
ولكن الشاعر: محمد بن فالح بن سفر بن اللبيدان من المعانزه

هلااااااااااااااااا ومرحباااااااااااااااااااا مليون ببن لبيدان
وصح اللسانك مليار على هذه القصيدة الجزله لاهنت

وحياك الله في منتدى ربعك وعلى القوة

وعليكم السلام هلا وغلا يا عز الخوي


وصح إلسانك يالذيب وبيض الله وجهك

وأنت جزل وشاعر وكفوو وربعك يستاهلون

سلمت

لاهنت ياعز الخــوي .....

..... كتبت في من يستحقون ,,,, الجزيلـــه

صح لسانك وبيض الله وجهك

أحتراميــ