الهويدي القحطاني وطيره(قصه وقصيد) ألحق عليها!!!

السلام عليكم ورحمه الله وبركاته
شالح بن هدلان

ومناسبة القصيدة انه كان رجل من قحطان يسمى الهويدي ضاع له طير وقام يدور عليه في الليل وينشد رافعن صوته كل ما مر بنار قطين صوّت ( من عين الطير ) وسمعه شالح بن هدلان وتذكر ابنه ذيب وقال هذي القصيده:

ان كان تنشد يالهويدي عن الطير *** الطير والله يالهويدي غدا لي

طيري عذاب معسكرات المسامير *** ان حل عند قطيهن الجفالي

ان جاء نهارٍ فيه شرٍّ بلا خير *** وغدا لهن عند الطريح اجتوالي

ان دبرن خيل وخيلٍ مناحير *** وغدن مثل مخزمات الجمالي

على الرمك صيده عيالٍ مناعير *** وشرّه على نشر الحريب الموالي

يضحك ليا صكت عليه الطوابير *** طير السعد قلبه من الخوف خالي

خيالنا وان عرجدن المظاهير *** وزيزوم عيراتٍ طواها الحيالي

غيثٍ لنا وان جت ليالي المعاسير *** وبالشح ريفٍ للضعوف الهزالي

يسقي ثراه من الروايح مزابير *** تمطر على قبرٍ سكن فيه غالي



رحم الله موتى المسلمين اجمعين

تقبلوا تحياتي

مشكوووور يابدر الرياض


اختيار رائع


يعطيك العافيه

مشكوووور على هالرائعة يابدر الرياض يارائع..

اللــــــــــــــه يبيـض وجهك يابدر الرياض

القصيده هاذي أدور عليها من زمان

ماقصــــــرت الله يعطيك العافيه

قصيدة مشهورة
تسلم على ايرادها

ماوتواجدنا هنا الا لنفيد ونستفيد وشكراعلى مروركم اللطيف

القصيده رائعه يا بدر

ويعطيك العافيه