(استراقة صورة)مجاراه لقصيدة المبدع جزل البيان(شاطي الهم)

اخواني واخواتي الكرام في منتديات الشدادين
والقائمين عليها
اطرح امام انظاركم هذه القصيده المتواضعه مجاراة
لقصيدة المبدع جزل البيان شاطى الهم
راجيا ان تحوز على رضاكم

قبل يغفى جفن عيني قمت والصايح يصيح=واستمديت القلم والبوك في جنح الضلام
واحتزمت بكل حرف وصار هاجوسي يفيح=كنه الدله على جمر الغضى عند الكرام
واسترقت الصوت من جزل البيان وقمت اصيح=ياالله انك لاتنسينا الرياجيل الحشام
مثل ابو قيصل وابوفيصل له البيضا تليح=بعد نرفعها على شانه ونقريه السلام
قصة كنت اتعايشها وبالي مستريح=قبل اقف بااطلالها وابكي عليها كل عام
كنت اشوف اثنين في واحد على العلم الصحيح=واتفائل عندجمعتهم ووقف بااحترام
استقي من فكرهم فكره واقول اني فصيح=واتعرى بعد ماالقيها ويلحقني ملام
كانو اجمل قصة انسانين تحضى باالمديح=والبنان يشار لامرو عليهم باالتمام
قولهم يجمد على الشارب ولا يعرف مطيح=وفعلهم يرقى على اعلى مستوى مثل الغمام
ويش ابذكر لاتذكرت النصاحه والنصيح=والوفا والطيب والمعروف ياطير الحمام
نايح الورقا لك الله ماكتبت الا الصحيح=والكلام الي على حله وترحاله كلام
ومابقى في داخلي في داخل القلب الجريح=مانويت اقراه بعد اكتبه في هذا المقام

صح لسانك يا حطاب
وبيض الله وجهك على القصيدة
الرائعه

ولاهنت ولهان غاليك
.
.

تقبل مروري

صح لسانك ومن افضل الى افضل انشاء الله
وشكرا

حطاب اليل صح السانك القصيده جميله جدأ وجزله وغير مستغرب عليه هالابداع وجزاله لكن لبيتين الاولا شد انتباهي جدأ وقويه معانيها بيض الله وجهك شاعر جزل ومشهود لك بذالك يابو رزيق لاهنت ولا هان غاليك ومغليك
تقبل تحياتي
المشيطي

يا هلا والله ومرحبا يا حطاب ليل المُبدع الرائع
إنضممت لصوت جزل البيان في النداء والثناء والكلام الأخوي الجميل
وحياك الله وحيا الله جزل البيان الذي جعلنا بعد أن شربنا من إبداعه نرتوي من ينابيع سحرك الحرفي
ونرى إن شاء الله صدى صديقكم أبو فيصل هنا ,.

صح إلسانك مدد بلا عدد
.

يا هلا والله بأخونا المبدع المتميز
حطاب ليل

ويستاهل أبو فهد المجاراة
ويستاهل كل علم غانم
وصح لسانك ملايين

قولهم يجمد على الشارب ولايعرف مطيح
وفعلهم يرقا على اعلى مستوي فوق الغمام
ونعم بجزل البيان وبابو فيصل وبحطاب قول وفعل وابداع وتميز في مايقدمون ابدعت يابو الوليد وامتعت مجاراه رايعه لقصيده رايعه صح لسانك مليارات والله يعطيك الف عافيه على ماتقدم من درر
تقبل تحياتي,,,

عايض الحرثي
صح بدنك ياالغالي
لك مني جزيل الشكر
تفضل بقبول فائق الاحترام

غامض
صح بدنك
اسعدني مرورك ياالغالي
تفضل بقبول فائق الاحترام

حطاب ليل
صح لسانك وسلم بنانك
مجاراه تستحق الثناء
تفضل بقبول تحياتي