بدايات الغرام

اولا اعــــــــــــــتذر من الجــــــــــميع على الـــــــــغياب بسبب انـــشغالي بااخــتبارات الـــجـــامعه واطلبكم العذر ....
واصافــحكم بهالقصــــيدة عــساها تــشفـــع لي عن الــغيااااااااب ...

سبحتك باقـي ياغرامـي مابطـل مفعولهـا =
=لاشفتهـا تنتابنـي ذكـرى بدايـات الغـرام
ارجع وأعيد المسرحية واستعيـد أفصولهـا=
=حكاية العشاق ماهـي فبركـة عـادل إمـام
هديتـك لازادت الدنيـا عـلـي احمولـهـا =
=ضميتها وأخذت معها سالفة عشـق وهيـام
للموت احبـك قلتهـا لـو مابغيـت أقولهـا =
=لني خجول ونظرتي تكفيك عن بعض الكـلام
للحب في قلبي مدينه عرضهـا مـع طولهـا =
=لعيونك الثنتين ماللغيـر لـو حـاول مقـام
دامـك دخلتـي للمدينـه والبقيـه حولـهـا =
=ماعاد يغريني هـدب ماعـاد يغرينـي لثـام
قوات حبك وزعت وسط العـروق أسطولهـا =
=وأعلنت للحب الرضى وأعلنت للحب السـلام
ياما مـن النقـاد يدفعهـا علـي أفضولهـا =
=تشذب وتستنكر وترسلـي عتبهـا والمـلام
ماقول غيـر الله يرزقهـا كمـال أعقولهـا =
=ياحبها للتفرقـه بعـد الصفـى والانسجـام
مادري تبي تسبق عباد الله على محصولهـا =
=وألا تبي تفطر وآنا تحكـم عليـه بالصيـام
دامي أنا راضـي وآنـا يالايمـي مقتولهـا =
=ليه الشقى ؟ ليه العنى ؟ دامي رضيت الانهزام
لاتنفعـل والمشكلـه لاتنشغـل باحلولـهـا =
=آنا كذا حبيتهـا والحـب ماضنـي حـرام !!
ياروح روحي خلي الفرقـه تـدق أطبولهـا =
=وأنتي وآنا ماهمنـا والـدق مافـك اللحـام
ماغير عينك عين تشغلني وآنـا مشغولهـا =
=جعلك فداه اللي تضمينه وهو فيـك استهـام
ياهول عيني من جمالك يالغضـي ياهولهـا =
=من شافها يعلن غرامه لو تطـوع واستقـام
يغيـر الملـه ويصبـح نظرتـك مسطولهـا =
=ويسمع بدل تبت يدا ليه العتب ليـه الخصـام
برأتـك بـراءة اللـي لمـهـا هندولـهـا =
=أما جمالك نور مايخفى ولـو سـاد الظـلام
حتى القصيدة فيك شعـار العـرب وافحولهـا =
=تعجز قصائدهم وألا توصف جمالـك بالتمـام
يامن معك حتى المحبـة عشتهـا بأصولهـا =
=تبقى حكاية عشقنا دائم على صـدري وسـام

صح لسانك وان شاء الله نشوفك

متواجد دايماً

كل الود

هاني صح لسانك

قصيدة رائعة

وجعلها آخر الغيابات

صح إلسانك يا هاني

ومن حضر ما كأنه غاب


ولا هنت

صح لسانك اخوي
قصيدة رائعه
تحياتي

		المشاركة الأصلية بواسطة : عبدالله الشدادي اقتباس
	صح لسانك وان شاء الله نشوفك متواجد دايماً كل الود

صح بدنك وطال امــدك لاهنت يالذيب ..

صح لسانك اخوي هاني تقبل مروري
تحياتي ,,,

اهلا هاني من حضر ماغاب
صح لسانك وبيض الله وجهك قصيدة رائعة وفقك الله
وتقبل تحياتي

صح لسانك ياهاني وبيض الله وجهك

والله يحييك من جديد

تحياتي لك الغربي

		المشاركة الأصلية بواسطة : غريب بدياره اقتباس
	هاني صح لسانك قصيدة رائعة وجعلها آخر الغيابات

صح بدنك وطااااااااال امدك وانا اخووووووووووك ...


الارووع هو حضورك وتوقيعك هنا يالغالي ..


لك شكري وتقديري ..