صهيل الأصايل

هيه ياللي تبرّت منّك الأقوال=استحت يومك تبّع خطاوينا
نحمد الله حنا من ظهور أبطال=البيارق ترفرف بين أراضينا
يمطر العز من شوال إلى شوال=والفخر شيخِ ساكن في مرابينا
في (صهيل الأصايل) يفخر الرجال=لا استشاطت وعدت كل أسامينا
نبتجح لا ظهر فيها صدى الأفعال=يوم نـفـرح ولا يـفـرح معادينا
ودّها يرجع الماضي وهي تختال=تدري إنه ما أحد يشبه لماضينا
الرجل عـن قبيلة والولد خيّال=وكـل شيٍّ نريده بين أيادينا
قوةٍ جارفة تضرب بها الأمثال=لا بغينا الغنايم من يهدينا
الفعل حارثي واخصامنا الفنجال=نشربه مثل مخلوقٍ يقهوينا
غزونا غير والغزوة لها موّال=نطرب لها وخيل الله تنادينا
نطلة الروس مثل الماطر الوبّال=غير نطل الجماجم وش يسلينا؟
كل شيخٍ قضبنا لحيته لا زال=أرضه تهاب جيتنا وتشكينا

حياك أخوي أحمد وسلمت وما قصرت
على هذه القصيدة المتميزة وعسى عمرك طويل
صح لسانك ودائماً بانتظار جديدك

كفو كفو يا أبو سلطان
لا هنت والله يبيض وجهك ويعلي قدرك
مبدع ومتميز وأمامك مستقبل كبير بإذن الله
فقط استمر ولا تتوقف
وفقك الله وحفظك

كفو كفو يا أبو سلطان
لا هنت والله يبيض وجهك ويعلي قدرك
مبدع ومتميز وأمامك مستقبل كبير بإذن الله
فقط استمر ولا تتوقف
وفقك الله وحفظك

سلمت وصح لسانك ملايين شاعرنا أبو سلطان
ما قصرت وبيض الله وجهك على هذه القصيدة

صح بوحك ع جزل الابيات وجمال السطور
دام العطاء .. دمت بخيروصحة وعافيةة