الجيب خله للرجال المشاكيل

بسم الله الرحمن الرحيم

هذه قصه صارت علي ان فيه واحد من اخوياي من قبيلة العجمان رجال كفوا وراعي اباعر ومقانيص وهبت ريح وكان عنده جيب فكسار وباعه واشتراه واحد مستور حال من اهل ( ) , وبعد مدة شهرين تقريبن طلعت لاحد مخططات الرياض العصر الا اني اشوف سيارة خويي الجيب واقف وراعيه منزل عزبته ومعه عياله وحاط له ذرى عن الناس , فوقفت فتاثرت انه هذا الجيب عقب ماهو يتبع البل وضرب فجوج الصحاري من الحد للحد والمقانيص والمحادير اليوم في يد واحد مهوب كفواله.

فكتبت ابيات وانا لست بشاعرولاكن محاولات وعرضتها على احد الزملاء

الجيب خله للرجال المشاكيل
منته بكفو لمركبه يالهداني

من عقب ماهو للقنص والمحاويل
وممشاه مع صفر البكار السماني

اليوم اشوفه مع خبول الريجيل
الله حسيبك ياظروف الزماني

درتي ودورتي جميع المحاحيل
ورفعتي النازل بعال المكاني

وسلامتكم

ههههههههههههههههههههههههههههاي

طيب لاتظلم الرجال يابحار يمكن الرجال بعد راعي هبة ريح

لكن حب يمشي عياله وزوجته وحط الذراء هههههههاي

صح لساااااانك يابحار وبيض الله وجهك

تحياتي

صح لسانك يابحار

بس زي ماقال الغربي يمكن أنت ماصادفته إلا وهو يمشي العيال وأمهم

والله لا يهينك ياذيبان وأهلاً بعودتك لنا والحمد لله على السلامه

هههههههههههههههههههههه

صح لسااانك وبيض الله وجهك

ذكرتني بقصيده الشاعر الكبير بندر بن سرور "رحمه الله" في خويه سلطان النحاوي ايام التهريب

عندما حصل جمس كان للنحاوي يهرب عليه وحصله في الحسا محمل ربيان ههههههههه



عزتي للجمس من عقب النحاوي *** عقب ضربه بالخطوط الجرهديه

حملته ربيان والسايق حساوي *** رايح صوب العقير من ؟؟؟؟؟؟

الجيب خله للرجال المشاكيل

صح لسانك قصيدة معبرة

وحياك الله أخي بحار

هههههههههههههههه يا هلا والله بشاعرنا
بحار بعد طول الغياب والله يحييك
وحط لصاحبك ألف عذر
وصح لسانك ملايين