الله من هم نثر عبرة العين

السلام عليكم ورحمة الله وبركاته

صباح الخير

مدخل

عطيت قلبي على جوّه .. وعلقني
وبلشت هالحين : مدري ويش اسوّي به

كنه على حتفي الموعود سايقني
وأنا من الله .. ما أضرّيها على الهيبه

الله ..ياليته من أهل الحب يعتقني
وأرتاح دام إن راسي ما ظهر شيبه

قلب ٍ طواريه [ تتعبني وترهقني ] ,
أدنى .. ما يسْرقه ويوديه ويجيبه !

الله من هم نثر عبرة العين =وخلاني أسهر والمخاليق نيام

ماغير أصدد وجهي يسار ويمين =وأصافق الكفين وأعض الأبهام

ما عاد يسوى عندي العيش قرشين =من يوم شان الوقت والحظ ماقام

يزين كانك تسمع الصوت يازين =خل الحقايق تفضح أسرار الأحلام

ماعاد عندي صبر والناس دارين =وأنته في قدام الأخصـــــام

أزعلتني وأرضيت ناس حسودين =وخليتني بين الروابع والأوهام

مكنت سهمك بين الأضلاع تمكين =وأنا أحسب أنك ماتغيرك الأيام

أمشي معك لاشك مدري على وين =وضلوع صدري من تناهيدتي حطام

أرجوك تنطقها ولو بس حرفين =وتريح اللي من تصرفك منضام

ليتك غرست بداخل الجوف سكين =ولا أحرمتني شوفك وصوتك من العام

مخرج

احتاج لك في ضيقتي لا تضايقت
و اشتاق لك و الشوق غلاب دايم

تبي الصحيح!
اشتقت و اشتقت و اشتقت
اقطع من الضيقه فجوج الخرايم

محتاج افضفض لك .. بعد ماتطرّقت
ل [طعوني ] اللي عند غيري غنايم

يمكن عشان اني بحبك تعلّقت
وعن غيرك من البيض قانع وشايم

لا تحسب ان المسأله مسألة وقت
انا كذا جوي من سنين غايم

النص: لــ سعود طالع الشيباني
المدخل+المخرج: لــ مشعان البراق



.




بحفظ الله

الصوووووووووت حزين

لاهان راسك يابنت الشمال وسلم ذوووقك

حياك الله اخوي
ولاتهون ربي يسلمك
اسعدني تواجدك ,,
دمت بود

ربي يعافيكِ اختي على روعة الإنتقاء
ولاهنتِ..


,’