ياماحلا لاشدوا الجيب بالعفش

يـاما حــلا لاشــــدّوا الـجــيــب بـالـعـفــش
شـاصــي وكـمّــل عـزبـتـه عـنــد جــابــي

جديـد والبـودي نظيـف(ن) مــن الـخـدش
والــلــون بــيــج ومـاركـبــوه الـشـبـابـي
واريــل جـهـاز وفــوق صـدامـه الـونـش
كـشّــاف والـدربـيـل ضـمــن الـزهـابــي
ومقفص(ن) يبراله افضـل مـن البـورش
بمسـجـلـه شــرطــان شــعــر اوحـجـابــي

وخــوة نشـامـا ماحسـبـوا يــوم لـلـقـرش
كــبـــار الـعــقــول قـلـوبـهــم مـاتـهـابــي

بـارض(ن) يجفّـل صيدهـا همّـل الطـرش
والـفـقـع صـلّــع شـــال عـنــه الـتـرابــي

حــول العـيـلـي والـرحــى والـمـطـر رش
وقـبـلـه جـلــى عــنـّـا كـثـيــف الـظـبـابـي


يازين مجلاس(ن) على الأرض والفرش
عشـب(ن) مــع البطـحـا صـبـغ بالثيـابـي

وجمـع الحطـب مـن قبـل مانرمـي القـش
فــــرس(ن) تــوقــد والـغـظــا بالـتـهـابـي
وسـواة فنجـال(ن) عـلـى الجـمـر ينـعـش
لاروحــت ريـحـه خـاطـري مـنــه طـابــي

مــع حـلـوة(ن) للـجـوف تـمـره مـجـرّش
او سـكـريــن واســتـــوى بــحـــر آبـــــي

وبمعـدنـن مــن صنـعـت الـهـنـد مـاغــش
شــايــه ربــيـــع وســكّـــره دوب ذابـــــي

هــاذي مـنــاة الـعـمـر والـعـيـن تـرمــش
وبــاقــي الـمـنـايـا لــوغـــدت للـســرابــي
وصـــلاة ربـــي عــــد مـايـنــزل الــطــش
عــلـــى مـحــمــد ســورتـــه بـالـكـتـابــي
وســـلامـــتـــكـــم
للشاعر/عبدالله بن مصبّح

أبيات رائعة و طريقة مبهرة في عرض الأبيات


كل الشكر لك

الروعه مرورك أخوي عادل
العفو
اسعدني مرورك العطر

صح لسان شاعرها ولاهنتي يامسافره
على هذاء الطرح الجميل والمشوق
يعطيك العافيه

صح لسان عبد الله مصّبح ..

ولاهنتِ على نقلك المميز

الله على العنوان شي ثاني ويفتح النفس
ويـ زين طلعت البروالكشتات في الجو الروعه
صح لسان الشاعر ويعطيك العافيه على الانتقاء الرائع
لاعدمناك

طرح رائع مسافرة ، وأبيات رائعة
بارك الله فيك ...

حيــــاكم الله جميــع نورتوا بمروركم العــطر ,,

رائعة جداً هذه القصيدة
واختيارك لك أختي المسافرة
جميل وذوق
تسلم يديك

هلا بكـ أخوي السلطان
الروعه مرورك العطــر والمتميز
الله يسلمك ,,
اسعدني مرورك