((ياليت أبو متعب يجي في مكاني)) .......... مصافحتي الأولى بينكم

السلام عليكم ورحمة الله وبركاته

أسعد الله صباحكم / مساءكم بالخير والمسرات

مما أسعدني كثيراً دعوتي هنا في منتدي أبناء عمومتي الشدادين
وأتمنى أن أكون بينكم خفيف ظل وأن نسعى سوياً لرقي هذا الصرح الشامخ لأبعد الحدود

وسأصافحكم بهذه القصيدة أتمنى أن تنال أعجابكم وتستحوذ على رضاكم
7
7
7
7
7

عوْيتك يا سرحان من شدّة الجوع = وأنا عويت من القهر في زماني
يا ذيب من هيبتك مأنته بمجزوع = حوّل على المرعى ونقْ السماني
تعش وأعرف كل ممنوع متبوع = أقولها من بعد وقتي حداني
لكن أنا ياذيب بالحيل مفجوع = مدري وش اللي صابني وإبتلاني!!
هاذي ثلاث سنين نومي على الكوع = من بعد ماسامر سهيل اليماني
يا ذيب شفت أهوال بالشكل والنوع = وطبع البشر مثل الجمر في كياني
شفت ( المهبّل ) قدرها فوق مرفوع = وغسلت يدّي من فلان وفلاني
والوقت طوّع سيرة أيامنا طوع = مجبور أعيش بدون حلم وآماني
يؤسفني أبكي وأذرف دموع ودموع = ويسعدني أنطق كلمتي من لساني
حريتي بالرأي لو ماش مسموع = باقولها لو كان طبعي نهاني
صحيح .. عن بعض السخافات مقروع = لكن يا سرحان صمتي كواني
يا ذيب موضوعي ماهو بأي موضوع = وحلّه بيدْ الخالق اللي حماني
وحبل الرجاء والخير ماهو بمقطوع = دام العرب لبّت لصوت الآذاني
يا الله عسى داء الفقر دوم منزوع=من مجتمع فقران .. (( يالي لداني ))
لكن أنا صابر وساكت ومقنوع =وراضي بكل اللي من الله لفاني
يا ذيب غيري ما لقى شف قرطوع = وش ذنبهم والوقت رمح وسناني
تناقلوا ما بين دافع ومدفوع = وأفراحهم من قبل عيد ارمضاني
صارت لهم عادات وسوم وطبوع = تسوى حياة أكبر غنيّ وأناني
دام الفقير يعيش بأرضه ومربوع = من حقّه يعيش الفرح والتهاني
ياذيب شوف الدرب له عِدّة فروع = وصبري وصل يا ذيب حد الجناني
تدري وش أبغى يصير لو مدّة أسبوع = يا ليت أبو متعب يجي في مكاني
ويشوف شعبه كيف خائف ومفزوع = بالرغم من وضع الأمن والأماني
يا ذيب .. لا تقنب ترا الصوت مسموع = أصبر ولك منّي جزيل أمتناني
حتى نشوف الحل للفقر والجوع = وألاّ رحلنا دام ذاالعمر فاني

تقبلوا تحيات أخوكم / فواز فرحان الحرش الحارثي

صح السانك على الرائعة

اتمنى تتقبل مروري المتواضع

يا ذيب .. لا تقنب ترا الصوت مسموع

أصبر ولـك منّـي جزيـل أمتنانـي

صح لسانك ثم صح لسانك صح لسانك
وما يسمع ندائنا ألا الولي رب العالمين

حياك الله يا فوز البلاهدي
إطلالة أولى جميلة رآقية جداً

تحيتي

صح لسانك وبيض الله وجهك

تحياتي

قصيدة بمنتهى الجزالة وجمال المضمون

وروعة الحضور مصافحة رائعة من شاعر متمكّن

أتحفنا بعذوبة الحضور الراقي ياهلا فيك يافواز وعساك سالم

وصح لسانك مليار ....

ويالله عسى داء الفقر دوم منزوع .......

حضورك جداً باذخ وتصوير أبياتك لحالة الفقر لبعض الناس

ومايعانونه من رماح الوقت فاق الخيال وياليت أبو متعب يجي في مكانك

صح لسانك وسلم قلبك وعلا شانك "

		المشاركة الأصلية بواسطة : مهند الشدادي اقتباس
	صح السانك على الرائعة اتمنى تتقبل مروري المتواضع

صح بدنك

والرائع مرورك

لك جل التحايا

		المشاركة الأصلية بواسطة : حاتم الشدادي اقتباس
	يا ذيب .. لا تقنب ترا الصوت مسموع أصبر ولـك منّـي جزيـل أمتنانـي صح لسانك ثم صح لسانك صح لسانك وما يسمع ندائنا ألا الولي رب العالمين حياك الله يا فوز البلاهدي إطلالة أولى جميلة رآقية جداً تحيتي

صح بدنك مليارات يا حاتم

الله يسلّمك ويوفقك

الأجمل والرائق مرورك

لا خلا ولا عدم

تحياتي

		المشاركة الأصلية بواسطة : مشعل الجعيد اقتباس
	صح لسانك وبيض الله وجهك تحياتي

صح بدنك

ووجهك أبيض يا مشعل

كل الشكر والتقدير

		المشاركة الأصلية بواسطة : تــــرف اقتباس
	قصيدة بمنتهى الجزالة وجمال المضمون وروعة الحضور مصافحة رائعة من شاعر متمكّن أتحفنا بعذوبة الحضور الراقي ياهلا فيك يافواز وعساك سالم وصح لسانك مليار .... ويالله عسى داء الفقر دوم منزوع ....... حضورك جداً باذخ وتصوير أبياتك لحالة الفقر لبعض الناس ومايعانونه من رماح الوقت فاق الخيال وياليت أبو متعب يجي في مكانك صح لسانك وسلم قلبك وعلا شانك "

مرورك الأجمل والأروع

صح بدنك

شكرا لك على التعبير المبدع أخت ترف

جُل التحيا لسمو ذاتك

فواز البلاهدي

صح لسانك على هذه القصيدة

جزل ولا تقول إلا الجزل يالحرش

ونسأل الله السلامة والعافية