مجدك لـ قداّم وأمجادك ورى !

ونغني أنتي مامثلك بـ هالدنيا بلد !
اللي يحلمون فيه الكبار وماحققوه يتمنون الصغار يحققونه من بعدهم
مثلاً أمك : وهي صغيره كان نفسها تصير نجّاره وتصلح الدواليب اللي اكسروها عيالها بدال ماتنطر العامل
متى يجي ويصلحها تتمنى بناتها يصيرون نجارات
مثلاً أبوك: كان نفسه يصير خبّاز ويخبز الخبز لعياله كل صباح بدال مايمسك سرى وينطر العامل اللي متغرب
عن دياره ويدور لقمة العيش في ديره ثانيه وهاده التعب وده لاكبروا عياله يصيرون خبازين عشان مايمرون
بمثل اللي مر فيه
عاد تخيلوا أبوكم نجس وشبعان فلوس ويتمنى لكم تصيرون خيّاطين ويقولكم ياعيالي يافلذات أكبادي
الخياطه مو عيب ولاحرام ولو إني أقدر أرجع الزمن بصير خيّاط
هو فيه حسنه وحيده بهالموضوع إن هالشي يعتبر مواساه نفسية للعيال والبنات في إنه ترانا حاسين فيكم
والوظيفه البشعه واللي تقلل من مستواكم في نظر باقي الشعوب ترى لو دار الزمن ممكن نتوظف فيها
شنو فيها لاصرتوا :

خيّاطين

وإلا

خبّازين

وإلا

سباكين حتى

مع إن السباكه للطبقة المخملية أنتم حدكم مديرين أفران وإلا مسؤولين مكاين في خيّاط وتخاوون الهنود
ومنها تتزوجون هنديات لأن المهر عليهن توفير !
< ناويه تآخذ الجنسية الكويتيه بعد الموقف اللي صار لها قبل كم يوم !

مانبي وظايف ولادورناها ولانبي حافز ولادورناه لكن نبغى نصير تاجرات ونساء أعمال وتحطمونا ليه ياوزارة العمل
يعني وش أسوي بالجمعية اللي دشيتها أخليها بالبنك وأسدد بنات الجمعية يعني أرجع لهم فلوسهم وأقولهم
معليش صار عندنا قرار بالسعودية وماأقدر أفتح خيّاط نسائي في أطراف الحي لين أعيّين فيه سعودي غير الهندي
ووين السعودي اللي بيرضى يصير خيّاط وحتى لو زينتوها وقلتوا مكتب في خيّاط وبيستمتع بصوت ماكينة الخياطة
ويردد في نفسه :حلات الثوب رقعته منه وفيه

وحتى لو رضى بالأمر الواقع بيعتزلون الحريم الخياطه ويقولون لو إنه هندي خيطنا عنده بس سعودي صعبه
ونعيد سالفة سعودة التكاسي !
اللي شاغل بالي ولي كم يوم أفكر فيه والمعضله الكبيره في الخياطه الهنود مايلبسون شماغ
ويحطون القلم ورى أذانيهم عشان مايضيع !
بالله عليكم ماسألتم أنفسكم السعودي شلون يحط القلم بإذنه وهو لابس شماغ يعني تبونه كل شوي
يدوّر القلم



بقلم : تـرف

		المشاركة الأصلية بواسطة : اقتباس
	متى يجي ويصلحها تتمنى بناتها يصيرون نجارات

اللحـين نـجارات مو مـفـردها ( نـجرة ) اللي تعـني حسب ثقافتي بالمسلسلات الكويتية ( هـواش )

لـو سـمـحـتـي هذا اللي ناقص نشتغل خـيـاطيـن ..
و نكتب باللوحات .. شـكّ و تـطريز وفـق أحدث الموديلات العالمية ..

لـكن خـبـازين عـادي , اللهم لك الـحـمد بإمـكاننا كـمواطنين إشغال أحـسـن المـناصب

ولايعيـب صـراحة تعلم بـعض المـهن , إذا فـيه حاجة لذلك


يعطيك العافية

^
^

هههههههههههههههههههههههههه
شكو نجاره بنجره مالهم خص ببعض يمكن بنات عم بسبب قرب البلدين
يعني مستحيل تلقى نجارات مايتناجرون ويّا بعض خخخخخخ

		المشاركة الأصلية بواسطة : اقتباس
	لـو سـمـحـتـي هذا اللي ناقص نشتغل خـيـاطيـن .. و نكتب باللوحات .. شـكّ

حلو توظيفك للجملة يمكن تتعلمون الشك لأنه سهل بس التطريز صعب
ع طاري خبّاز عادي عمتي عجوز سمعت بحافز والوظايف اللي تفشّل قالت عز الله إن بنات هاليوم
مايقدرن النعمه سجلوني بنّايه أنا يومي صغيره بانيه غرفه مع زوجي من الطين وبعيد ذكريات الصبا
ذبحتني الجلسه عكّفت رجولي

الحمدلله ماعندنا مسؤول بحافز وإلا كان طاح حظ بنات السعوديه بسبب اقتراحها خخخخخخ

صح عليك ياترف

ماشاء الله ابداع شعر وابداع صياغة كلام .

الله يبارك فيك.

موضوع جميل وفلسفه جميله

صحيح وزارة العمل شروطها صعبه شوي
ويمكن مجرد النظر في أفكارها مضحك
ويحق للمستعجل ان يسخر منها

لكن صدقيني هذه بدايه

ويعجبونني إنهم بادين من الصفر

وهذا دليل على جديتهم في الفعل مهما كانت الصعاب

وليه نحكم عليهم بالجهل او نسخر منهم .

تونا متى فتحنا عيوننا على انفسنا .
وفكرنا كيف نعتمد عليها.
والحين يوم جا من يفكر وبيسوي لنا
كلنا قمنا ضده وانتقدناه

خلنا نعطيهم شوية صبر ووقت وبنشوف

أميرتي العزيزة

للحياة فلسفة غريبة ممزوجة بالسعادة
حينا وبالحزن أحيانا
لابد لنا من خوض تجاربها جميعآ
دوما اغرق بين اسطرك وتشدني الحروف
لك مني كل التقدير

لبناء أي قاعدة لمٌجتمع ما يجب أن يكـون لدى غالبية أفراده حرف يدويه يتوارثونها أجيال خلف أجيال
الثوره في الأتصالات و التكنولوجيا و العولمة و سنوات الطفره أدت لإسقاط هذه الحرف من أعين الأفراد
لو أتينا لحقيقة ما قبل ل 80 سنه من الآن كان الخياط و البناء و الخباز أشخاص يشاركون مساحات القرى و الهجر الصغيره مع الآخـرين =)
نسبة من الأنبياء كانوا خياطين لذا نحن نتفق على عدم وجود عيب في هذه الحرف

لو أتينا للمجتمعات الغربيه الآن سوف نٌلاحظ ان رب المنزل و افراد العائلة هم من يقومون بإصلاحات في منازلهم

صبغ الطلاء - النجارة - السباكه ... إلخ

نظراً لإرتفاع اسعار تقديم هذه الخدمات بعد ان تم تقنينها ضمن شروط و مؤهلاءت في تلك الدول

لذا ما يريده المسؤلون ليس فقط توفير الوظائف بل النظره المستقبليه لتقنين هذه المهن وجعل المزاولون لها يتحصلون على مردود مالي مناسب لهم جراء تقديمهم لهذه الخدامات

فأغلب من يشغلها الآن هم آجانب يأخذون دروس خصوصيه على حسابنا نحن الشعب و بعد الكثير من " الترقيع " يُتقن المهنه و يبداء برفع الأسعار بشكل جنوني =)

هذه خطه مُستقبليه تحتاج للكثير من السنوات حتى يتم تشربها من قبل الاجيال القادمة

موضوع رائع يا ترف و شكرا لك على حضورك الذي دائما ما يجبرنا على الرد

ترف شكرا لك يالغلا

موضوع بقمه الروووعه ,, لي عوده ان شاء الله

أختي : تــــــــــــرف
شاكره لك هذا الطرح المميزوالذي ينم عن ثقافه ووعي...وفقك الله
أختي :
لنا فى رسول الله أسوة حسنة فقد كان يعمل أقل الأعمال بيديه ،، وحتى عندما اصبح قائدا وزعيما كان يعمل مع الصحابة بيديه الشريفتين ،، وكذلك الأنبياء منهم من كان نجارا ، ومن كان حدادا ، أو راعيا للغنم ، ومنهم من كان خياطا ،،، حتى يكونوا قدوة للبشر ،، واسمع معى أحد الصالحين يقول : والله لو عرف الناس ما فى الرغيف الحلال من بركة لسحقوه وتناولوه كدواء 000
الله يجزاك خيرويكتب أجرك ويرفع قدرك

مثقفه وواعيه ياترف









تحدثتي عن قضيه تهم المجتمع السعودي







باسلوب سهل وقريب ل القلوب





تحيتي لك

		المشاركة الأصلية بواسطة : وحي الألم اقتباس
	صح عليك ياترف ماشاء الله ابداع شعر وابداع صياغة كلام . الله يبارك فيك. موضوع جميل وفلسفه جميله صحيح وزارة العمل شروطها صعبه شوي ويمكن مجرد النظر في أفكارها مضحك ويحق للمستعجل ان يسخر منها لكن صدقيني هذه بدايه ويعجبونني إنهم بادين من الصفر وهذا دليل على جديتهم في الفعل مهما كانت الصعاب وليه نحكم عليهم بالجهل او نسخر منهم . تونا متى فتحنا عيوننا على انفسنا . وفكرنا كيف نعتمد عليها. والحين يوم جا من يفكر وبيسوي لنا كلنا قمنا ضده وانتقدناه خلنا نعطيهم شوية صبر ووقت وبنشوف

صح قلبك ياخوي

والله ياوحي الألم اللي أشوفه إنهم بدوا من تحت الصفر

يعني تخيل شاب عاطل عمره وصل للثلاثين وماتزوج ودش المهن هذي اللي هم مقترحينها

بيمسك عصاه وهو ماوقف ع رجوله بالوضع المادي !

أوكيه بيقترحون وبيفتحون مجال للشاب يقترحون اقتراح يليق بشاب عايش في عز بلاده

لأن مو كل العاطلين أميين أغلبهم خريجين جامعات مستحيل يمتهنون هـ المهن !

وحالياً صاروا السعوديين يتغربون عن بلادهم يدورون فرصة عمل أفضل !!!

وإحنا معك ونشوف ياوحي الألم وعسى نظرنا مايقصر