|
||||||||||||||||||
البارحة
اتمنى ان تنال اعجابكم البارحه في تالي الليل طربان=واغرف من بحور القصيد الغزيره اجر صوتي بالقوافي والالحان=واكتب بيوتٍ كل ابوها خطيره سهرت سهره عالميه علشان=يرتاح قلبٍ عاش في وسط حيره قلبٍ غدى للهم ملجا ومسكان= والهم في طول الليالي خفيره قلبٍ همومه ميلت كل ميزان=ولو زاد همه مايبيح السريره صبر وعانا واشتكى طول الازمان=واخر نتيجه جاه خيرٍ وخيره جته السعاده ماسكه جام وعنان=وقامت تحوف القلب مدري تديره قامت تجود به وهو صار فرحان=واصبح يعانق عطرها مع عبيره يمشي ويضحك ويتفرج فالالوان=ويختار والالوان دايم شهيره واليا وصل له دار مسني وضميان=ريح هجوسه ثم عقل بعيره مادام راسه ثابتٍ فوق الامتان=ماهمته والسيف داخل جفيره جاب الحطب حزمه من جلال عودان=واشعل شعاليلٍ شعل جنب شيره وقرب معاميله من دلال رسلان=ثم ارتكى للكيف واصبح يديره تكى وهو ينظر وبالشوف عجبان=وارتاح فكره بعد مخذ تعميره روق واخذ ذاك القلم وهو عجلان=وقعد ينظم في البيوت الجديره يجلس لحاله بس ماهوب خسران=احسن من اللي في الشوارع صفيره علمه طويل ولا يجي فيه نقصان=لكن بكب العلم واجيب غيره والحين ابي منكم اذن بس ياخوان=ابا اتغزل في البيوت الاخيره قلبي على طاري الغزل جايه جنان=والحب في قلبي قصوره كبيره اليا ذكرت الزين مدعوج الاعيان=بنت الرجال اهل السيوف الشطيره يفز قلبي كنه الطير شيهان=لوكان ماسكته عروقٍ قصيره بنتٍ غلاها مايحسب بالاثمان=واشوف حر الشوق بين سعيره حبي لها لو حل في كل الاوطان=غطى على كل العرب والجزيره عمهوجهٍ والعود ناعم وريان=تحرج بنات الناس في كل ديره في حبها واخلاصها جيت طمعان=ماهيب لاساره ولاهي منيره غلا لها في خاطري ياعرب شان=القلب دوله وهي في القلب اميره (انا وهي روحين في داخل انسان)=وقلبي لها ياناس قادالمسيره في حبها عاشق وراضي وقنعان=لو كان فينا سوو الناس سيره في حبها لو اكتب الفين ديوان=ماوفي غلاها يالوجيه السفيره الها بوسط القلب طاقه وبيبان=والها مداخل في فوادي كثيره والها بعد عده حدايق وبستان=والها مساحهٍ حب ماهي صغيره والها بروج مشيداتٍ وعمدان=والها عيونٍ ناعساتٍ سهيره والها قصايد عاشقٍ صار ولهان=يهدي لها الابيات وهيه خبيره تفهم مقاصد عيد لو كان ماكان=وعيونها بالغمز دايم مشيره انجنت بحبي وانا جاني جنان=وتجننو كل الحشود الغفيره لاجيتها هالك ومغرم وشفقان=ظميتها ظم العشير لعشيره وهي بعد لاسيرت بعض الاحيان=تلقى سحايب شوق حبي مطيره ياكثر ماتنصح ليا صرت غلطان=والحين انا في كل شي استشيره ماودي ازود كلامي بقيفان=لكن هذي البنت يانااااااس اميرررره تحياتي الغربي
التعديل الأخير تم بواسطة عيد الشدادي ; 23 Jan 2008 الساعة 12:39 AM
|
23 Jan 2008, 12:49 AM | [ 2 ] | ||||||||
شاعر
|
مرحبا مليون بالشاعر المبدع الغربي صح لسانك وبيض الله وجهك يابو عبيد والابداع ماهو غريب عليك الله يعطيك العافية وارجو ان تقبل مني الابيات التالية وهي ليس على وزن قصيدتك ولكن احب ان امزح معك وتقبل تحياتي عيد صاير هـواوي والـهـواء خـمـه = شـرب مـن دلـة العـشـاق فنـجـالـه
وعيد صاير هـواوي والـهواء سمه = ليـت سـلـطـان يـفـزع ينظـرالحالـه الـهـواء مـن قـصـيـدة محـرق دمه = والهواء من قصــيـدة زاد غـربـالـه بالقصائد نشـرفـي المنـتـدى هـمـه = وبـأيـنٍ فـي قصـيــدة الهـم يـبــرالــه الـلــه انـه بـشـمـل احـبـابـه يـلمه = ويـاعـسـى الخـيـر قـبله والسعدفـاله ابـونـهـود صـغـار وفيـهـن الـزمه = وغيـرعـيـد السنافي مــاشـغـل بـالـه عاش في حب ابوة وفي دلال امه = عــالـي بــيــن كـــل الـنـاس مـنــزاله ولايداويه غـيـر الـغـالـي يـضـمـه = ينطـوي فـي حـشـاه ويـرمي اعـقـاله يـطـلـبه بـاحـلال ولـو زعـل عـمه = ويحـتـزم بـي ريالـي يـسـبــق ريـــاله يحتزم بي ويبـدي عـالـي الـقـمـه = ويـعـتـبـرنـي يمـيـنـه نـجــدة شـمــالـه |
||||||||
التعديل الأخير تم بواسطة من رؤس بنيوس ; 23 Jan 2008 الساعة 02:21 AM
|
|||||||||
23 Jan 2008, 08:16 AM | [ 3 ] | ||||||
|
الحقيقه مدري من كتب له منكم كلكم جزلين بس باقول الغربي اللي شكا في النتدا حاله=هو مادراتا زبون اللي يشاكينا من روس بنيوس قال السوق من ماله= وحنا معه ياولد بالجاه ماشينا حبيت اشاركم المزوح وتقبلو مروري وبيض الله وجيكم ]=]=>]]> |
||||||
23 Jan 2008, 06:05 PM | [ 4 ] | |||||||
|
اي بالله .. ابيات خطيره .. ولي عودة |
|||||||
|
||||||||
23 Jan 2008, 06:32 PM | [ 5 ] | ||||||
|
حبي لها لو حل في كـل الاوطـان
غطى على كل العـرب والجزيـره صح لسانك اخوي الغربي قصيدة جميلة ورائعة مكتملة الاركان وشامخة بشموخ وعز من كتبها فبارك الله فيك ولا فض فوك وبانتظار جديدك اخوي الغربي |
||||||
|
|||||||
24 Jan 2008, 02:25 PM | [ 6 ] | |||||||
شاعر
|
قصيدة في القمة الله لايهينك ياعيد وصح لسانك وصح لسان محمد على الابيات اللي اوردها |
|||||||
|
||||||||
24 Jan 2008, 03:04 PM | [ 7 ] | |||||||
شاعر
|
صح لسانك يا أبو عبيد وما أقول غير (((( الله يعين الصابر الله يعينه )))) |
|||||||
|
||||||||
25 Jan 2008, 06:44 PM | [ 8 ] | ||||||||
مؤسس شبكة الشدادين
|
صح لسانك يا الغربي وعيد صاير هواوي والهواء سمه ليت سلطان يفـزع ينظرالحالـه الشكوى لله يا أبو سعد صح لسانك وعاش بنانك والله يعين أهل الهوى |
||||||||
|
|||||||||
26 Jan 2008, 05:06 AM | [ 9 ] | ||||||||||||||||||||||||||||
شاعر
|
من رؤس بنيوس
صح بدنك وصح لسانك يالغالي على قصيدتك والله يعطيك العافيه تحياتي لك يابو سعد |
||||||||||||||||||||||||||||
01 Feb 2008, 04:22 PM | [ 10 ] | ||||||||
شاعر
|
جته السعاده ماسكه جـام وعنـان=وقامت تحوف القلب مدري تديـره قامت تجود به وهو صار فرحـان=واصبح يعانق عطرها مـع عبيـره عساها دوووووووووم يالغربي
وصح لسانك ولاهنت يابن العم صقر قيا |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
البارحة دقت علي الهناديب | فواز بسيس | بحور القوافي | 4 | 13 Jan 2010 10:46 PM |
البارحة ربي كتب لي ومريت | عــادل | قصائد مختارة | 23 | 29 Oct 2009 02:15 PM |
البارحة | بلنتي | بحور القوافي | 5 | 04 Jan 2009 10:13 PM |
البارحة | عبيد بن سلطان | بحور القوافي | 15 | 24 Jul 2008 05:28 PM |
البارحة كلمتني | المغترب | قصائد مختارة | 14 | 11 Sep 2005 07:52 AM |
|