الكفو لا جا موقفه لا توصيه

استفزني موقف غريب من احد الأشخاص
فقمت بكتابة هذه القصيدة00

رجال نسمع في المجالس بطاريه=نقول نعم الرجل من ساير الناس
لأنه كفوا عارف بين الأوادم مباديه=ياخذ ويعطي قرم كساب نوماس
في حلته شهم وجزل ماتلقى الردى فيه=غذوة شايبٍ مطنوخ ومجود الساس
مدورٍ خاله وعلى المراجل مظريه=ولاجا موقفه تلقاه حاضرٍ مثل قرناس
على ماقيل اطلق الحر ولاتوصيه=يجيك فعله واضح ويرفع الراس
إما جاك بالزود النقص متعديه=الزود لأهل الزود والفعل مقياس
ورجال عاله فوق منهو مربيه=ضعيف نفس رمة لاقوة ولاباس
إذا انذكر في المجالس تعقد له وجيه=يابعده عن المرجله والطيب متبلد إحساس
لاجا موقف البومة والله ماتلاقيه=مثله مثل لابسات البخانق والألماس
أما الكفوا لاجا موقفه لاتوصيه=تشوف فعله واضح ويرفع الراس

وسلامتكم..............

صح لسانك على هالقصيدة؛؛؛ والرجال اصناف يالذيب وصدقت الكفوا لاجا موقفه لاتوصيه ؛؛؛؛ ابدعت في هذا النص ياشدادي كوووول ... تقبل مروووووووووري سعد الروقي

شدادي كوووول صح لسانك قصيدة جزلة ومعاني شامخة من شدادي كوووول وهو فعل وقول .. تحياتي

صح لسانك وبيض الله وجهك والله انك بهذه القصيدة صنفت الرجال ورسمت صفاتهم ..
شدادي كوووول تحياتي ياصديقي العزيز

صح بدنك يابوسلطان
لاهنت وانا اخووووووك والله يعطيك العافية

اشكرك على المروووووووور

مستر فارس ؛؛؛؛

صح بدنك يالذيب..
وماعليك زود وانا اخوك..

اشكرك على المرووووووور

علي مرزوق ..

صح بدنك اخي العزيز؛؛؛؛
ووجهك ابيض والله لايهينك ...

تشرفت بمروووووووووووووووورك

صح لسانك
كثر من كبر وهلل
وكثر ما بالسماء طير

أبيض وجه يا شدادي كول
بإنتظار جديدك يا بعدي

هلا ومرحبا بك ياحاتم الشداااادي

وصح بدنك ووجهك ابيض يالذيب ..

لي اسابيع مفتقد مروووووووووك ياحاتم الشدادي!!!




اسعدني مروووووووورك كثيراً

يا هلا والله ياشاعرنا الفحل


وصح إلسانك مدد بلا عدد

وبيض الله وجهك قصيدة رجل جزل طيب وأصله طيب

وفايف ستار وتثبت أيضاً