سم الكلام

اهداء الى عبدالعزيز مسلط

ابيات جديدة

تستاهل يابومنيديب

نرجع المنتدى عشانك وعشان الإعضاء الطيبين

ياصاحبي قبل الوداع اسمع العلم=من لايع وسط الضماير كواني
وانت تعرف الطيب وتوازن الحلم=وترد سم الهرج دون اللساني
ابسألك ياحاظر الحرب والسلم=ومهدي الأوضاع في كل شاني
ياراعي الوقفات يرضيك نظلم =يرضيك ماسووه شهد العياني
عقب الوناسه والتباشير نحلم=نلقا رضا غير الوحيد المثاني
رمتني الأقدار من دون ما اعلم=واصبحت حاير بين نور واماني
والغير في ذلك طريق الهوا سم=ماكننت اصدق لين ربي بلاني
الدار ظلما والفواتير تقسم=ومجمع الدولار شين المعاني
اكتب لكم من خاطري شي منظم=وشي كتبتة من يدي زاد شاني
انكان ماترضي غرورك تفهم=كتبتها ياصاحبي يوم اعاني
الكوكب القادم نبا نسكنه قم=لوكان مافي مركبة بالمواني
ياراعي الفزعات بالله تحزم=وانخا بني عمك طوال اليماني
انخا هل الطلات والدرب معتم=وهز الرماح المغبرات اللعاني
مدام بعض الشي شره يعمم=الخوف من سيل الدما والدياني
واخر كلامي كل طير يترنم=يشدو بصوته قبل فوت الأواني

رعد الجبوب بيض الله

وجهك وعليه حرام لوني

شاعر لرد على قصيدة

الطيبه وهذا ما هو غريب

عليك يا أبو عبدالله الطيب

وانت من أهله وبيض الله

وجهك ولا هنت

صح لسانك وعلا شانك قصيدة جميلة

بجمال حضورك لاهنت يالنشمي

تحيتي لك

ما شاء الله تبارك الله يا محمد
شاعر وجزل وراعي علوم طيبة
وأبو مسلط يستاهل كل خير
والله يوفق الرجال الطيبين شرواكم

صحت ابدانكم
ووجهك ابيض يابومسلط
ماتقصر ياغالي

الاخ رعد الجنوب

لله درك على الرائعه والفاخرة

شاعر يستحق الاشادة ولايشق لشعرك غبار

جزل والمعاني مفاتيحها بيدك وقلمك مميز وحضورك

يليق للمتلقي والمتابع صحيت حتى ترضى

اخوك ابو عبدالمجيد

صح بدنك يالبطاوي
ولاهنت على ردك الراقي ياراقي

اكتب لكم من خاطري شي منظم
وشي كتبته من يدي زاد شاني
وانا اشهد اخوي رعد الجبوب قصيده ترفع الراس والله يبيض وجهك عليها وصح لسانك ملايين
تقبل تحياتي,,,,,,

صح بدنك ولاهنت ياغالي
كل الود

قصيده رائعه

صح لسانك يارعد الجبوب

تقبل مروري المتواضع

الغربي