آخر 10 مشاركات |
مختارات | الحياه مدرسه دروسها التجارب ومعلمها الزمن |
|
|||||||||||||||||
القداح الشيباني وعايض ابن مهرس
عايض ابن مهرس شيخ من مشايخ الشدادين وفارس لايشق له غبار حج عايض ابن مهرس ومعه مجموعة من الشدادين يؤدون فريضة الحج وكان معهم شيباني ويسمونه القداح وهم في الطريق الى الحج قال القداح يخاطب عايض ابن مهرس قاله انت شيخ الشدادين قالة عايض وصلت اخذ القداح يريد ان ينتقص عايض ابن مهرس قاله تقدر يا شيخ ترمي العصا بيمناك وتاخذها بيسراك من الجهه اللي رميتها فيه على سرعتك نظرله عايض وقال طبيعي اني ما اقدر قال طيب تقدر تنزل من ظهر بعيرك على فرسك وتحوف القوم لحالك وتجيب اباعرهم قاله الشيخ عايض ولا اقدر على هاذي قال القداح الشيباني متبجح اجل منت شيخ يا عايض عرف عايض انه يبيء ينتقص منه بكلامه هذا قال اسمع يالقداح انا مقدر اسوي الي قلتها بس اقدر اخذ اباعرك وانت فيها والله ثم والله لاخليك تشرب الموية الناشفه بعد حليب اباعرك واني لاخذها وانت فيها قال القداح الايام بيننا يا عايض وانتهت فريضة الحج ورجعل كل واحد منهم لاهله ودارت الايام وغزا عايض ابن مهرس والشدادين على الشيابين ولقى عايض القداح عند اباعره ودارت رحاها بينهم و اخذ عايض ابن مهرس اباعر القداح واخذ بندقه الصمعاءواخذ فرسه وهو يشوف ولاقدر يفتكها ورجعوا الشدادين بالكسب وعرف الشيباني انه ماهو قد كلامه ولا احتمى اباعره من القوم وراح ينشد عن عايض ابن مهرس حتى لقاه وكان في ديوان عايض ابناء عمومتة الشيابين اللي اخذ عايض اباعرهم هو وربعه الشدادين وكان لهم عواني عند الشدادين وادى عايض بعض اباعر الشيابين اللي لهم عاني وصاحبنا القداح ماكانت له عنوه مع الشدادين نظر له عايض وقال انا حلفت لك انك يالقداح لتشرب الموية بعد حليبها ورى ما افتكيت اباعرك يوم الصمعاء في يمناك قال عجزت يبن مهرس وانا هالحين مالي عند الشدادين عاني بس ارفدني من حلالي اللي هو اليوم حلالك قام ابن مهرس وعطاه ناقتين من حلاله رجع القداح فيها للشيابين وقالوا له مارجع من حلالك الا ثنتين بس وحنا رجع كل حلالنا قال انتم لكم عاني في الشدادين وانا مالي عنوة بس يا من يوصل الشدادين ترى بنتي نوير عطية لهم علشان تجي لي عنوة معهم وارد حلالي ثاني مرة منهم سمعوا الاد شداد بكلام القداح وجاه واحد منهم يخطب واسمه سليمان العنسي من البدوة وتزوج بنت القداح وجاب منها فيحان وهلال وضمن القداح على حلاله بعد عنوته مع الشدادين وسلامتكم.
التعديل الأخير تم بواسطة عمود الشدادين ; 08 Dec 2005 الساعة 03:30 AM
|
08 Dec 2005, 03:31 AM | [ 2 ] | ||||||||
عضو متميز
|
وأنت سـالـم والله استمتعنا بالقصه يا عمود الشدادين يعطيك العافيه والله ونعمـ في عايض ابن مهرس ما هي غريبه عليه كفو والله ما قصرت يا عمود الشدادين 00 |
||||||||
08 Dec 2005, 09:44 AM | [ 3 ] | |||||||
نائب المشرف العام
|
الاخ المبدع عمود الشدادين بيض الله وجهك على هالقصه اللي يتنومس بها كل شدادي أشكرك من الاعماق يابن العم والله يعطيك العافيه |
|||||||
|
||||||||
08 Dec 2005, 10:27 AM | [ 4 ] | |||||||
عضوة متميزة
|
وانت سالم .. من زمان نبي احد يسولف علينا بعلوم الشدادين .. الله جابك يالنشمي.. ونتمنى عودة ابن مهرس.. سالما .. لنستمتع بروايات من اروع مايمكن من عمود الشدادين وابن مهرس.. |
|||||||
|
||||||||
08 Dec 2005, 01:40 PM | [ 5 ] | ||||||||
مؤسس شبكة الشدادين
|
سلمت يا ذيبان على سرد هذه القصة التي تجسد عظمة هؤلاء الرجال وقوة قلوبهم وشجاعتهم النادرة مشاركاتك من أقوى المشاركات التي ننتظر وصولها أولاً بأول لقراءتها ونتتبع أخبارها وفقك الله يا عمود الشدادين ونريد المزيد لا هنت بيض الله وجهك |
||||||||
|
|||||||||
08 Dec 2005, 03:52 PM | [ 6 ] | |||||||
عضو متميز
|
بيض الله وجهك عمود كنا فاقدين لمن يسرد لنا أفعال الاولين وقصصهم بعد أخونا أبن مهرس الله يرجعه لنا بالسلامه وهاأنت تمتعنا بإحداها ونرجوا منك الاستمرار على هذه الخطى |
|||||||
|
||||||||
09 Dec 2005, 01:06 AM | [ 7 ] | ||||||
|
اشكر الاخوان اللي تكرموا واثروا هذا الموضوع بوقوفهم عليه ومشاركتهم الطيبه واشكر اخوي الولهان وعبدالله واخوي السلطان والمستحيله واشكرك اخوي برنس على مشاركتك بالموضوع واعدكم بالمزيد . |
||||||
التعديل الأخير تم بواسطة عمود الشدادين ; 09 Dec 2005 الساعة 01:10 AM
|
|||||||
10 Dec 2005, 07:07 PM | [ 8 ] | |||||||
عضوة متميزة
|
شيبــــــــــــــــــــ :yikes3: ــــــــــــــــــــــــاااااااااااااني ؟؟!!! يحليله الشيباااااااااااااني والله .. لااااا حرااااااااام :o .... سؤال .. الشيباني أصولهم سعودية ؟؟ لأن عندنا في الامارات قبيلة الشيباني ..!!! |
|||||||
|
||||||||
10 Dec 2005, 08:23 PM | [ 9 ] | ||||||
|
مشكورة اختي لونا على مرورك اما بالنسبه لسؤالك عن قبيلة الشيابين وواحدهم شيباني فهم يرجعون الى برقا وهي احد فرعي قبيلة عتيبة الكبيره وفي بلاد الشام والعراق فتوجد قبيلة بهذا الاسم وهم يرجعون لقبائل قيس العدناينه بينما ترجع عتيبة اللتي توجد بالسعوديه الى قبائل عامر بن صعصه من هوازن العدنانيه اما بالنسبة لقبيلة الشيابين بالامارات فلا توجد لدي معلومات لتأصيلهم وقد يكونوا مهاجرين من احدى القبيلتين . |
||||||
12 Dec 2005, 09:31 PM | [ 10 ] | |||||||
شاعر
|
بيض الله وجهك ياذيبان ونطالبك المزيد يابن العم |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ابن حجا الشيباني وقبيلة الجياشه | سطام الجياشي | قبائل بني الحارث | 6 | 12 Oct 2010 08:34 PM |
الشيباني يحط رحاله في منتدى الشدادين | الشيباني | الترحيب والتهاني | 12 | 19 May 2009 09:39 PM |
بلاد ونسب شبابة ... للاستاذ مطلق القداح | الحاجب المنصور | القبائل العربية | 9 | 12 Feb 2009 04:21 PM |
نايف بن حميد وفالح الشيباني | أبن مهرس Vip | قصائد مختارة | 15 | 10 May 2008 08:59 AM |
ذيب الشيباني ضيف عندكم يالشدادين | ذيب الشيباني | الترحيب والتهاني | 19 | 15 Apr 2007 09:15 PM |
|