الغدر ما له طب يا اللي تداويه

الغدر ماله طب يالي تداويه =الا على وضح النقا الانتقامي
لاشفتني قدام عينك اماريه=احتز ترا رد النقا مايالامي
اللي نويتهً كان هذي تواليهً=نهايتك من قبل تدفن عظامي
نمشي ضحى والحق بالله نقضيه=والمخطيه يمشي عليها نظامي
ب الي على العادات والسلم نمشيه=والدين وايضن نلتزم بالكلامي
يعني اذا لي شي من عينك اقضيه=اقضي لزومي منك واغرس سهامي
خلك حذر والذئب لاعاد تبريه=لانته بند لي ولا من خصامي
أشفق على مثلك ولاني بضاميه=ولانته بخصم لي ولا من مقامي
انا خوي الي تشرف مسارعيه=مابين بر وبين كسب احترامي
وانا خوي الي ليا غاب تبكيه=عينن علا شوفته ماهي تلامي
واليا حضر يفرح ويفرحكً طاريه=مالي سما وجهه كثير ابتسامي
الي على العليا عزومه توديه=هذاك هو الي عليه الكلامي
هذي دروب مالها اي توجيه=وياويل منهو ماعطاها اهتمامي
تموت موتت ذُل من دون تنبيه=وإلا بعد منها يجيك انخصامي

هلابك ابن نايش وصح لسانك ملايين والله يسعدك لجديدك وصباحك فل

لا هنت يا أبو نايش ولا هان غاليك
وصح فافك ومعناك وسلم حرفك ومبناك
ولك منا كل الشكر والتقدير على
طيب تواجدك معنا
وصح لسانك

صح لسانك بن نايش مبدع تشكر ع جزالة قصيدك تقبل تحياتي

عايض
صح لسانك على قصيدتك
وفقك الله

يعطيك العافيه
سلمت يمينك ولاعدمنا جديدك المميز
ودي وتقديري لسموك

صح لسانك
ولا هنت أخوي
كل الشكر والتقدير