مليت من مرقدي والنوم ما جاني

بسم الله الرحمن الرحيم
اسعد الله اوقاتكم بكل خير
اليكم هذه المشاركه التي آمل ان تنال اعجابكم

مليت من مرقدي والنوم ماجاني=والنفس ما غير اصبرها واهديها
قامت تحادا هواجيسي وتحداني=يا وجه ربي من الدنيا وما فيها
اشغلني الفكر والتفكير عناني=وانا ألحق الونه الونه واتاليها
الصبر يذبح ولا فالصبر سلواني=والنار ما تحرق إلا رجل واطيها
اجامل الناس والدنيا تبلاني=من وين ماروح تلحقني بلاويها
عيت تطاوعني وقامت تحداني=ادور إل وجهها والقى علابيها
واحظي اللي غدا مني وخلاني=مامنه فزعه ولا نفعه يسويها
كنت احسب انه معي واثره هو الثاني=ضدي وبقعا تشيله في مخابيها
تعبت وانا بشر مخلوق وانساني=لي طاقه محدده والصبر ينهيها
اما فزع لي جليل الملك وانجاني=والاّ سلام ٍ على روحي وراعيها

صح ألسانك

ياقلب الذيب

قصيده جزله من شاعر جزل

لاهنت يالذيب

هههههههههههههههههههههههه

ذكرني طرقك ببدر الغريب

صح الساااااااااااااااانك يالذيب سرحاني

شاعر بحر ماشاء الله عليك

وودي تقبل مني هذي الابيات بصدر رحب

البارحه ما رقدت تجرّ الالحاني = ألحان بدر الغريب اللي يغنيها
لو كان قافك تغيّر عنه يافلاني = التايهه ما تضيع ووسمها فيها
ما هو خطا لا نظمت البيت ملياني = والا القوافي تميّزها معانيها
شاعر بحر ماردك لولو ومرجاني = بيوت شعرك على كيفك مسويها
وانا تراي اتغشمر بعض الاحياني = والا انت شاعر توردّها وتحميها

تحياتي اخوك الرهاوي

صح ألسانك

ياقلب الذيب

قصيده رائعه بارك الله فيك

الله يعطيك العافيه

قصيدة تجنننننننن صح لسانك ياقلب الذيب

وصح لسانك ياالرهاوي ردك يجننننننن بعد

تحياتي لكم...

واحظي اللـي غـدا مـن وخلانـي
مامنـه فزعـه ولا نفعـه يسويهـا
كنت احسب انه معي واثره هو الثاني
ضدي وبقعا تشيلـه فـي مخابيهـا
تعبت وانا بشـر مخلـوق وانسانـي
لي طاقه محـدده والصبـر ينهيهـا

/

صح لسانك ملايين

قصيدة جزله

لا هنت اخوي

صح لسانك لاهنت يالنشمي وبارك الله فيك

كنت احسب انه معي واثره هو الثاني=ضدي وبقعا تشيلـه فـي مخابيهـا

يا لبا كبدك يا قلب الذيب

صح لسانك مدد بلا عدد

تحياتي

		المشاركة الأصلية بواسطة : ابن جربان اقتباس
	صح ألسانك ياقلب الذيب قصيده جزله من شاعر جزل لاهنت يالذيب

صح بدنك
شاكر مرورك والله يعطيك العافيه

		المشاركة الأصلية بواسطة : الرهاوي اقتباس
	هههههههههههههههههههههههه ذكرني طرقك ببدر الغريب صح الساااااااااااااااانك يالذيب سرحاني شاعر بحر ماشاء الله عليك وودي تقبل مني هذي الابيات بصدر رحب البارحه ما رقدت تجرّ الالحاني = ألحان بدر الغريب اللي يغنيها لو كان قافك تغيّر عنه يافلاني = التايهه ما تضيع ووسمها فيها ما هو خطا لا نظمت البيت ملياني = والا القوافي تميّزها معانيها شاعر بحر ماردك لولو ومرجاني = بيوت شعرك على كيفك مسويها وانا تراي اتغشمر بعض الاحياني = والا انت شاعر توردّها وتحميها تحياتي اخوك الرهاوي

صح بدنك يالرهاوي
والظاهر انك تتابع قناة فلاش لانها اكثر القنوات اللي تجيب الاغاني القديمه
على طاري بدر الغريب هههههههه

اثر الرهاوي قديم وراعي اغاني=يسهر على افلاش ويتابع اغانيها
يقول وسم العرب ماهوب يخفاني=وان شاف له شارده ركب محاجيها
بدر الغريب اعرف انه بس فناني=والله يا اغانيه مااعرفها ولا ابيها
حبيت اجاذب معك يا ذرب الايماني=اطراف احاديث بانيها وراويها
ولا انت شاعر ولك في كل ميداني=صوله وجوله وتاخذها وتعطيها