ضمة طفل

مدخل

على طاري الكلام اللي يعانق بالخفوق اسرار
اشوف اني تعبت اكثر دخيلك فضها سيره
حقيقه وشبلا نفسي لاعافت جلسة السمار
تدور شي يلهيها تهاجر خارج الديره
تصيح بصوتها العالي همومٍ تشتعل بالنار
حرقها وقتي القاسي وعيشها وسط حيره
تدندن فالسما غيمه تبلل عمري الامطار
وانا في زحمة احزاني اداري طفله صغيره

ياليتني طفلٍ صغير ومعتوه=معتوه لكن غير عن كل الاطفال
طفلٍ جميع اهلك واقاربك حبوه=وبدى عليه الحب والعطف ينهال
لاصاح ضميتيه بشويش ياهوه=على النهود الحمر والصدر ابو خال
حتى غدى قلبه معذب ومسبوه=رغم انه الكسبان في كل الاحوال
انتي تضمينه إذا اهلك بكوه=وهو يبوس فيك ويلاعب الشال
لين ان هرجك صار فالوقت مشبوه=من كثر ماقمتي تعكسين الامثال
حتى الجمل لجله تسمينه الدوه=وتلخبطين بنطقة الذال والدال
يعجبك كل اللي بعقلي فعلتوه=اصبحت مثل اللي دخل راسه هبال
يابنت قلبي بالمحبه سحرتوه=حتى غدى نبضه معلق بالامال
وطيت دربٍ كلهم ماتوطوه=فيه الخطر والخوف عالق ولازال
وعشيقك الغربي تراهم تحدوه=مايعرفون انه للامهار خيال
لاقال شوره غصب عنكم سمعتوه=واليا زعل ضاقت بكم كل الاميال
صورت لي مشهد مدبلج لمحتوه=وحددت كل اللي نظرته من ازوال
كله لجل ضمتك للي عشقتوه=طفلٍ مدلع غير عن كل الاطفال

مخرج

الا ياوين وداني جموحي والقصيد افكار
ابي اغفى على صوتك بحق الجار والجيره
وبحلم بس بالضحكه عساها اول الزوار
وإذا باكر صحيت اكتب جنوني يالله الخيره

الـغـربـي

هلا بك من جديد وهلا بحضورك يا الغربي
قصيدة من نوع جديد وفكر متميز وفريد
لكن يبقى للشباب فورته وجنونه
ويبقى لطعمه في الحياة ومذاقه نوع آخر
لا هنت ولا هان غاليك وصح لسانك

صح لسانك اخوي الغربي

قصيده في قمة الروعه ^_^

		المشاركة الأصلية بواسطة : الغربي اقتباس
	وعشيقك الغربي تراهم تحدوه=مايعرفون انه للامهار خيال

كفوا يابو عبيد


الغربي

قصيدة في قمة الروعة من جميع النواحي

تجبر القارىء أن يكمل قراءتها من أول بيت

يجذبك لقراءة البيت اللي بعده لما فيها من جمال وروعة


رح الله يسعد قلبك ويريح بالك ويوفقك يارب

صح لسانك ..

أبيات جزله

فيها معاني رائعه

إحساسك قوي فيها ..




..

ما أجمل الطفوله و ما أجمل برائتها











شاعر متمكن جمع بين الصعوبه و المحال سردتها بشكل نصي جميل







و تبقى شاهدتي مجروحه و تنزف في شاعرٍ مثلك
















تقبل تواجدي






أ


بيض و أسود

صح لسانك اخوي قصيده قمه في الروعه

الغربي

صح لسانك على القصيده والمدخل والمخرج انت حليف الأبداع

والشعر عنوانك وأنت وفيت حقه من الشعر بجميع أنواعه من المدح والفخر

والغزل والنثر وغيرها وفقك الله

ان من جمال وروعة تلك الكلمات قد وقف قلمي عاجزا عن التعبير

اخوي الغربي
صح لسانك وسلمت يمينك
على ماابدعت في هذه الكلمات
التي اجدت الوصف فيها

سلمت يمينك

تحياتي

تسلم يمينك وصح لسانك

قصيدة رائعة وجذابة بشكل مبهر

تحيتي والود