قصيده مبكيه(( قصه وقصيده مؤلمه ))

قصيده يرددها كل من في المستشفى

فهي قصيده على لسان سيدة وقورة ترقد احد المستشفيات منذ سنوات

قصتها مبكية الحقيقه ..

تقول هذه السيدة قبل سنوات جاء زوجي وطلب مني اروح معاه السوق

وقالي اشتري اللي تبين وبأي سعر واشتريت افخم الثياب واجملها

وجميع المستلزمات للبيت وغيره ..ورجعت للبيت مسرورة وفرحانه..

فجأة ... قالي زوجي كل هالاغراض مو لك ..

هذي لزوجتي الجديدة وانتي الحين طالق ..

بعد هالحادثة اصيبت الزوجة بجلطة وغيبوبه جلست في المستشفى ..

ولا احد يزورها غير اخ لها زارها كم مره وبعدين بطل لما طالت المدة

ولازالت موجودة في المستشفى والكل يعرفها وحافظ قصائدها وكلماتها

ولما تسألها عن قصتها تبكي بحرقه وتردد قصائد توجع القلب

لانها ولهانه حيل على اولادها ولا تدري عنهم شيء فالكل هجرها ..

وهذي احد قصائدها تقول فيها:

تكفين ياطيور حرار افزعيلي=ابي عن اديار الاهل منك الاخبار
تكفين حومي فوقهم وارجعي لي=والا ان حصل لك حومة داخل الدار
تكفين حول ابيوتهم دوري لي=سبعة فروخ يوم اخليهم صغار
شوفي ضناي وعودي وانكفي لي=وشلونهم ياعلهم صارواكبار
نسيوادفاي ونومهم في شليلي=وش علمهم ياعلهم طول الاعمار
قولي لهم أن امكـم له عويلي=خمسـة سنين دمعها دوم مدرار
وقولي لهم اني على طول ليلي=انوح ولياقرب الصبح انهــار
وقولي عيونه دايم له هميلي=تبكي لياشافت من الناس زوار
كل يوم اقول اغدي حديهم يجي لي=راحت سنين مابهم واحد زار
وانا اللي من سبة سوات الحليلي=حالي تردت كل ماله وتنهار
وفرقى ضناي اللي تردت بحيلي=كني على شوفتهم اصلى على نار
ياويلي كان الله عجل رحيلي=وانالي سنين ابي لوهي اخبار
ياعونة الله الله من يبي يتكي لي=جارت علي بامرالولي كل الاقدار
تنكروا من يدخلون الدخيلي=واللي بوسط ديارهم يامن الجار
قولي لهم ياطيور قلبي عليلي=الله يكافي قلوبهم صارت احجار
وانا اللي لبراق الخيال استخيلي=واقول ياعل (......) للامطار
.تكفين وسط ديارهم صوتي لي=شوفي عسى لاسمي مع الناس تذكـار
وقولي لمن نسيانهم يستحيلي=يااللي نسيتوها ترى الوقت دوار
ياهيه ياللي بالسمالك هديلي=ردي خبر تكفين يكفيني امرار
شوفي اكااللي نومهم في شليلي=من اذانه المغرب الى وقت الاسحار
شوفي اكااللي مااهتني في مقيلي=الا بمقيل معهم كباروصغار
وقولي لهم ان كان حملي ثقيلي=مره يجون وعقبها شي ماصار
وانا يتـولاني كريم جليلي=ياعلني في جنته وسط الابرار

البرنس ..كلماتها هدت حيلي...

يالله مؤلمه ومبكيه...
.
.
البرنس... إسمحيلي.. شي مافي خاطري يجبرني لأكتب....

..
اه يا زمن
انا اتذوق العذاب يوما بعد يوم
لا تلقى على من تلوع بك اللوم
انا اتجرع بفراقك سموم
فكّر بي
قول هذه مسكينه
لن الومك حتى لو قلت لن اعود
ولكن ابقى انا اقول عود
وابقى اعزف الحزن على اوتار عودي

تحيتي لقدرك

شوفي اكااللي نومهم فـي شليلـي=من اذانه المغرب الى وقت الاسحار
شوفي اكااللي مااهتني فـي مقيلـي=الا بمقيـل معـهـم كباروصـغـار

لها إله يمهل ولا يهمل ،،، وسينصرها وهو النصير وهو العدل الذي لا يجور ولا يظلم

حسبنا الله ونعم الوكيل ،،،،،،،، ألهذا وصلت قلوب البشر ،،،،؟؟؟!!!

لا رحمة ولا عطف ولا خوف من الله ،،،،، لا حول ولا قوة إلا بالله

لا حول ولا قوة إلا بالله

وحسبي الله ونعم الوكيل جداً القصه

محزنه وتقطع القلوب اخي البرنس

اشكرك على الطرح المميز

دمت بود

[QUOTE=وهج الخيال;194910]
البرنس... إسمحيلي.. شي مافي خاطري يجبرني لأكتب....

..



أخت وهج حياك الله أريد تصحيح الجملة في الأعلى إسمحيلي تطلق على

الأنثى وأنا ذكر للعلم ههههههههههه

ولقد كتبت وأبدعتي بهذه الكلمات الرائعه

أشكرك على المرور والمشاركة

أهلاً أخي السلطان صدقت والله إن الله يمهل ولايهمل

وخصوصاً دعوة المظلوم فإنها مستجابة

أخي لاتستغرب نحن في زمن قاسي لايعرف الحب والوفاء

ولكن أسأل الله العلي القدير أن يكفينا شروره

حياك الله أخي عبدالله

نعم عزاء المسلم الوحيد هي كلمة لاحول ولاقوة إلابالله

وأشكرك على مرورك الرائع

نسيوادفـاي ونومهـم فـي شليلـي =وش علمهم ياعلهم طـول الاعمـار

لا والله اللي هذي سواته ياعله قصاف الأعمار
قصة مؤثرة حيل
والله أقراها ودموعي بعيني
من جد حركة رجالها غبية مره وتدل على أنه وصل أعلى درجات الحقارة
حسبي الله عليهم ونعم الوكيل
شاكرة لك أخوي البرنس ...
تحياتي لك...

نسأل الله لها الشفاء العاجل
والله يعينها


شكر اً للبرنس



أرق التحايا

يا ويلييي .. فيه احد بهالقسوه والغرابه هاذي !!!!!!!!!!!!! ..
حسبي الله ونعم الوكيل ..
يا ويله من ربه .. ما يعرف انه ما بين وبين دعوه المظلوم حجاب ؟؟