وداعا مسفر بن مالك الحارثي

سالفة عمري

عمر الشقا بالسنين وما تولاها=ماشي كما شي ولا هذي كما ذيّه
ياكيف ابنسى وجيه العز واسلاها=وادني على الزاد واجرع شربة الميّه
صدري دفن جملة الاسرار واخفاها=والناس حولي ولا تدري بما فيّه
وجدي ولو المنيه تاخذ سراها=من جملة الناس ماللموت ماويّه
على الذي ماتوانا في حمياها=الشايب اللي رما الاهداف مقبيّه
ايامه البيض ياشوقي للاماها=وان فاتنا الفوت والاحلام ورديّه
زانت فعول الرجال وزان مرباها=الشامخه فوق والسيسان مبنيّه
دنيا دنيه بعد فرقاه ما باها=الخط ممدود والرجلين مثنيّه
اجادل النفس يوم الوقت عناها=واجامل الناس واحسبها على النيّه
اوحيت شدوة لحونه يوم غناها=طرق الجبل ذكريات كلها حيّه
ياابوي ياسالفة عمري ومغزاها=ياكل كلي ولاني لاقي زيّه
يرحمك رب بنى الجنه وسواها=في روضة لا عنا فيها ولا سيّه

لا هنت يا أبو فهد
وصح لسانك يا بعدي
ما قصرت
والله يرحم والدك ويسكنه فسيح جناته

سفير وشاعر
عظم الله اجرك ورحمة الله على بن مالك ومالك