أعاهدك ماأنساك لو طال صدي

لاوالذي سواك ماكان ودي = ابعد ولكن أهلك اللي يريدون
حطوا شروط قصدهم به تحدي = وهم بحالي أكثر الناس يدرون
عجزت أطول اللي يبونه بيدي = ولاقدرت انفذ اللي يقولون
هم ابعدوني عنك والقرب قصدي = هم حرموني منك والقلب محزون
حاولت منهم أعرف اسباب صدي = لكنهم اقفوا قبل مايردون
ياليتهم يوم تركوني لوحدي = شافوا دموع الحزن لجلك يهلون
ياليتهم يدرون وش صار عندي = يوم قطعوا وصل به القلب مرهون
حرام... مثلي عن حبيبه يردي = وده بقرب الزين واهله يعيون
أعاهدك منساك لو طال صدي = حتى يصير الجسم بالقبر مدفون

لـ أرواحكم

وش تنفع الذكرى بعد الصد ,,

اليوم حظي شين من قصيدة موجعة لقصيدة أوجع


,.

صح إلسان شاعرها

شكراً ترف

^
^

سؤالك حيرني بصراحه مآدري شنو بتنفع الذكرى من بعد الصد
لكن محد يقدر يعيش بدون ذكرى سواء موجعه أو مفرحه
والله يبعد الأوجاع عن الجميع

شكراً لحضورك يابندر ولاعدمناك

حيااااااك ربي ياترف وحي ماجيتي به

لكن تبقى الذكرى الطيبه هي الاجمل حتى لو حدث الصد والابتعاد

فكم من انسان عايش على ذكرى جميله لايريد نسيانها

فقدتك عالم من الجنون وذكرى رائعه

سلم راسك وذوقك

^
^

ياهلابك ياالغربي وحياك
والذكرى الطيبة ممكن تكون نسيم يُحيي القلب ونحب نتذكرها ونعيش لها
وممكن بنفس الوقت مانبيها تبقى بالوجدان بعد الصد والابتعاد الجبري
يعني الذكريات مو كلها يقدر الوجدان يعيش بها
شكراً لحضورك "

حلووه اعجبتني كثير

تسلميلي يااارب

لكي خالص حبي

حدث خلل
.......................

		المشاركة الأصلية بواسطة : تــــرف اقتباس
	^ ^ ياهلابك ياالغربي وحياك والذكرى الطيبة ممكن تكون نسيم يُحيي القلب ونحب نتذكرها ونعيش لها وممكن بنفس الوقت مانبيها تبقى بالوجدان بعد الصد والابتعاد الجبري يعني الذكريات مو كلها يقدر الوجدان يعيش بها شكراً لحضورك "

ما شاءالله عليك يا / ترف
ذائقة شعرية راقية ومميّزة
في اختيار النص

والذكرى الطيبة
على اسمها ( طيبة )
وبعد الصد والابتعاد الجبري
لانريد بقاؤها وهذا الصحيح والمنطق
,ولكن من يستطيع ذلك ..؟!
والذكرى الطيبة والصادقة هي التي لانقدر تجاهلها
أو نسيانها ( ليس لنا فيها استطاعة أوحيلة )
مع العلم أنها لم تعد تنفع ولكن من يستطع..؟!
وقلتي ما أحد يستطيع أن يعيش بدون ذكرى!!
سواء موجعة أو مفرحة؟!وماذا نستفيد
وهذا صحيح لأنها صادقة ولكن
من يستطيع أيضاً!!مع
العلم أنه ليس
هناك فائدة

الحب نبض القلب وانشد مجرب=ينبض بحبه وأنت مامعك حيلة
كم مرة بالحب نشقى ونتعب=وألعن زمانه وأهجره و( انثنيله )
ياما من أجله بالطواريق نطرب=وياما سرحنا بالخيال ونجيله

كنت أُريد شرح الأبيات
ولكن اظن أنها واضحة لجميع متذوقي
الشعروهي أكبر دليل على
صدق المشاعر وصفا النفس
وهي التي لانستطيع
فيها نسيان الذكرى

تقبلي مروري
دمتِ بخير ,,,

مشكوره على الاختيار الطيب ياترف
والصد هذا حكم من احكام الحب
يعني انت تحب ورضيت بالحب يتغلب عليك
اجل لازم وانت مجبور تتوقع صد والهجران
هذي شروط وقوانين الحب
وتسلمين على الانتقاء الرائع
وصح السان اخوي سلطان
على هاثلاث الابيات لذي استمتعت فيها كثير
دمتي بالسعاده
تحياتي لك

الشكر الجزيل لكِ يا مشرفتنا ترف
على هذه الذائقة الفريدة
والتميز في الاختيار
والله يسلمك ويعافيك