يابنت ماني من مطانيخ ورجال

السلام عليكم

/

مدخل

طاح الغلا والحب من خافقي طاح=ذي غلطتك وانت تتحمل ثمنها
دامك تشربني من هموم ياصاح=اليوم دورك وشرب الحين منها

/


/



اقول

المهره اللي تنعطى كل خيال=تنعاف لو بالسوق غالي ثمنها
دفنتها بالبيت هذا ولا زال =قلبي من الصدمات ينبش كفنها
يابنت ماني من مطانيخ ورجال=ان كان مادست الرخوم وزمنها
مير البلا يابنت ماهو بالانذال=لن البلا دمعت عشيرك رهنها
مابين جرحك والتخلي والامال=وذيك الهنوف اللي جفاها دفنها
لو قلت لك ماقلت في كل الاحوال=لا تنشديني يوم يابنت عنها
لني قفلت ابواب من فوق الاقفال=وسديتها من شان مسمع لحنها
مير انبشي يابنت مابين الاجزال=يمكن بيوت صويحبك ماخزنها
وثم اسمعي لـلسان خلك اذا قال=عن وصف عذرى صح ربي بدنها
اليا فزعت هدت تلاليع وجبال=واليا ركدت كن الخشوع احتضنها
وان قلت احبك شالت القلب مشيال=وان قلت ضايق ولـا عت في هدنها
ماهي كم اللي تطمع بكثر الاموال=ذيك الهنوف اللي جفاها دفنها
المهره اللي تنعطى كل خيال= تنعاف لو بالسوق غالي ثمنها
دفنتها بالبيت هذا ولا زال= قلبي من الصدمات ينبش كفنها

المجادل

كفو
كفو
كفو
والله يا شاعرنا الأنيق ثامر
والله يبيض وجهك على هذه الرائعة
وهذا النص الشعري الجميل
وتسلم يديك والله يعافيك

ماشاء الله تبارك الله
مبدع ياالمجادل في كل حالاتك
تفضل بقبول فائق الاحترام

مُحاكاة من فوق قمة الشموخ ورائعة من روائعك الشعرية الجميلة
وصح إلسانك مدد بلا عدد

أحب شعرك دائماً يا المجادل

صح لسانك ملاييييييييين
الله لايهينك وبيض الله وجهك

صح لسانك علا شانك
لاهنت ي المجادل راق لي ماكتبت
واصل الله يحفظك

المهره اللى تنعطي كل خيال
تنعاف لو بالسوق غالى ثمنها
بيت مايستطيع بناه وسبكه وحبكه ودفن المعنا فيه اللى شاعركبير ومتكمن ولاعلى ابداعه وشاعريته جدال شرواك يامجادل
قصيده راقيه منك ياراقي صح لسانك مليارات
تقبل تحياتي,,

والله انكم وافين وافين يالغوالي
لا هنت وصحت ابدانكم

الله يسسسسسعدكم
على هالحضور الراقي
والتواجد الشـــامخ

دمتم بروعه