غزل زمان

لا واهنيك ياسعد بالمشاوير=يجنك الستات يستاجرني
يستاجرن ويدفعن الدنانير=انا معي بلاش مايركبني
قدم لنا خدمه وانا اذكرك بالخير=اظن تقدر كان ماخاب ظني
اخذ العبيطه ودها يم خرخير=اقلع مداها جعلها ماتثني
ملفها كله محاظر وتقرير=زودن على عصيانها تمتحني
نبغى لها تاديب ماهو بتعزير=كم ليلة سجلتها غياب عني
اظنها تشهد حضور الطوابير=يمكن تصير مع المواعيد فني
وارجع وجمع لي جميع الفواتير=واخذ جميع اللي خسرتوه مني

صح لسانك والله يعطيك العافية

.

.

ههههههههههههه وش يبغن بسعد يستأجرنه؟!!
الله يحييك يا أبو محمد
ويا هلا بك معنا
وصح لسانك ملايين

ملفها كله محاظر وتقارير

>> هههه أعجبني هالبيت


صح لسانك ملايين أخوي ومايسدون عالقصيده الرائعه

خذ لك تكسي يا بعدي هههههههه

يا هلا والله ومرحبا فيك يالشاعر الجزل المُبدع

القصيدة طريفة جداً وحلوة ,.

صح إلسانك مدد بلا عدد والله يعين الواحد إذا حب عبيطة ^^

هههههه على قولة ابو عبدالله وش يبون بسعد يستاجرونه ؟؟؟؟

تسلم يمينك

شكرا لك

صح السانك يابعدي القصيدة اعتقد انك كتبتها عن موقف حصل لك ليسى من الخيال هذي المرة
قصائدك طريفه جدأأأ

لاجيتها تقول لي خير ياطير=ماعندنا سكر ولا فيه بني
متغطرسه يامال قلعة شمنصير=ياجعل يركبها ثمانين جني
يالله خروج بدون عوده وتسفير=غيرك ميه وغيابكم ماشحني

صحة ابدان الجميع
هاذي لعين سعد ابن دغيليب شكله بيرد عليها بعد سبع سنوات تفكير
تقبلو تحياتي

الله يرحمك شعرك جزل ويظهر عليه قوة المعنى بذكر
اسماء مثل شمنصير منطقه بعيده ومن تلك الحنكة
يضرب بقصائده بعيد

هههيبههههههاي هذي بعد من وين جات الفروض تسوي لها اعلان عشان نستمتع بقرايتها
عشت يالذيبان