أمر مهم ولا بد الجميع يتبعونه

بسم الله الرحمن الرحيم

أنا اليوم ودوم الأحظ كثير من الردود القصيره والتي لا تحمس صاحب الموضوع

على طرح موضوع آخر

واليوم قررت أني أعطيكم الملاحظات اللي عندي

وهي
7
7
7
أشوف كثير من الأعضاء يردون الله يعطيك العافيه ولاهنت راق لي قلمك

وش هذا صار صاحب الموضوع يعرف رد العضو اللي مر على موضوعه بدون يقراه

والعضو اللي رد يعرف رد صاحب الموضوع قبل يكتبه

وهو
7
7
7
شكراً على مرورك العطر

بس كذا ماصارت ردود ولا مرور

مواضيع كثيره تحارب الردود القصيره وحنا ماشفنا تطبيقها بالشكل المطلوب

واليوم أنا عندي نقاط بقولها لكم وأرجو من الجميع أتباعها


1- عدم كتابة الردود القصيره وإلى سيكون مصيرها إما التعديل وإلا الحذف

2- عدم كتابت الردود الدبلوماسيه مثل راق لي والله يعطيك العافيه ومصيرها مصير اللي قبلها

يعني الشاعر يتعب على قصيدته بين تنسيقها وتنقيتها وتزبيطها

ويجيه رد مايحمسه ولا يخليه ينزل قصيده جديده

هذا بالنسبه للشاعر

وبقية الأعضاء اللي يتعبون في الكتابه والتصوير وتحميل الصور وترتيبها
وهذا تعب على العضو وفي الأخير يجيه رد مو قده تعبه اللي تعبه والله ما أعتقد أحد يرضاها على نفسه وعلى مواضيعه

وعاد المنقول على كيفكم ردوا زي ماتبون

الكلام موجه للجميع وأنا أولكم

هنا في الأقسام الشعبيه

شعارنا ( محاربة الردود القصيره )

فأرجوا من الجميع التكاتف والتعاون للرقي بهذا الصرح الشامخ

تحياتي : الغــــــــــــــريــــــــــــــق

مشرف المنتديات الشعبية

كفييت وففيت ياصديقي الغريق

والحماس هو الي يوجه للعطا

كل ماشاف راعي الموضوع ردود تحمسة

بيبذل جهد اكبر في كل الاقسام الشعبية واقسام المنتدى

تسلم يمينك

اتمنى ماتخذلونا في الالتزام بهذا القرار

بس يالغريق أحيانا
إللي يكتب هذه العبارات أحسن من إللي يدخل ولايرد
هذي تحطم صاحب الموضوع
شاكرة لك

الله يعطيك العافية ..

ولا تنسى إنها أقسام شعبية
وأغلب الأعضاء ما يفقهون بالشعر ومعانيه
فيصعب عليهم الرد بالشكل المطلوب
ويمكن تخسر أغلب الردود بسبب هالقرار ..

كلام رائع

ولكن من يلتزم بذالك

الناس ماتهتم برد صار همها تزود مشاركااات وبس

قرار مميز

ولكن خلك مرن يامشرفنا

تحياتي

عندنا وعندك خير يالغريق

أنت حارب منّا وأنا بحارب منّاك لين يتعدّلون وألاّ يهوّنون ومايردّون

نفسية كاتب الموضوع وجهده وعطاءه أهم من خسارتنا لردود مبتورة ..

عساك على القوة ..



..

الجميع بيض الله وجيهكم على طرح آرائكم

ولكل شخص وجهة نظر نحترمها

حبيت أوضح لجواهر أنا ماأقتصرت موضوعي على الشعراء فقط

القسم فيه أكثر من من ستها أقسام واللي مايفهم في الشعر عادي أنا ماقلتله حلل كل بيت لوحده

أنا أبيه يقرأ القصيده كامل لأني أشوف الردود المعتاده صاحبها يكتبها لأنه لم يقرأ الموضوع
وعشان كذا مافهم شيئ ومايبي يطلع بدون رد يكتب هذه مجامله لصاحب الموضوع ومن جهه أخرى
تزويد مشاركات

^
^

الغريق كفيت ووفيت

والله أن عندي العضو يدخل موضوعي اللي من جهدي أنا ولايرد أهون من يعطيك العافيه وراق لي


خصوصا بالتقني عندي وقد نبهت على الشئ هذا لكن لاحياة لمن تنادي


أوكيه مواضيع منقوله كثروا مشاركتكم فيها بيسلمو ويعطيك العافيه بس وش ذنب اللي يسوي موضوع بنفسه وبالاخير


وعلى قولتك يالغريق صاحب الموضوع ماهوب متحمس بعد كذا ...وأنا كثير عانيت بالشئ هذا


أتمنى والله الكل يتقيد بالشئ هذا


وعساك عالقوه وماقصرت ...

الغريق


جبت الموضوع اللي على بالي من زمان الله يرحم والديك


تصدق أن اول شي يمنعني من تنزيل جديدي هو الردود


يعني قهر واكبر قهر يوم اشوف الردود 10 اشخاص والمشاهده تفوق الـ 100 مشاهده


حتى الردود صار بكلام معتاد عليه


مثل

يعطيك العافية

و

تقبل مروري

و

لا تحرمنا من جديدك


ووووووووووووووو الخ


لذلك بالله شوف آخر قصيدة لي تم تنزيلها شوف الردود وشوف المشاهدة

فرق شاسع وينقص من معنويتي في تنزيل مشاركات جديدة


الغريق


موضوعك اعجبني فشكرآ لك

أنا أكثر شي أعانيه هو القسم الشعبي أموت ع القصايد وأحب أقراها لكن وربي

من دخلت للمنتدى لليوم مستحيل أرد ع قصيده لشاعر تعبان عليها برد نسخ ولصق

أوالردود المعلّبه عشان كذا أفضل إني ماأرد بوقت أكون مضغوطه ومايمديني أنسجم

بالأبيات وأرجع لها بعدين أحيان أتذكر وأرجع وأحيان من كثرة المواضيع أنسى

لكن أنا معك يالغريق وأناصر رأيك خصوصاً بالمواضيع المتعوب عليها كـ القصايد واللي

كتبت بقلم الشخص لكن اللي أشوفه صار الغرض تكثير مشاركات وربي أحياناً أعرف اسم

عضوه وأدري شنو ردها لأنه نفس هالرد بكل مواضيع المنتدى بمختلف الأقسام والمنتدى مايبغى

كثرة مشاركات بارده ومعلّبه ع كثر مايريد رد واعي قادر على بث روح الحماس لدى صاحب الموضوع

أنا معك ومع شوق وراح أناصر هالفكره وياكم ونقلب حتى المنتدى العام والغرض الرقي بالمنتدى

وبث روح الحماس وعساك ع القوه دوم