آخر 10 مشاركات |
مختارات | قَالَ الإمامُ عليٌّ : اقتحموا الموتَ، فربّ جريءٍ كُتبتْ له السَّلامةُ، ورُبَّ جبانٍ لَقِيَ حتفهُ في مكمنِه |
|
||||||||||||||||||
هداج الطيب
لايشكر الله من لا يشكر الناس ، ربما أن شكر أهل الفضل من الواجبات أو الفرائض التي يوجبها دين الإسلام ، الأخ والشيخ / عائض بن محمد بن مفيز الحارثي صاحب المواقف المشرفة معي ومع الكثير ولم أوفيه قدره بقصيدتي التي القيتها عندما حضرت زواج إبنه فهد .
ياهاجسي والشعر وش حاجتي فيه=ألّا وراه النفس أعيّن طربها
لامن تكدّر خاطري قمت أغنيه=ولا يبطي ألاّ والوناسه جلبها وهذا الذي شعري على شانه أغليه=واشوفه أجمل سِمْت حظي كسبها ولاكان يوم بغايتي في مراميه=حاجه ورا من كان هجسي ندبها ويوم الشعر معروف به من مباديه=مدح الرجال وباللوازم طلبها الشعر يكسيها جماله وتعطيه=فعل الجميله من كرمها وادبها اليوم كل اللي على البال طاريه=رجلٍ له الله كل طِيبه وهبها طيبه معي سابق ولاني بناسيه=ومديحتي له طيبه اللي كتبها هداج كل الطيب أسميّه واهديه=هذا اللقب لن كان نفسه عجبها هديةٍ من قلب بالحيل يغليه=محبةٍ ماغير طيبه سببها يوم الغلا لايمكن الناس تشريه=بياقوتها وبدرّها وبذهبها لكن لطيبتها يجي من معاليه=ويسكن معاليق البشر ويخضبها أبو بدر ياكثرها ناس تغليه=غلاوةٍ ماغير طيبه جذبها الطيب كله ماخذه في مماشيه=وكامل فناجيل المراجل شربها نخوه وفزعه لابغيته تلاقيه=له هقوةٍ فوق الجمايل عصبها ومن عزوةٍ ياحي الاسم ومعانيه=لاد عضوي قومٍ عريبٍ نسبها قومٍ لواردها على الطيب ترويه=وتلقى ورود الشر منها عطبها واهل الكرم سابق زمنها وتاليه=دايم وهي تندا صياني شببهـا واهل الحميه طبعها ماتخليه=رفيقها لو ما طلبها حسبها والمدح كله قدرها مايوفيه=والشمس من يجهل بها ماحجبها وحضرت داعيها على شان أهنيه=عسى فهد مبروك له من قطبها وتحيا عضاوين الوفا والوفا أوفيه=ويموت راسي هقوتي ماعقبها
|
16 Apr 2019, 08:31 AM | [ 2 ] | |||||||
<img border=
|
رد: هداج الطيب
هلابك اباعلي وصح لسانك ملايين والله يسعدك ويستاهل عايض كل خير |
|||||||
|
||||||||
16 Apr 2019, 01:50 PM | [ 3 ] | ||||||||
عضو متميز
|
رد: هداج الطيب
كفو والله يا ابو علي وافي وراعي واجب ويستاهل ابن مفيز الطيب لا هنت ولا هان غاليك وصح لسانك |
||||||||
|
|||||||||
18 Apr 2019, 03:36 PM | [ 4 ] | ||||||||
مؤسس شبكة الشدادين
|
رد: هداج الطيب
ارحب يا أبو زيد ويا هلا بك ولا هنت وبيض الله وجهك يا بعدي على هذه القصيدة وسلمت وسلم قافك ولا عدمناك |
||||||||
|
|||||||||
18 Apr 2019, 03:44 PM | [ 5 ] | |||||||
شاعر
|
رد: هداج الطيب
صح لسانك يا أبو علي ولا هنت وبيض الله وجهك على هذا القصيد اللي ينومس وعساك على العز والطاعة |
|||||||
|
||||||||
18 Apr 2019, 03:48 PM | [ 6 ] | ||||||||
شاعر
|
رد: هداج الطيب
صح أبدانكم جميع ولاعليكم زود وتستاهلون الطيب |
||||||||
18 Apr 2019, 04:17 PM | [ 7 ] | |||||||
عضوة متميزة
|
رد: هداج الطيب
شاعر كبير ومتميز أخوي ساير لا هنت وعساك على القوة وصح لسانك |
|||||||
|
||||||||
20 Apr 2019, 12:54 PM | [ 8 ] | |||||||
شاعر
|
رد: هداج الطيب
صح لسانك وحفظك الله يا شاعرنا العزيز ما قصرت وعساك على الطيب والعلم الغانم |
|||||||
|
||||||||