اختيار الزوجة

بسم الله الرحمن الرحيم
اخواني الاعزاء السلام عليكم ورحمة الله وبركاته واسعد الله اوقاتكم بكل خير
حبيت ان انقل لكم هذه القصيده لشاعر راشد الخلاوي حسب ماهي موجوده في ديوانه

فاختر من الغـــيد الغنادير عنـــــــدل = نسل ماجــــــدٍ حرً طوالٍ مخالــــبه
روي القنــاة وطاهر القلب طــــــــيب = وذروة سنـــــام من سنام مناســـــبه
رفيع الذرا حامي الورى مدمن القرى=يرى زهرة الدنيــــــا تخلى وذاهبـــه
علا للعلا بالجود والفـــود والعــــــطا=قليل الخطا اعـــــيا عطاياه حاسبــــــه
متى لاح برقٍ في سما الخير للـــــملا =لدى الناس خطه باول الطلح كـــاتبـه
وختر نما من طال بالـــــــخال يافـــتى= وكم طال يامشكاي بالخال ناجـــــــــبه
دوحة مقادٍ مـــــن طـــــوالٍ عروقــــــها =ولو بايــــــرٍ لابد الاعراق جاذبـــــه
منجوبةٍ هي آفــــــة المــــوت عيــــــدهم=إخــــتتر نماهم يامنيع وغــال بـــــه
اختر نماهم يامنــــــيع ولــــــو غلـــــــوا=وخير الشرا ماكان مــغبون جالــبه
إختر سنام الكوم واحــــــذر بطونــــــها =ومن يشتري مشرى تداناه خان بـه
أرى من شرى الداني شرى الدا لنفسه = ولو وعاه وحال في الحــال داه به
ولا لوم للجزار في كـــــل ماشـــــــرى = اللوم للشاري من الشين خايــــــبه
ولياك والسمرا تـــــــرجى لعـــــــــنتر = فلا عنتر الضرغام إلا مجــــــــاذبه
غدا للغدا يـــــــــدعى بأمـــــه (زبيبه)=وعند العدا يدعى بأسمـــى صــلايبه
فاختص عفراً شارق الشمس خدها =وتغنيك عن قنــديل ما الشمس غايبه
خـــــدً وقدً واعــــــــــتدال وقامـــــه = وردفٍ طـــوى لثـــوب سبحان ناجبه
تزيل الكدر عن محلي القلب والصدا= لكـــيد العدا منجوبة الخال صايـــبه
هوى من غدا للدين والمجد ةالشرف= والاكباد من لا يرغب الدين ذايـبه
ليلٍ مقــــفاها وصبــــــحٍ قبـــــــالها = ومن كل دلً زاهي الـــزين جايــبه
لعوب ٍ كعوبٍ جل من صاغ وصفها = تثني وحــــال الشد ياصاح جايــــبه
من الليل ماتـــــرقد به الا قلـــيله = والنفس ماعينٍ لها الطرف طاربـــه
تجلى هموم الحال في الحال عندل = سبحان من اوصافها من وهايــــبه
فتاةٍ بحرف الواو والــــيا سنــــها = فا ن حال حال يتقن الكاف حاســبه
فان كان لاهــــذي ولاذي تـــــيسر = فاللام لام وماعـــدا الـــلام خــاربه
وتختار غفلٍ غرمها شق جيبـــها = ومدارعٍ شقوا لها الجـــيب عايـــبه
وحذراك لاما من غدا السين سنها= تسوق البلا ولصحة الحال سالــبه
تفري حيـــاةالحال بـــلآن والاذى = وانفــــاسها سمً للا رواح عاطـــبه
ولا تاخذ الشمطا على شان مالها = ولو انها لا مــــوال قارون جايــبه
ولو أظهرت لاحبـــها الله حبـــها =قريب المدى وبساعة الحال غاضبه
من الليل مايــهني بعلها قــليله = والنفس لو عاين لها الطرف هاربه
فان نام عنها مبعدٍ ثـــار شرها = وان نام داني ذابـــت النار جانــــــبه
نارٍ مقـــــفاها ونــــارٍ قبــالها = ياويـــل بعــــلٍ ساجـــر الــنار صـاربه
وان حاجت البلوى الى مس جسمها= مس البلا ومربص السم صاربه
فمن ياخذ الشمطا على شان مالها =مخالفٍ للنصح مذموم عـــــاقـبه
وقد قال فيها كرم الله وجهه = حديثٍ ومن خالف عن الليث صـــــاربه
والى هزلة الشمطا ثلاثٍ تشينها = من الله يبلى كـــــل شمطا بــــنايبه
لمة قريب الصبح والسن قد فني =والشوف لوقصر من الطين طاح به
فمن ياخذ المشوْوم عني فقل له =يقول الخلاوي خاب من باع جــانبه
وقد قال معطى راية الدين والهدى =من باد كسرى والغنى من جلايبه
اختر من الهجن المجاني صلابها =علكوم كوم يطوي الخد راكـــــــبه
خرسا اللسان وناحلاتٍ خفوفها = وماجاب منجوب الجناحين جـــات به
متى حست الساري علا فوق كورها=سرت وماجاب اشقرالريش جات به
على صلب ظبيانٍ طوالٍ ضلوعها =نما مــــن رعى الظفره ولادٍ تلادبــــه
وحذر من الهجن المجاني هزالها =ظهرها دبــــور ومن الازوار شــاذبه
وحرونٍ إذا ماغارت الهجن ناخت =ومــــــن سنها ياء عن الســـير تــــاعبه
فلا فوق غبنٍ في النضا باشهب الفضى = وفي العيد عصر العيد والبيض لاعبه

صح لسانك ولسان شاعر القصيده

ولاهنت على الاختيار الجميل والراائع

ياحمد بارك الله فيك وفي انتظار مشاركات القادمه

دمت بود

أخوي حمد تسلم ع النقل

وصح لسان الشاعر راشد

وشكراً جزيلاً ع طرحكـ

كن بخير

الله يا أبو زياد على راشد الخلاوي الله يرحمه وسوالفه

وقصيده الذي يعتبر من علامات التاريخ عند أهل البادية

تسلم يديك وما قصرت عسى عمرك طويل

خيو حمد صح لسانك ولسان الشاعر راشد الخلاوي ..


ولا هنت على النقل خيو ..!

صح لسان الشاعر الخلاوي وتسلم يمناك لاعدمنا يا حمد


شكرا لك

صح لسان الشاعر

ونشكرك اخوي على ذوقك الرفيع

تحياتي