|
||||||||||||||||||
ما كل طير يا السنافي صقر
لاعشت في دنياك في فقر وزقر اطلب من الله رحمته واطلب رضاه دنيا الفنا مقلوبة فوقً وحدر لامنها زانت تدقر في حصاه وان مرتك ابيات شعري بها اقر منت بلاقي بينها حسره وااه احيان اكتب عن فراق وهجر وحيان اكتب عن تصاريف الحياه اكتب نضم واحيان اشقرها شقر من لحظه الموقف ومن ما وراه ماكل طير يالسنافي صقر لوكان بالجنحان حلق في سماه تجارب الدنيا تبي منا صبر والصبر للمسلم مفاتيح النجاه لاتعتمد على سعود ولا بدر خل اعتمادك يالسنافي على الله والرجل لامنه بغى ولا قدر رجواه بالي مايخيب من رجاه مايامن البايت بييته من الغدر ما يصبح الا والتهم اتقفاه مواقف الدنيا تجاربها عبر مهما تفادى ماتفيد المفاداه والقدر عند الناس قدرً بالصدر ماهوب في الي تذبحه وتعشاه من تسبقه بالطيب لو حتى شبر ايحسبك من طيبتك بتحداه امنول اهل الطيب مافيهم كبر لاتعبد المنصب ولا تعبد الجاه متواضعين وتالي العبد القبر حتى الصبي ان مر به ماتعداه
|
07 Mar 2019, 10:34 AM | [ 2 ] | ||||||||
مؤسس شبكة الشدادين
|
رد: ما كل طير يا السنافي صقر
ارحب ويا هلا بك والله يا أبو نايش سعدنا بعودتك لنا ومشاركتك لنا ولا هو غريب الطيب من مثلك وشرواك وعسى عمرك طويل وصح لسانك ملايين |
||||||||
|
|||||||||
07 Mar 2019, 10:38 AM | [ 3 ] | |||||||
عضو نشيط
|
رد: ما كل طير يا السنافي صقر
شاعر مبدع أخوي النايش ما قصرت وعسى عمرك طويل أمتعتنا بهذه القصيدة |
|||||||
|
||||||||
07 Mar 2019, 10:47 AM | [ 4 ] | |||||||
عضو جديد
|
رد: ما كل طير يا السنافي صقر
عساك على القوة وسلمت يمين وفكر أبدعت بهذه القصيدة |
|||||||
08 Mar 2019, 04:32 AM | [ 5 ] | ||||||||
شاعر
|
رد: ما كل طير يا السنافي صقر
صحة ابدانكم جميع وشكرا لكم ولمروركم |
||||||||
08 Mar 2019, 01:49 PM | [ 6 ] | |||||||
عضوة متميزة
|
رد: ما كل طير يا السنافي صقر
صح لسانك واعتلى شانك أخوي وشاعرنا النايش وصح قافك واعتدل معناك وطاب مبناك |
|||||||
|
||||||||
08 Mar 2019, 07:52 PM | [ 7 ] | ||||||||
عضو متميز
|
رد: ما كل طير يا السنافي صقر
سلمت وسلم غاليك ولا هنت وبارك الله فيك قصيدة متميزة من شاعر مبدع وعسى فالك الطيب وصح لسانك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|