إستشارة طبيب................!!!!!

قصيده ارسلتها للشاعر لافي الغيداني

ياراكب اللي لاسرح مطلع سهيل= تقول قالب ثلج في وسط كاسه
أفخم طراز من البئمات موديل=ناين دبل زيرو ورى 2000 أساسه
سلفه على الريموت شغل صلنصيل=أنوار شاشاته مزجها نعاسه
على قزازه عازل الشمس تظليل=وبعد المسافه مايهمه قياسه
وصفه خيال مواصفاته تهاويل= تعامل أجهزته بلطف وسلاسه
ليا درج تقول يمشي على سيل= ولو لمس أبنصه سايقه ثم داسه
يفز فزة حاكم ٍ قرم حلحيل=لو هز عرشه كف غدر ونجاسه
منصاه من وقت القسى يفني الحيل=والمجد وعلوم الشهامه لباسه
بالعسر بيته للنشاما مداهيل=ماحط قفل الباب دونه حراسه
بيته تقول إنه على شاطئ النيل=مثل الحياء كثروا لروده عساسه
تقلط وتدنى مبهرات المعاميل=والعود الازرق هب ريحة نساسه
واجبك يوفيه بحفاوه وتكميل= من بالشعر يجيد فن إقتباسه
ابن القروم الغانمين المشاكيل=من نسل من سند على العز راسه
الشاعر اللي لاأسرج لفكره الخيل=يلبس على اهل الشعر تأج الرياسه
قافه ينومس فالمجالس ليا قيل=متميز شعره خيال وحماسه
مبدع ومتفوق ونادر بها الجيل=سعة خيال افكار وصف وفراسه
معنى ومضمون ومبادئ وتحليل=تجاربه تصلح مناهج دراسه
بالشعر يبني له صروح وتماثيل=وصرحه على صلب الصفا الصم ساسه
له في بحور الشعر ترسي الاساطيل=وعلى قواف الشعر ياقو باسه
برسل لدكتور المشاعر مراسيل=وصفة جروح الروح تطلب سياسه
وش حيلة اللي ذاق من وقته الويل=وقت ٍ تخالط جوهره مع نحاسه
يالافي ابه لافي ٍ تالي الليل=لافي حزن ماهو بــ لافي وناسه
ليا لفا فالقلب يحط ويشيل= ويلغي خيار الدردشه والوناسه
جاء يستشيرك فالليالي المقابيل=(اللي دهاه الوقت فاأعز ناسه)
فقدت لي غال ٍ على القلب بالحيل=والعقل من فرقاه أصابه هواسه
من موتها ذقت الوهم والغرابيل=والحال من فرقاه يوشك يباسه
صابر وشفت من الدهر جاير الميل=وللهم وسط القلب شوط التماسه
لولاي أسلي خاطري بالمواويل=للدم في وسط العروق احتباسه
إن جاد حظي جاب من ريحة الهيل!!!= مايجعل النعسان يبعد عماسه
وإن كان في شفي طلع حظي بخيل=صمت وسحوري للصيام التعاسه

تركي الشدادي

كفوا يالبناخي

وبيض الله وجهك


وقصيده جزله من شاعر فحل ومشهود لك

صح إلسان يا تركي

قصيدة جزله وأنت راعيها

صح لسانك
أبيات جزلة دمت بهذ الإبداع
تقبل وافر التحايا ...

صح لسانك ياتركي
وبّيض الله وجهك

صح لسانك يا تركي

ومشكور على هآلآبدآع

آنتظر جديدكـ...

لا هنت وبيّض الله وجهك يا أبو عبدالله
وصح لسانك ملايين
وإن شاء الله نشوف رد الشاعر الغيداني عليك
في أقرب وقت

صح لسانك ياتركي
وبّيض الله وجهك

سجل اعجابي بقصائدك

ياسلام عليك يابوغايب
كتبت فابدعت لله درك قصيدة رائعه من شاعر جزل
وفي انتظار رد الشاعر لافي عليها لاهنت وانا خوك

صح لسانك ولا هنت يابوعبدالله

كل اعجابي هنا ..