مستور المالكي .. أبداع بـ لا حـــد ..!!

مستور المالكي
.
.
شـــاعر الا بهــار والابــداع ؟؟
.
.
شاعر بنى موهبته الإبداعية بخطوات واثقة ومتزنة نحو التفرد والقمة ..!!
.
.
أسلوب متفرد في سبك الأحداث بشكل مشوق ومثير للجدل ,, أسلوب قصصي رائع لايبعث على الملل!!
.
.
نجد في قصائدهـ روعة الصورة والتصوير والسرد المترابط بصياغة طابعها التلقائية ..
.
.
.
احبـــتي
هنا اضع بين ايديكم..
بعض روائع المبدع..
مستورالمالكي
واتمنى ان تحوز على رضاكم...
.
.

.
.
.

تعالي لك حنيناً ما بقى للصبر فيه انفاس = غيابك عذبه والبعد يمكن يقتل احساسه
تناديك احتضارات الرجا من تحت رجل الياس = ولا ادري تلحقي ما تلحقيه ابيلفظ انفاسه
ابفهم ليه وصلي ذنب يستغفر عيون الناس = اراقب جيّتك وتجين في صفحات كراسه
تعبت استقبلك قرطاس وارسل لهفتي قرطاس = وقلبي والورق سهران بين انياب دباسه
واذا فكرت اجي صدر الشوارع يمتلي وسواس = تعبت ارسم طريق الوصل ما استوعبت مقياسه
اجي مثل السروق اللي يراقب غفلة الحراس = والاقي سوركم واقف يعد افراد حراسه
واحولها على مركاز جدك وابدع الهوجاس = واردد له قصايد كلها بالحيل حساسه
عطيته في شماغه من عطوري لك وله واحساس = إذا شفتيه قومي واحضنيه وقبلي راسه

.
.
.
يتبع

شموخ اسم على مسما لا تنتقي الا كل ما هو راقي وكل ما هو ذوق وابداع

لكي كل الشكر والتقدير على اتحافنا بهذه الرائعه بروعة حضورك المعطا

وشموخك المميز بشموخ الجبال

يا من غلاتك في شراييني توهج وانسكاب = على قريحة شاعرك تسكب بيوت ميسره
ماقد عصرت افكاري ابحث عن ركايبها النجاب = استلهم اطيافك على فكري وطيفك يعصره
واشتاق لك واشعل ضلوعي شمع والشمع المذاب = اعيد تصنيعه من اشعاري قصايد ممطره
والعب بالالفاظ الجميله لعب واخذها غلاب = إلين اذللها وتصبح في رضاك مسخره
الفاظ تاخذ من تفاصيلك عذوبه وانسياب = والفاظ تاخذ من تفاصيلي شموخ ومنظره
واجمّع الضدين واصهرها على شعلة شهاب = شهاب بنفاسي مع انفاسك تكوّن عنصره
ورغم هذا ماتوفي حقك 00 ابياتي رتاب = الله أكبر ياغلاك اللى بقلبي مكبره
حتى الخطايا منك في حقي 000 عقوبتها ثواب = واصغر خطا في حقك القاها كبيره منكره
سبق وعاهدتك بعهد الله من فوق الكتاب = اني ولا اكتب شعر في غيرك على سطح الكره
واليوم انا جيت استميحك عذر واعلنها انقلاب = بس تسمحي لي لو بعشر ابيات غير مكرره
في اللي ورد في محكم التنزيل عن شر الدواب = صم وبكم واعمي ولا فيهم تفيد التذكره
في شاعر انا اغليه شخصياً وجمهوره مهاب = من ناحية شاعر فهو شاعر ولا احدن ينكره
شاعر فحل 00 لكنّ ما يؤخذ عليه وما يعاب = إذا قرأ لي يلطش افكار وجمل بالمسطره
واذا اعجبه فكرة قصيده راح ينهبها انتهاب = يعيد صيغتها بشعره ثم يجري ينشره
وينهج اسلوبي ولكن بالله اش ودا لجاب = كلن يميز بين جمله طازجه ومبستره
الاوله عدت وقلنا صدفه ابغير احتساب = ومن ستر مسلم على الزله ترى الله يستره
والثانيه عدت وقلنا – هم بعد صدفه وتاب = لكن زودها ومصخها وحبيت انذره
قلت اقرص اذنه يمكن انه يعرف اش معنى عقاب = وان عاد كررها يمين الله يااسمه لذكره
واني لفضّح به فضيحه ما تسترها الثياب = واشرشحه قدام خلق الله ويصبح مسخره
لو ما يفيق من الهباب ان كان بالع له هباب = ما ارحمه لو يتكلم الشيطان من تحت اظفره
واكشف لصوص الشعر واللى يكتب الشعر اغتصاب = وانصب لهم فخ بقصايد محكمه ومشفره
والله ماهو طبعي ادخل في المشاكل والسباب = واحاول اتجنب صحافه كلبوها سمسره
عايش مسالم كل هالمده وسيفي في الجراب = واذا رموني بالشتايم ما اسمع الا صرصره
ماهو بمعجزني000 فنون الشعر شاربها شراب = لكنّ ما ودي نفك ابواب شر مسكره
واليوم اشوف اعداي من حولي يسنون الحراب = من جبنهم ما يحذفون الا الظهور المدبره
قلوبهم ياساتر استر كنها بيض الغراب = الطيب الطيب 00 من الداخل يخالف مظهره
يربت على كتفي بكف وكف ماسك بالنصاب = واتجنبه وادعي عليه الله ربي يدحره
ماهمني فعل السروق المازح اللي ما يراب = الهاوي اللي خذ من اشعاري فنون الدكتره
الاوديه ما تنبت الا من مساييل الشعاب = وادري الفقارى ما تهز الا الغصون المثمره
المعذره يابعد عمري 00 شعر ماهو مستطاب = اليوم غثيتك وجبتك في القصيد مبعثره
وان ما ذكرتك في قصيدي يعتري الشعر اضظراب = ما تبهر اشعاري الجميع إلا لانك مبهره
ما ودي اقحم ذكرك الطيب مع شر الدواب = لكن قصيده من قصيدي منت فيها تنكره

في ذمتك هذا سؤال؟؟!! اش صار يوم إنك مشيت؟؟!!=وإلا تبي ترضي غـرورك مـن جوابـي ؟؟ ربمـا
تطمّنـي شفـت العـذاب الـوان لكـن ماشكـيـت=ماهو بنـا اللـي لا لفـاه الحـزن يشكـي لـاندمـا
كم كنت محتاج البكـا وارتـاح يمكـن لـو بكيـت=كابرت واحرقنـي جفـاف الدمـع وبصـدري همـا
تقفّلـت فـي وجهـي أبـواب السعـاده وانعميـت=والحزن سمّـر مدّلهـم الليـل فـي سقـف السمـا
ما اخفيك كم قابلت بعـدك مـن جميـلات ولقيـت=وارجـع واقارنهـم بـك القاهـم تماثـيـل ودمــا
يعني كذا بالمختصر من يـوم رحتـي ليـن جيـت=وانا كما تايه بصحـرا طـاح مـن جـور الضمـا
ولا اقدر أوصف حالتي في غيبتـك مهمـا حكيـت=ولا اقدر أوصف فرحتي بـك عندمـا جيـت إنمـا
كن الكلام اللـي سمعتـه منـك يـوم إنـك مشيـت=قميص يوسـف فـي يـدي يعقـوب وعليـه الدمـا
وكن الكلام اللـي سمعتـه منـك يـوم إنـك لفيـت=قميص يوسـف ينتـزع مـن عيـن يعقـوب العمـا

جت ثايرة متوتـرة قلـت الحلـو زعـلان ليـه=الله يجازيهـم حــرام يزعـلـون المتـرفـه
رفعت حواجبها وزمت رمشهـا والمـوت فيـه=قالت بكيفـي والسبـب ماهـو بـلازم تعرفـه
شي ما يخصك سيبني في حالي الحزن اشتهيـه=احد اشتكى لك؟؟ يووووه يا بعض الخلايق ملقفه
قلت انت لو مـا تشتكيـن الهـم قلبـي يشتكيـه=من يوم اشوف الحزن من تحت الرموش المورفه
وشلون ما تبغيني اسـأل ليـش همـك تحمليـه=واناابتهاجـاتـي عـلـى نفسيـتـك متوقـفـه
زود انفعالاتـك يـؤثـر بانفعـالاتـي واتـيـه=تأثير يتناسب تناسـب طـردي ابنفـس الصفـه
لو اعـرف اللـي زعلـك والله للعـن والديـه=وإلا يجي لك يعتذر غصبـاً عـن اللـي خلفـه
قالت علىبالك تتريق؟؟ يا بـرودك يييييييـه ييـه=احر ما عندي هو ابـرد شـي عنـدك والطفـه
قلبتها ليه فيزيـاء وانـا احسـب انـك سيبويـه=اقول لـك حـره وبرضـك ماتسيـب الفلسفـه
مدري انت تستغبي معي وإلا مسوي لـي نبيـه؟=وإلا انت فاكرنـي لهـذا الحـد انـا متخلفـه؟
لا لا حبيبي مو بنا اللـي يخدعـه مـا تدعيـه=مبروم ما يفتـل علـى مبـروم لعبـك بكشفـه
تقتل قتيلـك ثـم تمشـي فـي الجنـازه تقتفيـه=من يوم آعرفك وانت ما تتـرك معـاي اللفلفـه
قلت اذكري الرحمن واعطيني سبب واحد وجيه=يعطيك حق انـك تدينينـي لـو انـك منصفـه
قالت لي اسأل نفسك اش سويت بالحب النزيـه=منهو الذي مشغـول جوالـه ودمـي استنزفـه؟
ثلاث ساعات اتصل مشغـول يـا مستـور بيـه=مدري تفاوض بـوش وإلا انهـا بدايـة معرفـه
طبعاً مطنشني وداخـل جـو لكـن وش عليـه=مانـي بزعلانـه علـى شانـك ولا متحسـفـه
ليه الحسايـف دام قلبـك بـاع قلبـاً مشتريـه=إلا خسـاره فيـك دمعـاً فـي غيابـك بذرفـه
قامت وراحت واتركتني قلت معـذاري اسمعيـه=زمت شفايفها ولفحـت شعرهـا فـي عجرفـه
لحقتها قلت افهمي الموضـوع قالـت مـا ابيـه=قلت انت حره واتركتنـي آآآآآآه ياهـي مجحفـه
اسبـوع ياابراهيـم لا زادي ولا النـوم اهتنيـه=احب هالمجنونـه اللـي فـي عذابـي مسرفـه
من يوم راحت والسوالـف كلهـا لهجـة سفيـه=وذكرياتـي لجـل يسكـت كلـهـا تستحلـفـه
والوقت باسط كف قابض كف يفرك فـي يديـه=له عين يتشمت وانا اللي كنت بالضحـك اتلفـه
ان كان مر اسبوع ماجانـي اتصـالاً محتريـه=بطلبك يا ابراهيم خدمـه كـان مـا فيـه اكلفـه
اطلع شهار وقول عندي شخـص ربـي مبتليـه=واحجز سريراً زين في غرفه فسيحـه مشرفـه
ومر وصلنـي عسـى الله لا يهينـك يالوجيـه=تلقاني اتحـراك لابـس ثـوب نـوم ومنشفـه

يقول من عـدا علـى شـارع بـلال بـن ربـاح=يوم إن مـن ساهـر بهمـه غطـه النـوم ورقـد
من بعد نص الليل ألفلـف ليـن مـا اذن للصبـاح=خرجت اغيّـر جـو واتغلـب علـى جـو النكـد
ومن أول الشارع وانا شميت ريـح العطـر فـاح=وحسيت في همـي شـوي شـوي عنـي يبتعـد
يمكـن لأنـي كنـت إذا مريتـه اشعـر بارتيـاح=ايام أنا ما كنت اجـي يمـه علـى سابـق وعـد
مـن جـادلٍ ميعادهـا بالضبـط كلمتهـا قــراح=ادق مـن ميعـاد فقـري فـي الوظيفـة مستجـد
من بعد فين وفين تلقـى فرصـة الوضـع المتـاح=ظروفها صعبه وأخوهـا وجـه شـر ومضطهِـد
أجي على ميعادهـا مـن بعـد مجهـود وكفـاح=من التعب منهـك وللجـدران فـي كوعـي مكـد
لها بصدري فرحة المسجـون باطـلاق السـراح=وبصدرها لـي فرحـة القاتـل بعفـو انفـاذ حـد
تجلس كما رعديـد واقـع تحـت تهديـد السـلاح=من شـدة الربكـة تلعثـم فـي الكـلام وترتعـد
وانا تقول إني من اهـل الـدار بسطـه وانشـراح=قلة عقل.. مـدري دباشـة.. كنـت معطيهـا لبـد
طايش مراهق شايف إن النـاس مكسـورة جنـاح=مغرور بايعهـا بتبـن ولا حسبـت حسـاب احـد
هوايتي ( جمع التوابع) مـن مـلاح ومـن قبـاح=افاخر اصحابي وربعـي لا جمعـت اكبـر عـدد
ما قد شكيت البعد والوحده فـي الايـام الشحـاح=اطـب وأتخيّـر ووقـت الزنقـه الطـارف يسـد
المقصـد اتسلـى ولا للحـب فـي قلبـي بـراح=عايش بمبدأ كل فطيـر وطيـر لا شفـت السعـد
لكنّ هي بالذات كانـت غيـر عـن كـل المـلاح=كانت تحسّسني إني اعظم مـن علـى الدنيـا ولـد
كانـت تدللنـي بفـن اسلـوب اسميـه اجتـيـاح=باسلوبهـا تجتـاح فكـري والمشاعـر والجسـد
كانـت سوالفنـا فضيعـه لا حـرام ولا مـبـاح=اقرب حلال من المحـرم واخـر المكـروه حـد
كنـا نناقـش مايجـوز ولا يجـوز مـن المـزاح=معظم سوالفنا طـوال الليـل فـي هـذا الصـدد
تعارض افكاري وادلّتهـا مـن امتـون الصحـاح=تقول يوجد في الجسد مضغـة وإذا فسـدت فسـد
ما ينبت الحب العفيـف إلا فـي إقلـوبٍ صحـاح=وأظن هذا الحب فـي هـذا الزمـن مـا ينوجـد
واحاول اقنعها إن هـذا عصرنـا عصـر انفتـاح=عددت اساليبـي ولا خليـت مـن جهـدي جهـد
واعطتني بفن وبراعـه درس فـي كبـح الجمـاح=فيهـا ذكـا ماهـو طبيعـي عقلهـا يـوزن بلـد
واحلف لها بالله حبـك مـن خفوقـي مـا يـزاح=خذي كلا م رجال.. أنـا لـك ملـك دايـم للابـد
قالت وانا ما اتخيل إنك ملـك غيـري ثـم سـاح=من فوق وجنتها الكحل .. والـدم بعروقـي جمـد
واستطردت لوكنت صادق ما انصرف طرفك وشاح=لكن لا نضحك على بعض ، انـت قلبـك ماقصـد
اخشى هوانـا يـا حبيبـي يذهـب ادراج الريـاح=لأن وضعي ما يساعـد , وانـت طوّلـت الأمـد
هـذي علاقـه غيـر شرعيـة وحرمـة تستبـاح=اش يمنـع إنّـا نرتبـط رسمـي وتوفـي بالعهـد
واتحجج إنـي طالـب اسعـى للتفـوق والنجـاح=ولا اقـدر اتـزوج وذا وضعـي ولانـي مستعـد
واقول انا في خاطري ( لا هيّن ) اعقد بـك نكـاح=اتزوج اللي صادقتني ؟! مـا بقـي إلا ذي بعـد!!
ويوم ألحت في طلبهـا شفـت مـا عنهـا مـراح=وتأكـد إن اللـي تفكـر فيـه ماعـنّـه مـصـد
سحبت نفسي فـي هـداوه لا جـدال ولا صيـاح=حست وكانـت تتصـل فينـي وأنـا ماكنـت ارد
طنشتهـا فتـره وحسّيـت إن فـي قلبـي رمـاح=واقنعت نفسي, نقص واحد ما يؤثـر فـي العـدد
كانت بداية نكستي والحظ إلـى مـن طـاح طـاح=دنيـا لهـا ميـلات والانسـان مخـلـوق بكـبـد
اثـار قلبـي حبهـا بعـدي وانـا مالـي صـلاح=ولا اكتشفت إلا وهي زوجـة عصامـي مجتهـد
أنا اشهد ان امه دعـت لـه فـي حياتـه بالفـلاح=وانـا اشهـد إنـه نـاال واللهم غبطـه لا حسـد
وانا ثمان سنين قلـب النحـس مثخـن بالجـراح=وهي على مـا اسمـع سعيـده وام بنتيـن وولـد
الله يوفقهـا ويسعـدهـا ويرزقـهـا الـصـلاح=والله يصبرنـي ويرزقـنـي التحـمـل والجـلـد
من بعدها ماشفت من تقـدر تعوضنـي اللـي راح=صحيح مـا تعـرف غـلاة الغالـي إلا لا انفقـد

يالــــيت كـــان حقيقه

البارح احلم وإن بـوش ال*** معطينـي قفـاه=قلت انتهزها فرصه اخذ ثـأر قومـي واطعنـه
حاولت اجي قدام وجه المفتري والعـن ثـواه=لكـن قدامـه ميـة متزلـف يدافـع عنـه
غرست سكيني بظهره واستقرت فـي حشـاه=حمدت ربي قلت دوب ارتاحـت العالـم منـه
تقاتلوا ربعي قبل تنشف كفوفـي مـن دمـاه=واللي وقف ضدي قصار ايدين واطوال ألّسنـه
والوضع في امريكا طبيعي مابكوا ليلـة عـزاه=كذا كذا في البيت الابيض بس باقي لـه سنـه
لكن على قول المثل صبٌروا هـل الميـت وراه=الوضـع عـادي والمعزيـن اكفـروا ومحزِّنـه
اللي شجب واستنكر اللي كنت احسّبهم غنـاه=واللي توقعتـه يمثِّـل بـه سـرى بـه يدفنـه
ندّد بي اصحاب المناصـب والهواميـر الطغـاه=اهل الكروش اللـي دراهمهـم تبـث الهيمنـه
خلوا فضائياتهم تلعـن وتسخـط فـي الجنـاه=سمونـي ارهابـي ومتطـرف بعاهـه مزمنـه
جابوا في الاستديو محلل دلـخ يتحـاور معـاه=رعبوبةٍ تختـار مـن ترنيمـة الصـوت امجنـه
سرى يبث مخططات الغرب مـن شـدة غبـاه=بلسان مثل السير يقطـر زيـت ممـا يدهنـه
ماتؤلمه روس الغلابـه تحـت طابـوق الرحـاه=حتى البري منهم رحاة الحـرب دايـم تطحنـه
وانا بوسط الحلـم شدتنـي هتافـات الحفـاة=الله اكبـر مـات بـوش القـرد والله يلعنـه
جمهور حاشد مابقى في الشرق شارع ما مـلاه=مافي يـده حيلـه يجاهـد والحـدود مؤمّنـه
اصغرهم اشجع من ألوف من الخنازيـر الغـزاه=من رغبته في المـوت والجنـه تعمـم بكفنـه
ورأيت لي فيما يرى النايم على عنقـي عصـاه=في كف عبد احول وله شوشـه وريحـة منتنـه
كتم على انفاسي وانا مخنوق واطلب في النجـاه=كابوس صحاني وأنا اتحسس لراسـي واحضنـه
صحيت والسـي آآى أي مطوقينـي بالرمـاه=قالوا لجنـدي رح معـه لقونتانامـو واسجنـه
قلت افهموني ما اخبر إني كنت من ضمن العصاه=واللي حصل كله مجرد حلم ما كنـت اذهنـه
وش تهمتي بالضبط؟ قالو بوش معطينـا وصـاه=والتهمه إنك كنت تحلم فـي منامـك تطعنـه

اتمنى ان ترتقي لذائقتكم
.

أحسنتِ الاختيار أختي شموخ

حيث أطلعتينا على قصائد هذا الشاعر الكبير الذي لربما كان

هناك من لا يعرف عنه شيئاً

قصائده متميزة وتحاكي أحداث الحاضر بكل صراحة وواقعية

شكراً لكِ أيتها المتميزة

ماذا عسانا ان نقول لشموخ ذا ئقتك ايتهو الشموخ

لقد اذهلتينا بروائعك التي تعكس لنا شموخ حضورك المميز

تقبلي جل تقديري وفائق احترامي

ماشاء الله ياشموخ اختيار موفق

وذوق راقي

خاصه وهذا الشاعر من الجنوب

واهل الجنوب مميزون الحقيقه ومنهم شاعر المحاوره الشاب

الصغير بأعمره والكبير بأشعره ابراهيم الشيخي

كل الود