رافعٍ خشمك

من العايدين وكل عام وانتم بخير وتقبل الله منا ومنكم صالح الاعمال

بويتات للمشاركه اتمنى لها القبول

يا هيييه ياللي رافعٍ خشمك العام=ما قلت لي كيفك بعد صحبة الغير
شوفتك صدفه وارتباكك والالام=خلتني استنتج كثير التعابير
تو اكتشفنا طبق تغيير الايام=ان الوجيه ايام تفجع بتغيير
قبل امس شلتك فوق راسي وعزام=ما تقفي الا حاضنتك التباشير
طيبٍ ورثته ما خذيته باالاقلام=يوم القلم يبرى منه سالم الزير
ورفعت خشمك كنك تقول الاحجام=نفسٍ تزيد الحجم ما عيّنت خير
هاذي حقيقه قدم عيني والافلام=ماني بمثلها بزود التفاكير
شفتك بعيني يوم داستك الاقدام=و ساقوك ناسٍ مثل سوق المغاتير
شفتك مدنق يوم جابتك الايام=عطووك حجمك عارفين المعايير
ناسٍ تحكم قلوبها حكم الابهام=محدٍ يبصّم دون عرف و تفاسير
اثر الاهانه تنفع ان كان ما قام=دور المعزه قدم من تحسبه غير

وسلمتوو ,,

.





حيَّاكْ الله يَ الروُقيْ وَ كُلْ عَامْ وَ أنتَ تَرفُلْ بِالصحَّةِ وَ العَافيَّة
وَ يِنعَاد عليكْ وَ غواليكْ بَالسسسَعادةِ .


سسسَلمتْ وَ دُمتْ وَ صَّح الله مَنطوُقكْ وَ عساكْ دوُمْ علىْ الطيبْ
وَ لـ الطيبْ سبَّاقْ صَّح الله منطوُقكْ وَ لا غمَّد الرحمنْ لكَ إِحساسٍ وَ قافيّة .




# تَعتليْ الثُريَّا وَ تسسستوُطِنُ مَنصَّة التنبيِهاتْ .

كفو والله يا أبو سلطان
تواصل رائع من شاعر مميز مثلك
ورجل له ثقله في المنتدى
بيض الله وجهك وصح لسانك

صح لسانك ملايين
ولاهنت شاعرنا
كل الشكر

		المشاركة الأصلية بواسطة : ! سارة الغيد ! اقتباس
	. حيَّاكْ الله يَ الروُقيْ وَ كُلْ عَامْ وَ أنتَ تَرفُلْ بِالصحَّةِ وَ العَافيَّة وَ يِنعَاد عليكْ وَ غواليكْ بَالسسسَعادةِ . سسسَلمتْ وَ دُمتْ وَ صَّح الله مَنطوُقكْ وَ عساكْ دوُمْ علىْ الطيبْ وَ لـ الطيبْ سبَّاقْ صَّح الله منطوُقكْ وَ لا غمَّد الرحمنْ لكَ إِحساسٍ وَ قافيّة . # تَعتليْ الثُريَّا وَ تسسستوُطِنُ مَنصَّة التنبيِهاتْ .

مشرفتنا المتالقه ساره الغيد ابقاكي الله ومن قال ينعاد عليه باالمثل ومن قال يسلم وصح بدنكي واشكركي على المرور المميز والتثبيت ووفقكي الله اختي ساره ..

		المشاركة الأصلية بواسطة : السلطان اقتباس
	كفو والله يا أبو سلطان تواصل رائع من شاعر مميز مثلك ورجل له ثقله في المنتدى بيض الله وجهك وصح لسانك

ارحب ملايين يابو عبد الله وكفوك الطيب واشاده منك افتخر فيها ووجهك ابيض وصح بدنك واشكرك على المرور المشرف ياالامير

		المشاركة الأصلية بواسطة : بنت النشامى اقتباس
	صح لسانك ملايين ولاهنت شاعرنا كل الشكر

بنت النشامى

صح بدنكي واشكركي اختي على المرور المميز

صح لسانك وبيض الله وجهك على هالنص الجزل

		المشاركة الأصلية بواسطة : ضياء القمر اقتباس
	صح لسانك وبيض الله وجهك على هالنص الجزل

اخت ضياء القمر صح بدنكي ولاهنتي على المرور الجميل لا حرمناه يارب