تجارب الدنيا

تـجــــربة شـــاعـر فـي الـــدنيـا

عانيت في الدنيا وأنا توي صغير = وفقدت في الدنيا رخيصٍ وغاليِ
وقطعت في الدنيا كثير المشاوير = وعقلت في الرحله شريدة جمالي
كم ليلتن سهرتها بالتصابير = وكم ليلتن سريتها فج خالي
لولا الصبر في بعض الأحـيان لاطير = وأقنب قنيب الذيب في رأس عالي
لاكن أصابر وأطلب الرب بالخير = محيي الهشيم اللي من الوقت بالي
إن كان دلوك مابتجذب من البير = حرام تشرب من قراحٍ زلالي
أصبر على جور الزمن والمخاسير = وألقى العوض من عند رب الجلالي
وأفرح لاجونا النشاما مسايير = وأجذب لهم كبشٍ من السوق غـالي
ويرزقني اللي رازق الداب بالطير = في ظلمةٍ تذري عليها الشمالي
ماهمني شهره وجمع الدنانير = أرهي على الجمه طويل الحبالي
عمر الفتى للموت ماعنه تدبير = لابـد من قبرٍ طويلٍ هيالي
أخذ العباره من جزيل التعابير = من شاعرٍ جرب صدوف الليالي
وصلاة ربي عد نبت النواوير = اللي تعاقب له مزون الخيالي
رسولنا اللي عمر الـدين تعمير = والله يثبتنا نهار السؤالي

الشاعر : سعود معيش الشدادي

حياك الله أخوي
وصح لسانك ولاهنت
على القصيدة الجزلة والرائعة

		المشاركة الأصلية بواسطة : سعود معيش اقتباس
	تـجــــربة شـــاعـر فـي الـــدنيـا عانيت في الدنيا وأنا توي صغير = وفقدت في الدنيا رخيصٍ وغاليِ وقطعت في الدنيا كثير المشاوير = وعقلت في الرحله شريدة جمالي كم ليلتن سهرتها بالتصابير = وكم ليلتن سريتها فج خالي لولا الصبر في بعض الأحـيان لاطير = وأقنب قنيب الذيب في رأس عالي لاكن أصابر وأطلب الرب بالخير = محيي الهشيم اللي من الوقت بالي إن كان دلوك مابتجذب من البير = حرام تشرب من قراحٍ زلالي أصبر على جور الزمن والمخاسير = وألقى العوض من عند رب الجلالي وأفرح لاجونا النشاما مسايير = وأجذب لهم كبشٍ من السوق غـالي ويرزقني اللي رازق الداب بالطير = في ظلمةٍ تذري عليها الشمالي ماهمني شهره وجمع الدنانير = أرهي على الجمه طويل الحبالي عمر الفتى للموت ماعنه تدبير = لابـد من قبرٍ طويلٍ هيالي أخذ العباره من جزيل التعابير = من شاعرٍ جرب صدوف الليالي وصلاة ربي عد نبت النواوير = اللي تعاقب له مزون الخيالي رسولنا اللي عمر الـدين تعمير = والله يثبتنا نهار السؤالي الشاعر : سعود معيش الشدادي

شاعرنا
ملك الشدادين
سعودالشدادي
ماشاء الله ابداع
القصيده
بكل ماتحمل من معانيها وكلماته
روعه
صاحب قلم مميز
احساس جميل
والبوح بالقصيده اروع
تقديري

... صح لسانك اخوي سعود وعلا شانك يعطيك العافيه ...

قصيدة جزله وماهي غريبه من شاعر مثلك يا ملك الشدادين يعطيك العافيه

بيض الله وجيهكم ولايستغرب الطيب من أهل الطيب

سعود
صح لسانك وبيض الله وجهك
شاعر وشعرك وحضورك
فيها الجزالة حفظك الله

كفو والله يا شاعرنا المميز
أبو مشعل
والله يبيض وجهك ويعلي شأنك
وصح لسانك

أخي السلطان وخيال الشدادين
أشكركم واقول أنتم رموز هاذا المنتدى
وفقكم الله

قصيده رائعه وابيات جميله
صح لسانك
لاهنت

تقديري