بنت عطتني الرقم .. ويوم اتصلت رد أخوها..! قصة تحير

:مساكم الله بالخير



هذي قصة غريبة جداً,,


وحبيت اكتبها لكم ’’




قبل فترة كنت مودي أختي للسوق ,,
طبعاً ذاك اليوم كان السوق زحمة شوي,,
وقفت عند محل من المحلات الكبيرة,,ونزلت أختي,,
وانا من الزحمة ما قدرت امشي على طول,,
المهم ’’وأنا جالس انتظر الزحمة تخف شوي...إلا وأطالع بنت تأشر لي من بعيد,,
قلت في نفسي وش تبي ذي********وانا خايف منها ,,لانوا أول مرة تحصل معاي’’
ما عطيتها وجه,,وطنشتها,,إلا وكل شوي تقرب من سيارتي,,********قلبي بدا يقرقع من الخوف
وأقول في نفسي ,,الله يستر من ذا النشبة....الطريق زحمة ولا احد راضي يمشي.
وهذي كل شوي تقرب أكثر,,
ما دريت إلا وهي تطق علي ,,فتحت القزازة وقلت سمي يا خالة’’
قالت :امسك هذا او اقول انك متعرض لي’’قلت كيف اتعرض لك وانا في سيارتي,,
قالت:مو شغلي ,,المهم خذ الرقم,,
اخذت الرقم وانا في قمة الدهشة ,,قالت:اتصل ذا الحين من جوالك على ذا الرقم’’
لا شعوري ومع الربكة ,,دقيت على الرقم,,ويجي يرن جوالها ..
قالت:خلاص الحين اقدر امشي,,وقالت:انتظر اتصالك لا تتأخر’’
راحت البنت,,وانا ما ادري بحلم او بعلم,,

وبدات تجين الوساويس من كل جهه,,
المهم ذاك اليوم كنت مواعد عمر راح اطلع انا وهو,,اتصلت عليه وكنسلت الموعد’

جلست يومين على ذا الحالة ,,وساويس وتفكير وحيره’’
كان الوقت اخر العصر,,وكنت جالس بالبيت,,
دق جوالي ,,اطالع الرقم,,,والله النشبة ..هذي البنت ,,
ما رديت ..وتدق مره ثانية وثالثة,,وانا مطنش,,
يا ذا الورطة ...وترسل رسالة ,,تقول رد قبل ما اسوي فيك شي,,
ورقمك عندي ورقم السيارة عندي,,,رد علي قبل لا اتبلاك,,
ما ادري وش اسوي في ذا الحالة,,بعدها قفلت الجوال,,
وخذ يا تفكير,,

يوم اذن العشاء ,,صليت ورحت لم محل كوفي شوب,,
جلست لحالي هناك..وقلت في نفسي ,,
جرب يا ولد ما راح تخسر شي..ما دام انوا هي الي جت من نفسها,,
شغلت الجوال ..ولقيت 5 رسايل موجود منها,,
اخذت نفس عميق ,,,,وجزمت نفسي واتصلت ,,,,,


^^^^^^^^^^^^^^^^^^^^^^
فاصل إعلاني,,




المسلسل مو حلو ,,,
ههههههههههههههههههه




اسقيها فيمتو,,



فيمتو يعطي اللقاء حلاوته,,
^^^^^^^^^^^^^^^^^^^^^

ترن,,ترن,,ترن,,
ويرد علي صوت رجل ...انا اتخبصت,,وقلت هذا جوال علي,,
قال :انت راعي السيارة...كذا قلت نعم,,
وبعدين هي الي جت لمي واعطتني الرقم..وانا والله ما سويت شي,,********مابقى شي إلا واصيح
قال انا عارف,,قلت::هاهـ...قال انا عارف وكنت مراقبكم من بعيد..


عقلي بينجن,,قلت كيف عارف .....قال:اقولك لما اشوفك..
قلت:لا يا خوي ..ما لها داعي ارقي اسمنت للسطح,,
جلس يضحك ويقول لا لا تخاف تعال بمكان عام وراح اقابلك...عندي لك موضوع,,
قلت كيف تقابلني وانا ما اعرفك..
وبعدين ليش تخلي البنت تعطيني الرقم..و.........و.............و...........

قال ابيك بشي ضروري ...وحلف بالله انوا ما يسوي شي,,,وانوا راح يقولي عن كل شي,,
ماني مصدق الي يصير..بنت ترقمني ..ويطلع لي رجل ,,ويعرف بالحقيقة وكمان وده يشوفني,,
الخلايا في مخي بدات تتضارب ..
قلت :ما دام انوا راح يقابلني في مكان عام مو مشكله,,

وبعد يومين اتصل علي وقال:رح للمكان الفلاني واشوفك هناك,,
عاد انا ..مسوي ذكي شوي,,قلت:لا رح انت اول وبعدين انا اجيك,,
قال خلاص..وعدنا بعد صلاة المغرب...قلتok.

رحت للمكان ..ودقيت على الرجال..وقلت وصف لي شكلك..
ضحك وقال ..حتى الحين انت خايف...المهم وصف لي..
وشفته...كان رجل ولا هو جثه********خفت يضربني,,
رحت لمه وجلست في الطاولة الي هو فيها,,
عرفني بنفسه..وجلسنا نتكلم...مرت حوالي ساعة ,,وما قال شي عن الموضوع..
قلت:ممكن تعلمني ايش القصة
قال::لا مو هنا ...بكرا تجي لمي بالبيت..واعلمك عن كل شي,,
انا الرجال ارتحت له..وقلت تم,,
زالت الرهبة شوي ,,,بس حتى الحين وانا مو عارف ايش الي راح يصير..

جاء بكرا...ورحت لمه بالبيت,,
يوم دخلت البيت..واثره.. قصر مو بيت..
جميل بدرجه ما كنت متصورها..
والقي حدايق من الورود والزهور...ومساحات خضراء وسيعه..
المهم كان الرجال ينتظرني عند باب المنزل ,,
رحت ووقفت السيارة ونزلت لمه,,
سلمت عليه..ورحب فيني,,,وقلطني في مجلس فخم...قال :اجيب الشاهي والقهوه واجيك..

كنت منبهر من الي اشوفه..من روعت البيت,,
وانا جالس اتأمل في المكان...إذا بالباب يفتح,,

واشوف حرمه لا بسه بنطلون جنز..ازرق..وتي شيرت ابيض..
ومعها الشاهي والقهوه,,

عيوني طارت من الي اشوف...
بديت ارتعش ...يوم سمعت الصوت....كان هو نفس الصوت الي جاني يوم كنت واقف بالسيارة عند المحل..

بعدها احس ان قلبي توقف من الموقف,,
^
^
^
^
^
^
(( (تبي تتابعون القصة ...)) وش قلتم



ابو سلطان الشددي

ايه نبي تاااابع يااخوي
والله العظيم انك طلعت اقوى من ام بي سي
يوم تطول في الاعلانات قبل عرض مسلسل طاااش
ههههههههههههههههه

خطيييييييييييييييييييرة معاك بس يالله كمل أرجوووووووووووووك........

وأنا بعد أقول كمل القصة

لأننا مشتاقين لبقية الأحداث

لا هنت يا أبو سلطان

يسلمك ربي كمل القصه لان احنا ملهوفين نعرف الباقي بس لاطولها بالاعلانات هههههههه

ابو سلطان صراحه بارع في أسلوب التشويق

بس يالله كمل القصه ولا تسحب علينا

وفكنا من الأعلانات

ابو سلطان بسوي عندك اعلان في قصتك

عن القسم الرياضي في منتديات الشدادين :clap:

قول تم

وكمل القصه ولازم اشوف أعلان القسم الرياضي فيها

تشكر ولي عوده يا الغالي ويعافيك ربي

لي باك

أقول أستعجل القصه الله يستر من آخره

الظاهر آخرها:تصحى من النوم

تحياتي ودمت بود

أخوك

نواف الشدادي

طالت القصة وأبو سلطان شكله نسينا

لكن عسى الله يعين على إعلانات الشهر الكريم

كلها مأكولات ومسلسلات

وآخره ملبوسات وأسواق

أبوسلطان الله يرحم والديك كمــــــــــــــــــــــــــــــل السالفة مع أنه ينتابني شعور أن كل السالفة بتطلع
[blink]حـــــــــــــــــــــلم [/blink]
تقبل مــــــــروري