قصيده وطنيه

بسم الله الرحمن الرحيم

اول الاقوال يالله يالفرد الصمد=خير مبدا مردفٍ بالتحيه والسلام
ياسلام الله سلامٍ على السامع يعد=عد ماتشدوالبلابل وماناح الحمام
ردة تهد الروس الرجال من الولد=ايتشرف باللقاء ويتقدم بحترام
يهل دارٍ ينتهض عز والقائد فهد=قايدٍ يوجد نهار المواقيف الجسام
مده الله بالفراسه على ابٍ وجد=مايقول الا ويثبت جوابه بالمقام
سائل التاريخ واحصو المواقف بالعدد=نهج من نهجه على الدين والرب اعتصام
وقفة الصامل وعقل الشطير المجتهد=وقفةٍ ماتصدر الا بحكمه وحتكام
تسعد الصاحب وتعمي نواضر من حقد=ويتجلاها السفر جاليٍ عتم الظلام
ما تتم الا لرجل عطى جهدٍ وجد = الخطا موزونة السير والمنهاج امام رجل عاصيت المواقف لها كفوٍ وقد=رغم انوف الحواسيد بايعة الذمام
منطق يذكر مواقيف من واقع اكد=باسطرٍ من نور يبصم عليها بالبهام
ايتنصبها بعزة مقام ويعتمد=مايصرح به لهل سلم والاهل خصام
والادله في ثنايا المقال ابها افد=قد ماتحمل قواف القصيد من الكلام
هاذهي داري وهاذاه قايدنا فهد=ياحواسيد اسمعي ياعواذيل تهام
من جعل تطبيق الاسلام شانه للابد=الحقايق واضحه مايغطيها عسام
المحاكم والوزارات تعلن لابعد=قطع دابر عنصر السو عسر الاستقام
في قوانين تحده وفي نظم تحد=كل من تهواه نفسه على فعل الحرام
توقف الظالم حدوده ويرجع لم يجد=غير يامظلوم تعطى حقوقك ما تظام
ومن له الدستور ما أنزل الفرد الاحد=ومن حكم بما يحث التراحم والوئام
ومن تحت حكمه يسود الامن بيت بلد=واي دير نايم الليل يهناه المنام
الرخى والدين والأمن والعيش الرغد=في جميع اقطار ديرتك ياقصر السلام
ومن تشرف خدمة المسجديني وستعد=بالفعول اللي على غير ابو فيصل عظام
عاش راسٍ جاد بالفعل موفٍ بالوعد=دام عهدك ياابا فيصلٍ بالعز دام
عهد زاهر يدفعه ود قلب وجود يد=اعلنت فيه التطور مازاد اعن التمام
قبل شوف العين لاداعي اسئل وانتشد=نهظة فيها مسير التقدم بنتظام
من كرم ربٍ عطا عد ياعداد عد=للفعول المستقيمه وجزلات الكرام
دون ما فرصه لمنكر ولا راعي نقد=حيث ذكر الصدق يلقاء به الجاحد لجام
ومن على عهده حفض بالعهود وبالعهد=ومن وقف في نشر الاسلام ميقاف الامام
المصاحف مرسله غيرها الكتب الجدد=والمساجد بنيها مستمرٍ في دوام
ومن لشان الامتيني وقف وقفة اسد=تذكر اسمه كل ماهل شهر وجد عام
شاهده يمناً صخيه ونجدة مظطهد= بين تشريد اومجاعه واهات السقام
والاغاثه والاعانات شاهدها شهد=من يدينٍ مومنه بسم من ينش الغمام
والعلاج العاصي الدا وصابات الجسد=بجهزة طبٍ حديثه على ارقا نظام
ومن تدور وقفته كل ما شان استجد=مثل ما يارد على العد عطيش حيام
ينهل الصافي شرابه ويرواى من ورد=مثل موج البحر غطى الروابي والعدام
من سدادت راي ياقف جحود وسترد=عن تلفظ لا لو انه خفيف النطق لام
كل ما تاخذ ظروف الزمن جزرٍ ومد=يصرف الوصفه طبيبٍ سريع الافتهام
للحرايب ليث غابٍ ولصاحب سند=درع جنب وسيف يكسر صليبات العضام
كل ذا من فضل منشي المطر قطر وبرد=نحمده على ما منه علينا من نعام
ثم فضل مشيد السور سيسان وعمد=بالتزامه عروة الله شديد الانتقام
ذاك ابو فيصل تمثلها وبها صعد=مركزٍ ما ياصله غير شخصية همام
ايتحلاها رياده وطبعٍ منفرد=رافعٍ راسه ومن عالي الاسوام سام
ياجبل نجران تلبس ويا سحرى نجد=في طوال العام لبس السعاده بيض خام
اشرقت شمس الجزيره وصاحبها السعد= وثمرت ريضانها من رياحين وخزام
تحت قانونٍ من الدين نهجه مستمد= مقتدين ومهتدين بهداء سيد الانام
السياسي يرشد الراي والجندي صمد= رجل في قوة عزيمه وشخصية شهام
ما تزعزعنا بلابيل وافكار الحسد= في مواقفنا واكرر سلامي بالختام

الشــــــــــــــــــاعـــر

عـواض بريكان الشلوي

«®°·.¸.•°°·.¸¸.•°°·.¸.•°®»صح لسانك يا الشاعر عواض الشلوي...
قصيدة والله حلوه ...«®°·.¸.•°°·.¸¸.•°°·.¸.•°®»

بسم الله الرحمن الرحيم

الولهان

صح بدنك يالغالي

نتشرف بمرورك

ومشكور

عواض الشلوي


حضور رائع كروعة روحك


ابيات جميله تجبر القارئ ان يقف عندها طويلاً ليتأمل ذالك الابداع الجميل




ايتحلاهـا ريــاده وطـبـعٍ منـفـرد
رافعٍ راسه ومن عالـي الاسـوام سـام


ياجبل نجران تلبس ويـا سحـرى نجـد
في طوال العام لبس السعاده بيض خـام

اشرقت شمس الجزيره وصاحبها السعـد
وثمرت ريضانها من رياحيـن وخـزام

تحت قانونٍ من الديـن نهجـه مستمـد
مقتدين ومهتديـن بهـداء سيـد الانـام


السياسي يرشد الراي والجنـدي صمـد
رجل في قوة عزيمه وشخصيـة شهـام

ما تزعزعنـا بلابيـل وافكـار الحسـد
في مواقفنـا واكـرر سلامـي بالختـام



قصيده جزله من جزل


بيض الله وجهك على هذه الرائعه


والا مزيد من الابداع

بسم الله الرحمن الرحيم

اخي العزيز شامخ الذات

مشكور على مرورك الطيب وتفاعلك الجميل

ومن يقول وجهه ابيض

لاهنت

ما احب الومض ..عادي ..
مااحب النبض ...عادي ..
ما احب الركض .....؟؟ قبل اتحسس بأقدامي بلادي !!!
اخلص القصيد ماقيل في الوطن ..
فلك الشكر ..ياعـواض

بسم الله الرحمن الرحيم

المستحيله

مشكوره على مرورك ومشاركتك الجميله

لاهنتي00

ترفع ثانية حسب الطلب

شكراً لاهتمامك أخوي عواض

صح السانك يابوبريكان قصيده جزله من شاعر جزل

		المشاركة الأصلية بواسطة : عواض الشلوي اقتباس
	بسم الله الرحمن الرحيم الشــــــــــــــــــاعـــر عـواض بريكان الشلوي

ابو بريكان صح لسانك يارعي الجزل

اسجل اعجابي في تلك الرااائعه وصح لسانك

ولاهنت يالنشمي