مجاراة بين الغربي ومن رؤس بنيوس

قصيدة مرسلها لي الغربي

سـلام يـالـلـي تـكـسـب الطيب يمناه = سـلام يـا راع الـوفـاء والـجـمـيـلة
سـلام يـالـلـي فـي الـطـويلات مبداه = حـر ولـد حـر عـلــومــه جــزيـــــلة
رجـل شـجـيـع وفي المواقيف نلقاه = الـيـا ولـع بـالـزنـد راس الفـتيـلة
يـا بـوسـعـد يـاطـيب الصيت والجاه = قلبي غطس وسط البحور المهـيـلة
يــا بــوسـعــد قـلـبـي تـعـذب بـدنـياه = من عقب فرقاء ام العيون الكحيـلة
بـنـت تـتـل الـقـلـب كـلـه من اقصاه = والقلب مايرضى الجفاء من عميله
حـلـت بقـلـبـي واصبح القلب يهواه = وحـبـيـتـهــا حـب الـخـلـيــل الـخـلـيـله
مشـيـت فـي دربه وطبيت في حماه = ولـعـيـونـهــا شـلـت الـحمول الثقيلة
مـا شـفـت انا مثله شبه في حلاياه = ظـلـيـت احـبـه واعـشـقه وارتكي له
وذلحين ماباقي سوى بعض ذكراه = فــارقــتــهـــا مــابــيـن يــوم ولـيــلة
والمشكلة يابـو سعـد ما قدرانساه = مـانـســاه لــو الــوقـت يحكم صميله
يــا بـوسـعـد هـذا كـلامـي ومـعـناه = الــقــلــب مــايــقــبــل ولـيـفٍ بـديـله
لـكـن وش افـعـل يـازبـون المجلاه = مـحــتــارمـابــيــن الـدروب الطويلة
اعــاتــبــه والا اخــلــيــه واجــفـاه = والا اتـعـب الاقـدام مـن شان اجيله
والا اتـصـبـرواطـلـب الـرب يرعاه = والا عـلـيـه احـتـال مـلـيـون حــيـلة
والمشكله قلبي هو اللي تمناه= ولا ضنتي بنساه بهون وسيله
وصــلاة ربــي عــد مـاهل من ماه = عـلـى الـنـبـي عـد المـزون المخيلة

وهذا ردي على قصيدة الغربي

حـيـّاالـلـه الـلـي تسعـد القلب طرياه = الـغــربـي الـلـي مـانـدور بــديــله
افـرح لـيـا راسـلـت مـثـله وشرواه = مـن عـزوة تـقنى المهار الاصيـلة
اهـل الـفـعـائـل فـي نـهـار الـمثاراه = واهل البنادق والسيوف الصقـيـلة
فـي سـاعـة اشـدات فـرسان ورماه = بـافـعـالـهـم عـدوا براس الطـويلة
اهـل الـكـرم واهـل الـبـيوت المبناه = واهل الشحم والكيف في كـل لـيلة
وقـولـك فهمنايابيض الوجه فحـواه = والـوقـت جـربـنـاه عـدلـه ومـيــله
تشكي فراق اللي زهاء الكف حناه = بـنـت الـرجـال الـلـي تفـيد الجميلة
الـلـي غـلاهـا تـل قلبك مـن اقـصاه = حوراء العيون ام الرموش الظليلة
الـلـه بـحـسـنـه يـابـن الاجواد حلاه = وهرجه يداوي اهل القلوب العليلة
ان كـان هـو يـبـغي مثل مانت تبغاه = ويـبـادلـك نـفـس الـشـعــور النبيلة
روح الولي امر الغظي واطلب يداه = عـلى الـنـقـى والـرجل يعرف دليله
وانـا مـعـك يـاعـيـد بـالـمال والجاه = لا عــاش رجــل مـايــزبــن دخـيــله
وان كـان قـلـبـه عنك رايح بمنحاه = طـرد وراء الـمـقـفي يجي بالفشيلة
خـلـه يـروّح روحـة مـقـيـط ورشاه = دور وتـلـقـى فـي العــذاري بــديــله
مـن لايـودك تـسـعـد الـعـيـن فـرقاه = وبـرق مـجـنـب عـنـك حذرى تخيله
هـذا كـلامـي وانـت فـكــر بـمـعـناه = والـهـرج عـن كـثـره يـكـفـي قـلـيله
وصـلـوا عـلى الـهـادي نـبي تبعناه = عــداد مـاهــل الـمـطــر من مخـيله

صح لسانك يابو سعد وبيض الله وجهك

على هذا الرد الوافي

من رجلٍ وافي

سلمت يامحمد والله يعطيك العافيه

سعدت بردك الجميل

لاهنت يالغالي

تقبل مروري وتحياتي الغربي

مجاراه متميزه


بين شعراء متميزين


لله دركما... صوت وصدى

فيها من الجزاله الكثير...

كل الود لك يا راس بنيوس

كل الود لك يالغربي ......

وصحت السنتكم ......

صح الله لسانك ولسان الغربي ..

مساجله رائعه بين شاعرين ليس مستغرب عليهم الإبداع

لاهنتوا يالغالين ..

:؛:



مجاراة رائعة لشعراء اروع ..

ابدعتوا واجزلتوا ..

صحت السنتكم ..




:؛:

مجاراة أكثر من رائعة يا شعرنا الإعزاء .......

ما اقول غير صح لسانكم والله يحفظكم.......

تحياتي.......

		المشاركة الأصلية بواسطة : الغربي اقتباس
	صح لسانك يابو سعد وبيض الله وجهك على هذا الرد الوافي من رجلٍ وافي سلمت يامحمد والله يعطيك العافيه سعدت بردك الجميل لاهنت يالغالي تقبل مروري وتحياتي الغربي

تسلم اخوي الفاضل الغربي
صح بدنك ولاهنت اسعدني حضورك الجميل
ومشاركتك الرائعة بارك الله فيك والمعذرة في التاخير
في الرد على قصيدتك لكثرة الارتباطات في الصيفية وفقك الله
وتقبل تحياتي

		المشاركة الأصلية بواسطة : سعود سليمان الحارثي اقتباس
	مجاراه متميزه بين شعراء متميزين لله دركما... صوت وصدى فيها من الجزاله الكثير... كل الود لك يا راس بنيوس كل الود لك يالغربي ...... وصحت السنتكم ......

مرحبا الف بالاخ الفاضل والاستاذ الماهر والشاعر المبدع سعودسليمان
نورت صفحة شعري بمرورك الجميل ومشاركتك الرائعة وكلامك الثمين
حضورك شرفني ورايك دائما يهمني لانك مبدع ومنك نستفيد بارك الله فيك
وتقبل تحياتي وشكري وتقديري

		المشاركة الأصلية بواسطة : بدوي فاهم اقتباس
	صح الله لسانك ولسان الغربي .. مساجله رائعه بين شاعرين ليس مستغرب عليهم الإبداع لاهنتوا يالغالين ..

اخوي الفاضل بدوي فاهم
اولا : اشكرك جزيل الشكر على اعادة تنسيق القصائد
ثانيا : اشكرك على حضورك الجميل ومشاركتك الرائعة
بارك الله فيك وفي مرورك الطيب لاعدمناك وفقك الله
وتقبل تحياتي

		المشاركة الأصلية بواسطة : نجود اقتباس
	:؛: مجاراة رائعة لشعراء اروع .. ابدعتوا واجزلتوا .. صحت السنتكم .. :؛:

الاخت الفاضلة نجود صح بدنك
حيّاك الله وحيّا حضورك الطيب
ومشاركتك الجميلة وكلماتك الرائعة وفقك الله
وتقبلي تحياتي