التعامل فن و مهارة

لما تحب شغلة معينة من شخص و جازت لك كثير اعترف له بإعجابك بشغله و إبداعه هذا ما بينقص من قدرك بالعكس بتكبر بعين نفسك قبل الباقيين و اللي قبالك بعد اجتهد و تعب و يستحق الثناء و الشكر و انك تشد ع إيده و تثني عليه

كذا علمتني الحياة

كل يوم إلا ما يصير لك موقف توقف لحظات و انت تفكر فيه ممكن يكون زين هالموقف و ممكن يكون شين و ممكن ما يكون صار لك لكن صار مع غيرك

لكن انت كنت حاضر الموقف و شاهد ع اللي صار

المهم انك توقف لحظات تفكر فيه / الحياة علمتني لا تحصر تفكيرك باللي عاجبك لكن حاول تتعمق شوي و حاول تفند هالموقف و تعرف أبعاده

يعني بالصريح تستفيد من سلبياته و تضيف إيجابياته لواقع نجاحك و حسن إدارتك لحياتك

الحياة مدرسة

لي فترة تقريبا و انا كل يوم أنصدم يا بشخص أو بشغلة !

المهم إني ما أعطي فرصة لهالصدمات انها تغير لي مبادئي و لا طريقة تعاملي و بالتالي تفضل شخصيتي مثل ما أحبها تكون لأن الهدف دائما من التغرير بالشيئ هو الإطاحة بشئ لذلك أقول لمن يحاول ذلك / لا تنسى بأن تُحضر الماء معك لأنك سوف تتعب و تُجهد نفسك بلا طائل

بلا طائل

لما تتضايقوا و تقفل معكم دائماً حاولوا تتمسكوا بشي ممكن يسعدكم و يرد لكم الطمانينة طبعاً بعد كلام الله اللي بدون شك راحة لما في الصدور

بالنسبة لي مثلاً لما تضيق فيني الدنيا أجلس أناظر بصورة اختي الصغيرة



مثل هالبسمة أكيد راح تريح لي أعصابي

دوروا على الأشياء اللي ممكن تسعدكم و تمسكوا فيها

اوقات تحتار بشغلات معينة تواجهك و تتلبك ما تدري شلون تتصرف قلبك يقول لك شي و عقلك النقيض !

الحياة علمتني دائما حاول تسوي الشي الصح اللي يقول لك عقلك عليه و لا تسمع لقلبك دوم لان القلب و المشاعر تورط الشخص بشغلات ممكن يندم عليها

الله يحفظها لكم يارب ^_^


والله يجزاك كل خير عالموضوع ياهديل أستفدت كثير

يا حبني لك يا سدوم و لنشاطك الله يحفظك يا رب

تسلمي ع المرور

تسلم يديك والله يا مشرفتنا
هديل
والله يعافيك ويبارك فيك
مثل هذه الكلمات والنصائح
ومثل هذه التوجيهات
يجب أن تجعل نبراساً يسار عليه
وهدفاً نسعى له
لتكتمل النموذجية وتتحقق المثالية
ويبقى الكمال المطلق لله وحده

شكرا لك أخوي بو عبدالله ع المرور

دمت بخير

تعلمت ان لااثق باحد مهما كان وان اكف عن سذاجتي وبرائتي