يردني ديرتي

اعضاء هذا المنتدى الغالي
بما إن هذه اول مشاركه لي بينكم
عسى ان تنال إعجابكم ولكم كل الود

أبدى بذكر الله الرحمن سبحانه=علام الأسرار خافيها وباديها
من بعدها أكتب سلامي رافعن شانه=سلام عز وشرف والله يسويها
بنيت بيت الشعر مفتوح بيبانه=واقفال كسرتها واعرف ملاويها
من سبتك يازمن ذالروح تعبانه=مير اطلب الله سبحانه يشافيها
كنت احسب إنك زمن لك روح حنانه=مثل الديار الذي زانت مناشيها
إلى ولنك كما دابن بنيبانه=نيبان قُشرً تهول السُم ماليها
أحرمت قلبي من اصحابه وخلا نه=سُكان في ديرتً محلا مباديها
والعين تبكي وطول الليل سهرانه=عيت تهنا المنام الي يباريها
والقلب لاون له ونات حزنانه=حتى ضلوع الصدر بانت مفاجيها
لا كن يوم افتكر صقرن بجنحانه=حُر طليقً وصيداته يضويها
ماتسكن إلا صخور سود شيهانه=منزال الأحرار وتعززمرابيها
اليوم وسط الشباك وتارك أخوانه=مخالبه عالوكر بانت ملاجيها
وصكوه بالبرقع الأصلي على اعيانه=مغمض العين ماتبصر حباريها
هذا وهو حُر له جنحان ومكانه=رجمت به يازمن حتى محاجيها
ختامها بطلب الرحمن غفرانه=ويردني ديرتي ماني بناسيها

حــــــوران

حوران
صح لسانك وبيض الله وجهك
قصيدة جميل جمّل الله حالك وبداية موفقة بذن الله
اهلا وسهلا بك وباول مشاركاتك بين اخوانك اعضاء منتدى الشدادين ،
وتقبل تحياتي

صح السانك على القصيده

وبارك الله فيك والا نستغني عن مشاركاتك الفعاله





تحياتي

أخواني
من رؤس بنيوس
ابو سلطان

بيض الله وجيهكم على المرور

لكم كل التقدير

حوران ...

صح لسانك وحياك الله

مشاركة اولى جميلة وننتظر المزيد.

سعود بن سليمان

تشرفت بمرورك المضيء لما كتبت

لاخلا ولاعدم

لك كل الود

صح لسانك وعلى شانك
قصيده رائيعه بروعة قايلها

صح السانك وبيض الله وجهك
تقبل تحياتي

صح لسانك يا حوران

وننتظر منك الاستمرار وتقديم كل ما عندك

صح لسانك قصيدة جداً رااائعه

لاهنت اخي الكريم

دمت بود