شوق

السلام عليكم . هاي قايز

*

*

*


قبل مايحتفل المنتدى بعامة السابع وقبل يحتفلون الناس بالعام الجديد
هذا احتفال خاص فية انا وعبرت عنه بمشاعري وكلماتي

اجلس معي خل الغلا يملك الجو
اجلس معي ياشوق لو كان ساعة

بحكي لك ان الحب بالكون مخلوق
والود مايحلى بدون القطاعة

اه ياحبك للمشاكل اه ياحبك لزعل
كل ماقلنا هدينا حدك اسبوع وتمل

طويلة حيل هالقصة خذت من عمرنا نصه
وخلت نصه الثاني يعاني قسوة غيابك

كثيرة الابيات الي تنطبق عليك وعلية
لكن هالمرة قلت اكتب فيك انا بنفسي / عشان يكون ذوقها غير

مرثيتي من دون قلبي تلبيك=وشلون مدري علقتني وصوفك
مرت سنه ابكيك وشهور اغنيــك=ولا يكتمل في ذي ولا ذي معروفك
واللحين قررت ارمي الحب وارميك=انهيت ماقد فات وانهيت خوفك
كان القلق يوم اتصل فيك واهديك=وكنت ارتبك واخاف واطلب حلوفك
اخاف لو غيري بكلمة يأذيك=وازعل عشانك من تغرض يعوفك
ايام مالي غير موطى اراضيك=ايام وايام اعزلتها ظروفك
كنت اكتب الاشعار والعين تبكيك=من يوم لاحت في وداعي كفوفك
حبيبتي في كل عام احتفل فيك=لكن محال العام هذا اشوفك
ياخوف لو ناديت بصوت قاصيك=يبح صوتي قبل يوصل طيوفك
لا ما اتمنى لو دقايق تبكيك=خلي البكا مابين جوفي وجوفك
الله يهني من تمكن يهنيــك=وتعمك الفرحة وتوصل ضيوفك

منفـــى

الاتش خطيته قبل عام واكثر
على طرف كفي بلأقلام مرسوم

اهواك واهلك ومن هلاك اتدمر
واعيش ميت لكن القلب مرحوم

صح لسانك يارعد

وبيض الله وجهك لكن حرف الـ H هذا كل الشعار غنو فيه وش القصه

صح لسانك رعد

أبيات معبرة

لا هنت .

حياك الله يا رعد الجبوب بعد فترة غياب عن هذا القسم
كم أنتم أصحاب خيال بعيد أيها الشعراء
وكم لكم في الأحلام من قصص وأهواء وأحاديث

طاب لنا معك السمر
وطاب لنا الملتقى
وصح لسانك ملايين

مجمل شوق بعد فراق
ومجمل شوق قضينا معه
ذكريات
صح اللسانك رعد الجبوب

..رعد تعال ...

انا هنا سأ اقاضيك وامام الجميع ايضاً

انت شخص لم نعرف لك إلا الان وكأن قلبك فندق الزلفان

يوم M ويومr واليووووم تقول H

ولكني لن اسمح لك ان تسلب جميع حقوقي بهذه السهوله

وحرف H يبقى ملكي انا وحدي ولا يحق لايٍ كان ان يشاركني فيه

صح لسانك

ولا عااااااااااد تعودها

صحت ابدانكم
واشكر لكم حظوركم والقصيدة من الواقع ليست من الخيال
حياك الله يالغربي



حرف r رعد الجبوب ويعني ايضآ جنيتي ريم الي تزوجة قبل اسبوع
وحرف M حرف اسمي وحرف حبيبتي الراحلة
وحرف H يعبر عن نفسي في اشيا كثر وخاصه جدآ

صح لسانك وبيض الله وجهك
قصيده في قمة الروعه
والمنتدى يستاهل كل خير
ولاهنت

		المشاركة الأصلية بواسطة : اقتباس
	حبيبتي في كل عام احتفل فيك=لكن محال العام هذا اشوفك ياخوف لو ناديت بصوت قاصيك=يبح صوتي قبل يوصل طيوفك

صح لسآنك مدد بلا عدد

لآهنت على هـ/القصيده أبو ليلى , الله يصبّر قلبك يآ بعدي



,

صح لسانك ولسان جنيتك ريم

وصّل لها سلامي وقل مبروك عرسك

بس ليش ما نزلت خبر عرسها في أخبار الشدادين

ههههههههههههههههههههههههاي








شكرياتي