قصيدة المهادي محمد

يقول المهـادي والمهـادي محمـد=وبه عبرةً جمـل المـلا مادرابهـا
وجعـي بهـا مـن علـةٍ باطنيـة =ولايـدري الهلبـاج عمـا لجابهـا
أن ابديتهـا بانـت لرماقـة العـدا =وأن اخفيتها ضاق الحشا بالتهابهـا
ثمان أسنين وجارنـا مسـرفٍ بنـا =وهو مثل واطي جمـرةٍ مادرابهـا
وطاها بفرش الرجل لـو ماتمكنـت =بقى حرها مايبـرد المـاء التهابهـا
ياما حضينـا جارنـا مـن كرامـة =لو كـان مايلقـي شهـودً غدابهـا
وياما عطينـا جارنـا مـن سبيـة =ليا قادهـا قوادهـا مـا نثنـا بهـا
الأجـواد وأن قاربتهـم ماتملـهـم =والأنذال وأن قاربتها عفـت مابهـا
الأجواد وأن قالـوا حديـثً وفوبـه =والأنذال منطوق الحاكيـا اكذابهـا
الأجواد مثل العد من وردة ارتـوى =والأنـذال لاتسقـى ولا ينسقابـهـا
الأجواد تجعل نيلها دون عرضهـا =والأنذال تجعل نيلهـا فـي رقابهـا
الأجواد يطرد همهم طول عزمهـم =والأنذال يصبح همها فـي رقابهـا
الأجـواد تشبـه قـارةٍ مطلحـبـة =ليا دارها البردان يلقى الـذرى بهـا
الأجواد صندوقيـن مسـكٍ وعنبـر =ليا فتحـت ابوابهـا جـاك مابهـا
الأجواد مثل البدر في ليلة الدجـى =والأنذال ظلماً تايـةٍ مـن سرابهـا
الأجواد مثل الدر في شامـخ الـذرا =والأنذال مثل الشري مـرٍ مذاقهـا
الأجـواد وأن حايلتهـم ماتحايلـوا =والأنذال أدنـى حيـلٍ ثـم جابهـا
الأنذال لو غسلوا ايديهـم تنجسـت =نجاسة قلـوبٍ مايفيـد الـدوا بهـا
يـارب لا تجعـل للأجـواد نكبـة =من حيث لا ضعف الضعيف التجابها
لعـل نفـسٍ مـا للأجـواد عندهـا =وقارٍ عسى ماتهتنـى فـي شبابهـا
عليك بعين السيح ليـا جيـت وارد =خل الخبـاري فـإن ماهـا هبابهـا
محا الله عجوزٍ من سبيع بن عامـر =ماعلمـت غرانهـا فـي شبابـهـا
لهـا ولـدٍ ماحـاش يـومٍ غنيمـة =عدا كلمةٍ عجفـا قمـز ثـم جابهـا
أنا أظـن دارٍ شـد عنهـا مفـرج =حقيقٍ يـادار الخنـا فـي خرابهـا
وأنا أظن دارٍ نـزل فيهـا مفـرج =لا بـد ينبـت الزعفـران ترابهـا
فتىمايظلـم الـمـال الا وداعــة =ولو يملك الدنيـا جميعـا صخابهـا

منقول

رحمه الله ورحم الله جاره

وهي من القصص الشهيره التي تدل على حسن الجيره
وشكرا لك أخوي ...

فواز صح لسانك
والله لا يهينك شاعر جزل
لك احترامي تقبل مروري

رائعة جدا جدا ..

تصدق أني أدور عليها ..

لكن مكانها منتدى القصائد المختاره ..

شكرا لك على النقل..

كان نسقتها يا سعود بن سليمان معك



أنتقاء جميل أخوي فواز

كنت على عجل والا لفعلت.. ونسقتها ..

لكنك قمت بالواجب يا حاتم الشدادي

كل عام والجميع بخير ومبروك الشهر ..

مشكورين على المرور الرائع

سبعت عشر نعم فيكم