شرى ما باع

يا شيـن طبـعٍ فيـك .. يا زيــن الأطبـاع =لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع =مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع=ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع=والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع =ومسامـعي ماتت من الجـوع .. للـقـوت
وحكي الغزل في صدرك أشكال وأنواع= لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع =مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع = وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع =وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع =ناسٍ ضعاف عقول / وأشوار / وبخوت
وإلطف بحال اللي نحـل حاله .. و راع ..=قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع =وإنت هالله هالله فيه .. والعمـر موقوت
اسمع أشعاري في الهوى وارخ الأسماع = ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع = ونعم .. نعم للوصل .. لو كان بالصوت

قصيده في منتهى الروعه
الف شكر اخوي على الاختيار الراقي
لاتحرمنا من جديدك

كل الود

سلمت ولا هنت يا أبو عويد
والله يعطيك ألف عافية
على نقلك لهذه القصيدة لنا

^
^

القصيده رائعه ...

الف شكر لك أخوي خالد ....

الشعابي السلطان شغب انثى شاكر مروركم الكريم ولا هنتم

خالد

تشكر على الأختيار العطر من قصائد الجزلين

مشكور على الكلمات الجميلة ولك الف شكريااخ خالد

ابو عويد
بيض الله وجهك على الاختيار الجزل لا عدمناك ياذيبان

صح لسان الشاعر والله يعطيك الف الف عافية